Aefeso 2:10 - ÎVUKU RÎA ÛVORO MWARO

¹⁰ Ngai aatûmbire ûguo twîkariî na njîra ya Kristû nîguo twîkage ciîko mbaro irîa aavangîte twîkage.

Aefeso 2:10 ပူးပေါင်းရင်းမြစ်များ

Thaburi 100:3

Menyani atî Ngai-Mûnene nî Ngai. Nîke watûmbire, na tûrî ake, tûrî andû ake, na tûrî ng'ondu cia ndîthia yake.

Thaburi 119:3

andû arîa matekaga maûndû macûku; nwatî nîmarûmagîrîra njîra ciake.

Thaburi 138:8

Ngai-Mûnene nîakaamvingîria maûndû marîa ambîrîîre. Wendo waku ûtathiraga we Ngai-Mûnene, ûtûûraga tene na tene. Ndûgatiganîrie wîra wa njara ciaku.

Thaburi 51:10

Nyûmbîra ngoro ntheru, we Ngai, na ûmbîkîre ngoro njerû na mbathîki.

Thaburi 81:13

Naarî kethîrwa andû akwa nîmaanthikîrîrie; naarî kethîrwa Isiraeli nîmaambathîkîre!

Isaia 19:25

Ngai-Mûnene mwene vinya wonthe nîakaamarathima akiugaga atîrî, “Mûrorathimwa andû akwa a Misiri, mûrorathimwa andû a Asîria arîa naûmbire na njara ciakwa, na Aisiraeli arîa nîîthuurîrîte.”

Isaia 29:23

Nîûndû rîrîa akoona ciana ciake, wîra wa njara ciakwa, nîmagaakumia rîîtwa rîakwa nie Ûrîa Mûtheru wa Jakovu; na metigîre Ngai wa Isiraeli.

Isaia 43:21

Acio nî andû arîa naûmbire marî akwa nie mwene, nîguo managîrîre ngumo yakwa!

Isaia 43:7

Andû onthe arîa metanagua nanie, arîa naûmbire nîûndû wa riiri wakwa, arîa naûmbire na ngîtûma magîe kuo.”

Isaia 44:21

Ngai-Mûnene arauga atîrî, “We Jakovu, taririkana, we Isiraeli taririkana atî we wî ndungata yakwa. Nie nînie nakûmbire nîguo ûndungatagîre, we Isiraeli nie ndikaariganîrwa nîwe.

Isaia 60:21

Andû aku onthe makethîrwa marî athingu, na nîmakegwatîra vûrûri tene na tene. O magaatuîka ta mûtî ûrîa mvandîte nie mwene, nîguo ngumague nî andû onthe.

Isaia 61:3

Andûmîte ngave arîa maracakaya marî Zayuni, ngovia ya maûa vandû va mûu, maguta ma gîkeno vandû va kîeva, nguo ya ûgooci vandû va îvooru. Makethîrwa mavaana ta mîtî ya mîvuru ya ûthingu, îrîa Ngai-Mûnene avandîte nîguo akumague.

Jeremia 31:33

Nwatî vuva wa mîthenya îo, gîkî nîkîo kîrîkanîro kîrîa ngarûtha na andû a Isiraeli. Nîngaiga watho wakwa ndarî yao na nîwandîke ngororî ciao. Nîngatuîka Ngai wao nao matuîke andû akwa.

Mathaayo 5:16

Na njîra wata îno tigani ûtheri wenyu ûmûrîkagîre andû onthe, nîguo moone ciîko cienyu mbaro, na makumie Îthe wenyu ûrîa wî Îgûrû.

Johana 3:21

Nwatî mûndû wa wonthe wîkaga ciîko cia ma nîwîyumagîria ûtherirî, nîguo ciîko irîa eekaga cionanagie atî nîwathîkagîra Ngai.”

Ciîko 9:31

Kwoguo kanitha ya kûu kuonthe Judea, Galili na Samaria nîyekarire îrî na thayû. Nayo îgîtethagîrîrua nî Roho Mûtheru nîyagîre na vinya na îkîthiî na mbere gûkûra îkîongererekaga îrî na wîtigîri wa Mwathani.

Ciîko 9:36

Nakuo îtûûrarî rîa Jopa nîkwarî na mûndûmûka mwîtîkia wetagwa Tabitha. (Rîîtwa rîu rîake na Kîngiriki nî Dorokasi, na nî ta kuga “nthiia.”) Nake nîwamenyerete gwîkaga ciîko mbaro na gûtethagia athîni.

Aroma 8:1

Nîûndû wa ûguo, rîu arîa marî ndaarî ya Jesû Kristû matingîtuîrwa atî nî evia.

Aroma 8:29

Nîûndû andû arîa Ngai aathuurire kuuma wa tene nîwamamûrire matuîke ta Mûrû wake nîguo nake Mûrû wake atuîke îrikithathi rîa ciana nyîngî cia îthe ûmwe.

1Akor 3:9

Tue tûrî aruti a wîra wa Ngai tûkîrutithania vamwe, namue nîmue mûgûnda wa Ngai na nwa mue nyomba ya Ngai.

2Akor 5:17

Mûndû wa wonthe wînyitithanîtie na Kristû, ke nî kîûmbe gîcerû. Maûndû marîa makûrû nî mathiru, namo maûndû marîa macerû nîmaûku.

2Akor 5:5

Ngai nîke ûtûvarîrîtie nîûndû wa ûgarûrûku ûyû. Nake nîatûvete Roho wake wa kwonania kîrîa atwigîrîte.

2Akor 9:8

Nake Ngai arî na ûvoti wa kûmûva nyîngî makîria ya irîa mûvatarîte nîguo vîndî cionthe mwîthagîrwe mûrî na indo cionthe irîa mue ene mûvatarîte na ciîngî nyîngî nîûndû wa wîra mwaro.

Agal 6:15

Kûrua kana kûrega kûrua tî ûndû ûrî na vata mûno. Ûndû ûrîa ûrî na vata nî kwîthîrwa ûrî kîûmbe gîcerû.

Aefeso 1:1

Kuuma kûrî nie Paûlo, ûrîa Ngai aatuire mûtûmwa wa Jesû Kristû nîûndû ûcio nîguo warî wendi wake. Kûrî andû a Ngai arîa marî Efeso, arîa evokeku ûtûûrorî wao na marî kîndû kîmwe na Jesû Kristû.

Aefeso 1:4

Na njîra ya kwîthîrwa tûrî kîndû kîmwe na Kristû, Ngai nîwatûthuurire tûtuîke andû ake atheru na matarî na ûcuke mbere yake. Nîûndû wa wendo wake,

Aefeso 2:13

Nwatî rîu, nîûndû mûrî kîndû kîmwe na Jesû Kristû, mue arîa mwarî varaca na Ngai, nîmûretaretetwe vakuvî nake na njîra ya nthakame ya Kristû.

Aefeso 2:15

Kristû nîwathiririe watho wa Ayahudi na maathani maguo nîguo athondeke rûrîrî rûcerû na rûrî kîndû kîmwe nake kuumana na ndûrîrî icio igîrî. Kwoguo nîwatûmire andû magîe na thayû.

Aefeso 2:2

Vîndî îo mwarûmagîrîra maûndû macûku ma nthî îno. Mwathîkagîra mûnene wa maavinya ma kîîroho marîa marî rîerarî. Roho ûcio nîke wathaga andû arîa maregaga kwathîkîra Ngai.

Aefeso 2:6

Ke nîwatûriûkirie tûrî kîndû kîmwe na Jesû Kristû nîguo twathane vamwe nake kûu îgûrû.

Aefeso 4:1

Nie njovetwe nîûndû nîndungatagîra Mwathani, kwoguo nîramûthaitha mûtûûre na mîkarîre îringanîte na rîtana rîrîa mwetîrwe.

Aefeso 4:24

Nwanginya mwîkîre ûmûndû mûcerû ûrîa ûmbîtwe ûvananîte na Ngai na wîyonithanagia ûtûûrorî wa ma ûrîa mûthingu na mûtheru.

Gûco 32:6

Ûguo nîguo mwagîrîrwe nî gwîka Ngai-Mûnene, mue irimû ino na mûtarî na ûûgî? Kinthî tîke aguo ûrîa wamûmbire, ûrîa wamûmbire na akîmûtua rûrîrî?

Gûco 5:33

Athîkagîrani maûndû monthe marîa Ngai-Mûnene, Ngai wenyu amwathîte nîguo maûndû menyu methagîrwe marî maro, na mûthiî na mbere gûtûûra vûrûrirî ûrîa mûkwîgwatîra.

Afil 1:6

Kwoguo nîrî na ma atî Ngai ûrîa wambîrîrie wîra mwaro kûrî mue nî akûûruta nginya akaaûrîkia mûthenya wa gûcoka kwa Jesû Kristû.

Afil 2:13

Ngai ethagîrwa akîruta wîra ndaarî yenyu vingo cionthe, nîguo atûme mwende na mûvote kwathîkîra wendi wake.

Akol 1:10

Namue mûkaavotaga gûtûûra ta ûrîa Mwathani endaga na mûgeekaga maûndû marîa makenagia Mwathani vîndî cionthe. Namue mûkaagîcaga na maciaro maro maûndûrî monthe marîa mûgekaga na mûgakîragîrîria kûmenya Ngai.

Akol 3:10

na nîmwekîrire ûmûndû mûcerû. Naguo ûmûndû wenyu ûyû mûcerû wîkaraga ûgîcerûvagua vîndî cionthe nîguo ûvanane na Ngai ûrîa waûûmbire, nîguo ûgîe na ûmenyo wa ma wake.

2Ath 2:17

Ke aromûmîrîria na amûve vinya vîndî cionthe, nîguo mwîkage na mwaragie maûndû marîa maro.

1Tim 2:10

Nwatî nîmekage ciîko mbaro irîa ciagîrîrwe nî gwîkwa nî aka arîa maugaga nîmagoocaga Ngai.

1Tim 5:10

Nwanginya ethîrwe arî mûndû wîcîkene na arî na ngumo mbaro, mûndûmûka ûrerete ciana ciake na njîra mbaro, ûgwataga andû ûgeni gwake mûciî, ûtethagia andû arîa marî thînarî, ûtungatagîra akristiano arîa engî enyivîtie na wîkaga ûndû wa wonthe mwaro.

1Tim 5:25

Na njîra wata îno, ciîko mbaro nîcionekaga waro na ethîrwa itironeka itingîkara ciîthithîte.

1Tim 6:18

Atha itonga ituîke andû aro na ituîke itonga cia mawîra marîa maro. Maathe matuîke andû ataana na andû a kûgaana indo ciao na andû arîa engî.

2Tim 2:21

Andû arîa metheragia kuuma kûrî maûndû monthe ma waganu, magaatûmagîrwa rîrîa kûrî na maûndû manene, nîûndû nîmeamûrîte magatuîka andû a vata kûrî mûmathi. Andû aya nîmevarîrîtie kûruta wîra wa wonthe mwaro.

2Tim 3:17

nîguo mûndû wonthe ûtungatagîra Ngai ethagîrwa arî mwagîrîru na arî mwîvarîriu gwîka ûndû wa wonthe mwaro.

Tito 2:14

Ke nîwevecanire nîûndû wetû nîguo atûkûûre kuuma kûrî waganu wa mîthemba yonthe na atûtue andû atheru ake ke mwene, na andû meriragîria gwîka maûndû maro.

Tito 2:7

Maûndûrî monthe, nwa nginya we wîthagîrwe ûrî kîonereria Kîam mîtugo mîaro. Vîndî îrîa ûrathomithia, onanagia ûgima na wîthagîrwe ûrî na gîtîîo.

Tito 3:1

Ririkania akristiano kwînyivia mbere ya anene na athani. Magîrîrwe nî kûmathîkagîra na kwîthagîrwa mevarîrîtie gwîka ciîko mbaro.

Tito 3:14

Andû etû nîmagîrîrwe nî kwîruta gûtûmîra mavinda mao na gwîka ciîko mbaro nîguo matethagîrîria mavata ma andû arîa engî. Matiagîrîrwe nî gûtûûra mûtûûrîre ûtarî na maciaro.

Tito 3:8

Ûvoro ûyû nî wa ma. Nie nîrenda mue mûkinyîrîrie maûndû mama nîguo andû arîa metîkîtie Ngai mameciragie, nao mavecanage o ene nîûndû wa ciîko irîa ciagîrîrîte. Maûndû mama nîma vata na ma kûguna andû onthe.

Ahib 10:24

Nîtûtethanagieni na twendanage mûndû na ûrîa wîngî na twîkage ciîko mbaro.

Ahib 13:21

Ngai mwene thayû aromûva indo cionthe mbaro irîa mûvatarîte nîguo mwîkage wendi wake. Na njîra ya Jesû Kristû arotwîka ûndû ûrîa ûmûkenagia. Nake Kristû arokumagua tene na tene. Ameni!

1Pet 2:12

Mîtugo yenyu yagîrîrwe nî kwîthagîrwa îrî mîaro gatagatî ka andû arîa matetîkîtie, nîguo mangiuga mûrî evia magaacokaga kwona ciîko cienyu mbaro. Nao nîmagaakumia Ngai mûthenya ûrîa agaaûka.

1Joh 1:7

Nwatî tûngîthiîra ûtherirî wata ûrîa ke arî ûtherirî, nwa tûgîe na ngwatanîro mûndû na ûrîa wîngî. Nayo nthakame ya Mûriû Jesû îgaatûtheragia kuuma meviarî monthe.

1Joh 2:6

arîa maugaga atî matûûraga marî ngwatanîro na Ngai magîrîrwe nî gûtûûra ta ûrîa Jesû Kristû aatûûraga.