3Joh 1:8 - ÎVUKU RÎA ÛVORO MWARO

⁸ Kwoguo tue akristiano nîtwagîrîrwe nî gûtethia andû aya, nîguo twîthîrwe tûrî aruti wîra vamwe nao ûvororî ûrîa wa ma.

3Joh 1:8 ပူးပေါင်းရင်းမြစ်များ

Thaburi 94:16

Nîûrîkû wandethirie kûrûa na andû arîa aganu? Nîûrîkû warî mwenarî wakwa ngîrûa na eki naaî?

Mathaayo 10:14

Na ethîrwa gûtirî mûndû wana ûmwe ûkûmûgwata ûgeni kana amûthikîrîrie, mûkiuma mûciî ûcio kana îtûûrarî rîu, rivarivani rûkûngû kuuma magûrûrî menyu.

Mathaayo 10:40

“Mûndû wa wonthe ûmûgwataga ûgeni nînie agwataga ûgeni; na mûndû wa wonthe ûngwataga ûgeni agwataga ûgeni ûrîa wandûmire.

Luka 11:7

Na mûrata ûcio wake arî nyomba ndaarî amûcokerie atîrî, ‘We tiga kûnthînia! Mûrango nîmûvinge, na nie vamwe na ciana ciakwa tûrî ûrîrî tûmamîte. Kwoguo gûtirî kîndû nîngîûkîra gûkûva.’

2Akor 6:1

Tûkîrutithania wîra wetû vamwe na Ngai, nîtûramûthaitha mûtikamûkîre wega wa Ngai mana.

2Akor 8:23

Ûvororî wîgiî Tito, nîtûthiîcanagia na tûkarutithania wîra nake wa kûmûtethia. Ûvororî wîgiî ariû a îthe wetû acio engî marathiîcania nake, matûmîtwe nî makanitha na maretaga riiri kûrî Kristû.

Afil 4:3

Wa nawe mûrata wakwa mwîvokeku, nîngwenda ûtethagîrîrie aka aya. Nîndutithanîtie wîra wa kûvunjia ûvoro mwaro nao, wa vamwe na Kîlementi marî na andû onthe arîa twarutithanagia wîra nao arîa marîîtwa mao mandîkîtwe îvukuurî rîa mwoyo.

Akol 4:11

Wana Joshua ûrîa wîtagwa Jusito nîwamûkethia. Aya athatû nîo Ayahudi arîa metîkîtie Kristû, na nîo tûrutithanagia wîra nao nîûndû wa Ûthamaki wa Ngai na nîmandethetie mûno.

1Ath 3:2

na tûtûme kûrî mue mûrû wa îthe wetû Timotheo ndungata ya Ngai îrîa tûrutithanagia wîra ûyû wa kûvunjia ûvoro mwaro wîgiî Kristû nayo. Twamûtûmire nîguo amwîkîre vinya na amûûmîrîrie wîtîkiorî wenyu,

File 1:2

na kûrî kanitha ûrîa ûtûnganaga gwaku mûciî, na kûrî mwarî wa îthe wetû Afia, na kûrî Arikipo, mûthigari ûrîa tûrutithanagia wîra nake.

File 1:24

Wana nîmwakethua nî andû arîa tûrutithanagia wîra nao, na nîo Maariko, Arisitariko, Dema na Luka.

3Joh 1:10

Kwoguo rîrîa ngaaûka nîngaaumbûra maûndû monthe marîa ekaga. Nîngaaumbûra ûrîa aragia maûndû meengî macûku matwîgiî. Na twa mau monga, ke mwene ndagwataga ariû na aarî a îthe wetû arîa engî ûgeni na nîagiragia arîa makwenda kûmagwata ûgeni mamagwate na akamengata kanitharî!

3Joh 1:7

Nîûndû maumaga kwao na makathiî gûtungatîra Kristû, na matiîtîkagîra kîndû kuuma kûrî andû arîa matetîkîtie Jesû Kristû.

3Joh 1:9

Nînandîkîîre kanitha kamaarûa gakuvî, nwatî Dioterefe ûrîa wîtucaga mûnene wao ndetîkagîra maûndû marîa mbugaga.