Aefeso 2:16 - ÎVUKU RÎA ÛVORO MWARO

¹⁶ Na njîra ya kwîruta akue mûtharavarî, Kristû nîwathirîrie ndûrîrî icio igîrî ûthû na agîciîgwithania na Ngai igîtuîka mwîrî ûmwe.

Aefeso 2:16 ပူးပေါင်းရင်းမြစ်များ

Aroma 5:10

Vîndî îmwe twarî nthû cia Ngai, nwatî ke nîwatûtuire arata ake na njîra ya gîkuû Kîam mûriû wake. Na rîu nîûndû tûrî arata a Ngai ke nîagaatûvonokia na njîra ya Kristû.

Aroma 6:6

Nîtwîcî atî ûmûndû wetû wa tene nîwambirwe mûtharavarî vamwe na Kristû nîguo vinya wa mwîrî ûrîa wîvagia ûthirue na tûtigacoke gûtuîka ngombo cia mevia.

Aroma 8:3

Ûndû ûrîa watho ûtangîavotire gwîka nîûndû wa kwagithua vinya nî mwîrî Ngai nîwawîkire. Eekire ûguo na njîra ya kûrekia Mûrû wake arî na mwîrî wîkariî ta îno yetû ya mevia na arî na mwîrî ûcio nîwavootire mevia.

Aroma 8:7

Kwoguo andû arîa mathagwa nî maûndû ma mwîrî methagîrwa marî ûthû na Ngai, nîûndû matiathîkagîra Watho wake, na matingîvota kûwathîkîra.

1Akor 10:17

Wana ethîrwa tûrî eengî, tûrî mwîrî ûmwe nîûndû kûrî mûgate ûmwe na tuonthe nîtûrîcanagîra mûgate wa ûcio ûmwe.

Agal 2:20

Kwoguo rîu tî nie ndûûraga mwoyo, nwatî nî Kristû ûtûûraga ndaarî yakwa. Ûtûûro ûrîa ndûûraga rîu, ndûûraga na njîra ya gwîtîkia Mûriû wa Ngai ûrîa wamendire na akîîvecana akue nîûndû wakwa.

Aefeso 2:15

Kristû nîwathiririe watho wa Ayahudi na maathani maguo nîguo athondeke rûrîrî rûcerû na rûrî kîndû kîmwe nake kuumana na ndûrîrî icio igîrî. Kwoguo nîwatûmire andû magîe na thayû.

Aefeso 3:6

Nayo nthitho nî atî na njîra ya ûvoro mwaro, andû a Ndûrîrî nî ciîga cia mwîrî ûmwe na nîmanyitaga kîrîa Ngai eeranîre na njîra ya Jesû Kristû.

Aefeso 4:4

Kûrî mwîrî ûmwe na Roho ûmwe, wata ûrîa kûrî mwîrîgîrîro ûmwe ûrîa Ngai amwîtîrîte.

Akol 2:14

Nîwavutire mûtaratara wa thirî îrîa yonanîtue nî watho atî twarî tûrîve. Thirî îo nîwamîthengutirie viû vîndî îrîa aamîvûrîre mîcumarî mûtharavarî.

Akol 3:15

Tigani thayû ûrîa Kristû avecanaga ûmûtongoragie mûkîthondeka matua menyu, nîûndû thayû ûcio nîguo watûmire Ngai amwîte vamwe nîguo mûtuîke mwîrî ûmwe na mûcokagie ngatho vîndî cionthe.