Aefeso 1:19 - ÎVUKU RÎA ÛVORO MWARO

¹⁹ Mvoyaga mûmenye tue arîa twîtîkîtie ûrîa tûratethua nî vinya wake mwîngî. Vinya ûyû ûratûtethia, nwaguo vinya

Aefeso 1:19 ပူးပေါင်းရင်းမြစ်များ

Isaia 53:1

“Nû wetîkirie ûvoro ûrîa twegwire? Nû ûguûrîrîtue atî nî Ngai-Mûnene warutaga wîra ûcio?

Johana 3:6

Kîrîa kîonthe gîciarîtwe nî mwîrî nî mwîrî, na kîrîa kîonthe gîciarîtwe nî roho nî Roho.

Ciîko 26:18

Nîngûtûma ûthiî ûkamavingûre metho nîguo maume ndumarî maûke kûrî ûtheri, na maume vinyarî wa Caitani maûke kûrî Ngai. Na nîûndû wa kûmbîtîkia makovagîrwa mevia mao na makaavewa îgai vamwe na andû arîa Ngai athuurîte.’

Aroma 1:16

Nie ndiconokaga nî Ûvoro Mwaro nîûndû nîguo vinya wa Ngai wa kûvonokia arîa onthe metîkîtie mbere Ayahudi na vuva andû a Ndûrîrî.

2Akor 4:7

Nwatî tûrî na mûthithû ûyû twîkariî ta nyûngû cia yûmba nîguo kwonanue atî vinya mûnene uumaga kûrî Ngai, nwatî tî kuuma kûrî tue.

2Akor 5:17

Mûndû wa wonthe wînyitithanîtie na Kristû, ke nî kîûmbe gîcerû. Maûndû marîa makûrû nî mathiru, namo maûndû marîa macerû nîmaûku.

Aefeso 2:10

Ngai aatûmbire ûguo twîkariî na njîra ya Kristû nîguo twîkage ciîko mbaro irîa aavangîte twîkage.

Aefeso 3:20

Ngai arokumua na njîra ya vinya wake ûrîa ûrutaga wîra ndaarî yetû, ke nîavotaga gwîka maûndû meengî mûno makîria ya marîa tûngîmûria wana kana tûngîciria.

Aefeso 3:7

Nînatwirwe ndungata ya ûvoro mwaro na njîra ya kîveo Kîam mwanya Kîam wega wa Ngai kîrîa naveerwe na njîra ya vinya wake.

Aefeso 6:10

Rîu ngîrîkîrîria, nîramwîra mûgîcage na vinya mûmagîrîrie mûrî ndaarî ya Mwathani na mûvotithîtue nî vinya mwîngî wake.

Afil 2:13

Ngai ethagîrwa akîruta wîra ndaarî yenyu vingo cionthe, nîguo atûme mwende na mûvote kwathîkîra wendi wake.

Afil 3:21

Ke nîakaagarûra mîîrî îno yetû îkuucaga na îtarî vinya îtuîke ta mwîrî wake ûrîa ûrî na riiri. Ageeka ûguo na vinya wake ûrîa ûtûmaga athe indo cionthe.

Akol 1:29

Na nîguo maûndû mama monthe mekîke, nîndutaga wîra mûmû na ngathînîka ngîvûthagîra ûvoti mûnene ûrîa Kristû avecanaga na wonekanaga na njîra ya maûndû marîa mbîkaga.

Akol 2:12

Nîûndû rîrîa mwavatithirue, nîmwathikirwe vamwe na Kristû, na vîndî wa îo mûkîriûkua vamwe nake nîûndû wa gwîtîkia vinya wa Ngai ûrîa ûrutaga wîra na wariûkirie Kristû.

1Ath 1:5

Nîûndû rîrîa twamûretere Ûvoro Mwaro tûtiamûretera na ciugo ntheri, nwatî twamûretere ûrî na vinya na ûrî na Roho Mûtheru na tûkîmenyaga waro atî nî wa ma. Mue nîmwîcî ûrîa twatûûraga rîrîa twarî namue. Twatûûraga ûguo nîûndû wenyu.

2Ath 1:11

Kîu nîkîo gîtûmaga tûmûvoere vingo cionthe. Nîtûvoyaga Ngai wetû nîguo amûtue agîrîru kûringana na ûrîa amwîtîte mûtûûre. Na njîra ya vinya wake, ke aratûma mûvingie maûndû monthe maro marîa mwîriragîria na mûvingie wîra wonthe ûrîa umanîte na wîtîkio wenyu.

Jakuvu 1:18

Ngai nîke wendire tûgîe kuo na njîra ya kiugo Kîam ma, nîguo tûtuîke a vata gatagatîrî ga ciûmbe ciake cionthe.

1Pet 4:11

Mûndû ûrîa ûvunjagia nwanginya avunjagie ndûmîrîri ya Ngai, na ûrîa ûtungataga nwanginya atungatage na vinya îrîa aveetwe nî Ngai, nîguo Ngai akumague na njîra ya Jesû Kristû maûndûrî monthe marîa mûgeekaga nîûndû riiri wonthe na vinya nî ciake tene na tene. Ameni.