Aefeso 2:15 - ÎVUKU RÎA ÛVORO MWARO

¹⁵ Kristû nîwathiririe watho wa Ayahudi na maathani maguo nîguo athondeke rûrîrî rûcerû na rûrî kîndû kîmwe nake kuumana na ndûrîrî icio igîrî. Kwoguo nîwatûmire andû magîe na thayû.

Aefeso 2:15 ပူးပေါင်းရင်းမြစ်များ

Isaia 9:6

Nîûndû nîtûciarîrîtwe kaana. Nîtûvetwe kaana ga kavîcî. Na nîkavetwe vinya wa kwathana. Gageetwa, “Mûtaarani wa Magegania, Ngai mwene vinya wonthe, Vava wa Tene na tene, Mûthamaki wa Thayû.”

2Akor 5:17

Mûndû wa wonthe wînyitithanîtie na Kristû, ke nî kîûmbe gîcerû. Maûndû marîa makûrû nî mathiru, namo maûndû marîa macerû nîmaûku.

Agal 3:10

Andû arîa meciragia nîmagaatuwa athingu mbere ya Ngai nîûndû wa kûvingia watho nî arume. Nîûndû mandîko matheru maugîte atîrî: “Mûndû wa wonthe ûtavingagia maûndû monthe marîa mandîkîtwe wathorî nî mûrume.”

Agal 3:28

Kwoguo gûtirî ngûrani gatagatîrî ka Ayahudi na andû a Ndûrîrî, ngombo na arîa matarî ngombo, arûme na aka muonthe mûrî kîndû kîmwe na Kristû.

Agal 6:15

Kûrua kana kûrega kûrua tî ûndû ûrî na vata mûno. Ûndû ûrîa ûrî na vata nî kwîthîrwa ûrî kîûmbe gîcerû.

Aefeso 2:10

Ngai aatûmbire ûguo twîkariî na njîra ya Kristû nîguo twîkage ciîko mbaro irîa aavangîte twîkage.

Aefeso 2:14

Nîûndû Kristû nîke thayû wetû. Ke nîanyitithanîtie Ayahudi na andû a Ndûrîrî magatuîka kîndû kîmwe. Maagaûkanîte takwa vaarî na rûthingo gatagatîrî kao, nwatî Kristû nîwatharirie rûthingo rwa rûmena na njîra ya kûruta mwîrî wake.

Aefeso 2:16

Na njîra ya kwîruta akue mûtharavarî, Kristû nîwathirîrie ndûrîrî icio igîrî ûthû na agîciîgwithania na Ngai igîtuîka mwîrî ûmwe.

Aefeso 4:16

Nîûndû wa vinya wake, ciîga cionthe cia mwîrî nîinyitithanîtue vamwe, na mwîrî wonthe ûkovanua nî marûngo marîa ûvetwe. Kwoguo vîndî îrîa wa kîîga Kîamruta wîra wakîo na njîra îrîa yagîrîrîte, mwîrî wonthe nîûkûraga na ûkagîa na vinya ûrî na wendani.

Akol 2:14

Nîwavutire mûtaratara wa thirî îrîa yonanîtue nî watho atî twarî tûrîve. Thirî îo nîwamîthengutirie viû vîndî îrîa aamîvûrîre mîcumarî mûtharavarî.

Akol 2:20

Ethîrwa nîmwakwire vamwe na Kristû na mûgîtethûrwa kuuma kûrî maaroho marîa mathamakaga gûkû nthî na îgûrû, nîndûî vi gîtûmaga mûtûûre takwa mûrî a gûkû nthî? Nîndûî gîtûmaga mûrûmîrîre mawatho ta mama:

Akol 3:10

na nîmwekîrire ûmûndû mûcerû. Naguo ûmûndû wenyu ûyû mûcerû wîkaraga ûgîcerûvagua vîndî cionthe nîguo ûvanane na Ngai ûrîa waûûmbire, nîguo ûgîe na ûmenyo wa ma wake.

Akol 3:11

Nîûndû wa ûguo, rîu gûtirî na ngûrani ya andû a ndûrîrî na Ayahudi, ya mûndû mûruu na ûtarî mûruu, ya mûndû mûkingitaru na ya mûvoi mîvuanano, ya mûndû ngombo na ûtarî ngombo. Nwatî Kristû nîke maûndû monthe, kûrî andû onthe.

Akol 3:15

Tigani thayû ûrîa Kristû avecanaga ûmûtongoragie mûkîthondeka matua menyu, nîûndû thayû ûcio nîguo watûmire Ngai amwîte vamwe nîguo mûtuîke mwîrî ûmwe na mûcokagie ngatho vîndî cionthe.

Ahib 7:16

Ke aatuirwe mûthînjîri-Ngai nîûndû wa vinya wa mwoyo wake ûrîa ûtathiraga, nwatî tî na njîra ya mawatho marîa mathondeketwe nî andû.

Ahib 8:13

Rîrîa Ngai aaririe ûvoro wa kîrîkanîro gîcerû ke nîwatuire kîrîkanîro kîrîa Kîam mbere gîkûrû. Nakîo kîndû wa kîonthe kîrakûra na gîgatuîkanga, nîkwa kîûraga.

Ahib 9:23

Kwoguo kwarî na vata indo irîa ivuana irîa irî îgûrû itherue na njîra ya magongoona mau. Nwatî indo cio mene irîa irî îgûrû nî ivatarîte mûno kûtherua na magongoona maro gûkîra mau.