Aefeso 1:13 - ÎVUKU RÎA ÛVORO MWARO

¹³ Wa namue nîmwatuîkire andû a Ngai vîndî îrîa mwegwire ndûmîrîri ya ma, na nîyo ûvoro mwaro wa kûvonokua kwenyu. Nîmwetîkirie Kristû na Ngai akîmûvûra mûvûri wa kwonania atî mûrî ake na njîra ya kûmûva Roho Mûtheru ûrîa aamwîrîrîte.

Aefeso 1:13 ပူးပေါင်းရင်းမြစ်များ

Thaburi 119:43

Mvotithia kwaragia ûûma vîndî cionthe, nîûndû mwîvoko wakwa ûrî matuîrorî maku ma ciira.

Joeli 2:28

“Vuvarî, nîngetîrîria andû onthe Roho wakwa, andû enyu, anake na erîtu nîmakaanîrîra, andû enyu arîa akûrû nîmakaarota iroto, nao anake enyu nîmakoona cioneki.

Luka 11:13

Ethîrwa mue wana mûrî acûku nîmûmenyaga kûva ciana cienyu indo mbaro, nî maita megana îthe wenyu ûrîa ûrî îgûrû angîvecana Roho Mûtheru kûrî andû arîa mamwîtagia!”

Luka 24:49

Nie nînie ngaamûtûmîra kîrîa Ngai Vava aamwîrîîre. Nwatî nwa nginya mwîkare gûkû îtûûrarî rîa Jerusalemu mwetererete nginya rîrîa mûkaagîa na vinya wa Ngai kuuma îgûrû.”

Johana 1:17

Ngai aavecanire watho na njîra ya Musa, nwatî wega na ûma ciaûkire na njîra ya Jesû Kristû.

Johana 14:26

Nwatî Mûtethia, na nîke Roho Mûtheru, ûrîa Vava agaatûma na rîîtwa rîakwa, nîakaamûthomithia maûndû monthe na amûvotithie kûririkana ûrîa wonthe namwîra.

Johana 15:26

“Nie nîngaamûtûmîra Mûtethia kuuma kûrî Vava. Ke nîke Roho wa ma ûrîa uumaga kûrî Vava na nîke ûkaaruta ûira wakwa.

Johana 3:33

Nwatî mûndû wa wonthe wîtîkagîra ûira wake, nîatuîkaga mûira atî Ngai nî wa ma.

Johana 6:27

Mûtikenogagie mûgîcaria irio irîa icûkaga, nwatî îînogagieni mûgîcaria irio irîa itacûkaga na ivecanaga mwoyo wa tene na tene. Ino nîcio irîa mûkaavewa nî Mûrû wa Mûndû nîûndû Ngai Îthe nîwonanîtie atî nîmûmwîtîkîru.”

Ciîko 1:4

Na arî vamwe nao nîwamaathire atîrî, “Mûtikaume Jerusalemu, nwatî etererani kîveo kîrîa naamwîrire ûvoro wakîo, kîveo kîrîa vava aamwîrîîre.

Ciîko 13:26

“Ariû na aarî a îthe wetû, mue a mbarî ya Iburahimu, wa namue muonthe andû a ndûrîrî arîa mûgoocaga Ngai na mûrî ava: tue tuonthe nîtue tûtûmîrîtwe ndûmîrîri îno ya ûvonokio!

Ciîko 2:33

Jesû nîwanenevirue na rîu ekaraga mwena wa ûrîo wa Ngai Îthe wake. Nake Ngai Nîwamûvere Roho Mûtheru wata ûrîa aamwîrîrîte. Kwoguo Jesû nîatwîtîrîrîtie Roho ûcio. Ûndû ûyû mûrona na mûregua nî kîveo Kîam Roho ûrîa Jesû atwîtîrîrîtie.

Aroma 1:16

Nie ndiconokaga nî Ûvoro Mwaro nîûndû nîguo vinya wa Ngai wa kûvonokia arîa onthe metîkîtie mbere Ayahudi na vuva andû a Ndûrîrî.

Aroma 4:11

Nakuo kûrua gwake kwarî ta rûûri rwa kwonania atî nîwatuirwe mûthingu nî Ngai nîûndû wa wîtîkio wake wana mbere ya arue. Nake Iburahimu nîwatuirwe nî Ngai îthe wa Kîîroho wa arîa onthe metîkîtie, wana ethîrwa o tî aruu. Andû acio nîo Ngai atuîte athingu.

Aroma 6:17

Nwatî nwanginya tûcokie ngatho kûrî Ngai nîûndû vîndî îmwe mwarî ngombo cia mevia, nwatî nîmwacokire kwathîkîra ûvoro wa ma ûrîa wonekaga maûndûrî marîa mwathomithirue.

2Akor 1:22

Ke nîwekîrire rûûri rwake kûrî tue rwa kwonania atî tûrî ake, na nîwekîrire Roho wake ngororî cietû wa gûtwonia nama kîrîa kîonthe atwigîrîte.

2Akor 6:7

ndûmîrîri yetû ya ûma na tûrî na vinya wa Ngai. Twîthagîrwa tûrî na ûthingu ûrî guo indo cietû cia mbaara cia kûrûa na cia kwîgitîra kûrî maûndû monthe.

Agal 3:14

Kristû eekire ûguo nîguo kîrathimo kîrîa Ngai eerîre Iburahimu, gîkinyîre andû a Ndûrîrî na njîra ya Jesû Kristû nîguo na njîra ya wîtîkio tûvote kwamûkîra Roho ûrîa Ngai eeranîre.

Aefeso 4:21

Nîrî na ma atî nîmwîguîte ûvoro wîgiî Kristû na mûrî ake. Kwoguo nîmûthomithîtue ûma ûrîa ûrî ndaarî ya Jesû.

Aefeso 4:30

Na mûtikegwithie Roho Mûtheru wa Ngai kîeva. Roho nî rûûri rwa Ngai rwa kwonania atî mûrî ake. Ngai aamûveere Roho nîguo onanie na ma atî nîakaamûtethûra rîrîa mûthenya wa mûthiia ûgaakinya.

1Ath 2:13

Na kûrî ûndû wîngî ûtûmaga tûcokie ngatho kûrî Ngai tûtagûtigithîrîria. Vîndî îrîa twamûretere ndûmîrîri ya Ngai, nîmwamîgwire na mûkîmîtîkîra. Mûtiamîtîkîra ta ndûmîrîri ya andû nwatî mwamîtîkîre ta ndûmîrîri ya Ngai na nî ma nî ya Ngai na nîyo îraruta wîra ndaarî yenyu mue arîa mwîtîkîtie.

2Tim 2:15

Geria mûno wa ûrîa ûngîvota gûtuîka mwîvokeku rîrîa ûkûruta wîra wa Ngai. Tuîka mûruti wîra ûrîa ûtaconokaga nî ûndû wa wîra ûrîa arutaga na mûndû ûthomithagia waro ûvoro wa ma wa Ngai.

2Tim 2:19

Nwatî mûcingi ûrîa Ngai atumîte ndûngîenyenyeka; na îgûrû rîaguo kwandîkîtwe atîrî, “Mwathani nîwîcî andû ake na mûndû wa wonthe umbûraga Mwathani nwanginya atige gwîka maûndû ma waganu.”

2Tim 3:15

Na ûririkane atî kuuma ûrî mwana nîwecî mandîko marîa matheru marîa mangîtûma ûgîe na ûûgî wa gwîtîkia Jesû Kristû ûkînavonoka.

Tito 2:11

Ngai nîwonanîtie wega wake ûrîa ûretagîra andû onthe a nthî ûvonokio.

Ahib 2:3

Tûngîrega kûverithua atîa tûngîtiganîria ûvonokio mûnene ta ûyû? Mwathani nîke warî wa mbere kwanîrîra ûvonokio ûyû, natue nîtwamenyithirue atî nî wa ma nî arîa maamwîgwire.

Jakuvu 1:18

Ngai nîke wendire tûgîe kuo na njîra ya kiugo Kîam ma, nîguo tûtuîke a vata gatagatîrî ga ciûmbe ciake cionthe.

Jakuvu 1:21

Kwoguo îîyaûreni mîtugo yonthe mîcûku na maûndû monthe matarî maro. Îînyivieni mbere ya Ngai na mwamûkîre kiugo kîrîa avandaga ngororî cienyu na nîkîo kîngîvota kûmûvonokia.

1Pet 2:10

Vîndî îmwe mûtiarî andû a Ngai, nwatî rîu mûrî andû ake. Vîndî îmwe mûtiarî akinyîre nî ntha cia Ngai, nwatî rîu mûrî akinyîre nîcio.

Kûguû 7:2

Nînaacokire ngîona mûraika wîngî akiunûkia aumîte mwena wa îrathîro na arî na rûtumo rwa Ngai mûtûûra mwoyo. Nake nîwetire araika acio ana na mûgambo mûnene. Araika acio ana nîo maavetwe nî Ngai vinya wa gûcûkangia nthî nyûmû na îria.