Aefeso 2:14 - ÎVUKU RÎA ÛVORO MWARO

¹⁴ Nîûndû Kristû nîke thayû wetû. Ke nîanyitithanîtie Ayahudi na andû a Ndûrîrî magatuîka kîndû kîmwe. Maagaûkanîte takwa vaarî na rûthingo gatagatîrî kao, nwatî Kristû nîwatharirie rûthingo rwa rûmena na njîra ya kûruta mwîrî wake.

Aefeso 2:14 ပူးပေါင်းရင်းမြစ်များ

Esita 3:8

Kwoguo Hamani nîwerire mûthamaki atîrî, “Kûrî andû a mûvîrîga mûna manyagarûkîrîte vûrûrirî waku wonthe na methagîrwa makîoneka icunjîrî cionthe cia wathani waku. Andû acio marî na mawatho ngûrani na marîa marûmagîrîrwa nî mavûrûri marîa mengî na matiathîkagîra watho wa mûthamaki, kwoguo gûtirî na vata wa kûmarekereria matûûre vûrûrirî waku.

Mika 5:5

nake nî akaareta thayû. Rîrîa andû a Asîria makaatharîkîra vûrûri wetû; na momomore nyomba cietû cia kwîgitîra, nîtûgaatûma atongoria etû arîa marî vinya makarûe nao.

Zakaria 6:13

Nîke ûkaamîtuma na nîakaavewa gîtîîo wata kîrîa kîvecagwa mûthamaki, na nîagekarîra gîtî Kîam ûthamaki athe andû ake. Vakuvî na gîtî gîake Kîam ûthamaki nîvakethîrwa na mûthînjîri-Ngai, na oîrî nîmagekaraga marî na thayû na wîgucano.’

Luka 1:79

Nîakaatherera arîa mekarîte ndumarî na ûgwatirî wa gîkuû, na atwerekerie njîrarî ya thayû.”

Luka 2:14

“Ngai ûrîa ûrî Îgûrû Mûno arokumua, na thayû ûrogîa gûkû nthî, kûrî andû arîa mamûkenagia!”

Johana 10:16

Na nîrî na ng'ondu ciîngî ciakwa itarî rwagarî rûrû, na nwa nginya wa nacio nîirete. Nacio nîikûthikîrîria mûgambo wakwa, na cionthe vamwe ituîke cia ndîthia îmwe na igîe na mûrîthi ûmwe.

Johana 11:52

na ciana cia Ngai irîa inyagarûkîte kûndû kuonthe, nîguo aicokanîrîrie vamwe na aitue kîndû kîmwe.

Johana 16:33

Namwîra maûndû mama nîguo mûgîe na thayû mûrî na ngwatanîro nanie. Nîmûkûthînîka mûrî gûkû nthî, nwatî ûmîrîriani! Nie nîrîmûvootu nthî!”

Ciîko 10:28

Nîwamerire atîrî, “Mue andû aya nîmwîcî waro atî Ayahudi tî etîkîrie nî ndini yao matukane kana maceranîre na Andû a Ndûrîrî. Nwatî Ngai nîamonetie atî nie ndiagîrîrwe nî kuga mûndû wana ûrîkû atî arî na mûgiro kana atî tî mûtheru.

Ciîko 10:36

Mue nîmwîcî ndûmîrîri îrîa Ngai aatûmire kûrî andû a Isiraeli. Ndûmîrîri îo yarî Ûvoro Mwaro wa thayû. Ûvoro ûcio waûkire na njîra ya Jesû Kristû ûrîa arî ke Mwathani wa andû onthe.

Aroma 5:1

Na rîu, nîûndû nîtûtuîtwe athingu nî Ngai na njîra ya gwîtîkia, nîtwîgucanîte na Ngai na njîra ya Mwathani wetû Jesû Kristû.

Agal 3:28

Kwoguo gûtirî ngûrani gatagatîrî ka Ayahudi na andû a Ndûrîrî, ngombo na arîa matarî ngombo, arûme na aka muonthe mûrî kîndû kîmwe na Kristû.

Aefeso 2:15

Kristû nîwathiririe watho wa Ayahudi na maathani maguo nîguo athondeke rûrîrî rûcerû na rûrî kîndû kîmwe nake kuumana na ndûrîrî icio igîrî. Kwoguo nîwatûmire andû magîe na thayû.

Aefeso 2:17

Kwoguo Kristû nîwaûkire na akîvunjia Ûvoro Mwaro wa thayû kûrî mue andû a Ndûrîrî arîa mwarî kûraca na Ngai na kûrî Ayahudi arîa maarî vakuvî nake.

Aefeso 3:15

na nîûndû wake mîciî yonthe ya îgûrû na ya nthî îthagîrwa îrî kuo na ma.

Aefeso 4:16

Nîûndû wa vinya wake, ciîga cionthe cia mwîrî nîinyitithanîtue vamwe, na mwîrî wonthe ûkovanua nî marûngo marîa ûvetwe. Kwoguo vîndî îrîa wa kîîga Kîamruta wîra wakîo na njîra îrîa yagîrîrîte, mwîrî wonthe nîûkûraga na ûkagîa na vinya ûrî na wendani.

Akol 1:20

Kwoguo na njîra ya Mûriû, Ngai nîwonire kûrî kwagîrîru acokanîrîrie indo cionthe kûrî ke irîa irî îgûrû na irî nthî. Ngai nîwatûmire kûgîe na thayû na njîra ya kûûragwa kwa Mûriû wake mûtharavarî.

Akol 2:20

Ethîrwa nîmwakwire vamwe na Kristû na mûgîtethûrwa kuuma kûrî maaroho marîa mathamakaga gûkû nthî na îgûrû, nîndûî vi gîtûmaga mûtûûre takwa mûrî a gûkû nthî? Nîndûî gîtûmaga mûrûmîrîre mawatho ta mama:

Akol 3:11

Nîûndû wa ûguo, rîu gûtirî na ngûrani ya andû a ndûrîrî na Ayahudi, ya mûndû mûruu na ûtarî mûruu, ya mûndû mûkingitaru na ya mûvoi mîvuanano, ya mûndû ngombo na ûtarî ngombo. Nwatî Kristû nîke maûndû monthe, kûrî andû onthe.

Akol 3:15

Tigani thayû ûrîa Kristû avecanaga ûmûtongoragie mûkîthondeka matua menyu, nîûndû thayû ûcio nîguo watûmire Ngai amwîte vamwe nîguo mûtuîke mwîrî ûmwe na mûcokagie ngatho vîndî cionthe.

Ahib 13:20

Ngai nîariûkîtie Mwathani wetû Jesû Kristû ûrîa arî ke Mûrîthi Mûnene wa ng'ondu. Na njîra ya gîkuû gîake nîwarûthire kîrîkanîro gîa gûtûûra tene na tene.

Ahib 7:2

Nake Iburahimu nîwamûgaîre gîcunjî gîa îkûmi Kîam indo ciake cionthe cia indo irîa aatavîte. (Mbere rîîtwa Melikizedeki, nî kuga, “Mûthamaki wa Ûthingu.” Na nîûndû aarî mûthamaki wa Salemu, Melikizedeki nî kuga, “Mûthamaki wa thayû.”)