3Joh 1:7 - ÎVUKU RÎA ÛVORO MWARO

⁷ Nîûndû maumaga kwao na makathiî gûtungatîra Kristû, na matiîtîkagîra kîndû kuuma kûrî andû arîa matetîkîtie Jesû Kristû.

3Joh 1:7 ပူးပေါင်းရင်းမြစ်များ

Johana 15:21

Nwatî nîmakaamwîka maûndû mama monthe nîûndû wakwa na nîûndû matiîcî ûrîa wandûmire.

Ciîko 20:33

Nie ndianacumîkîra sîlûva, thaavu kana nguo cia mûndû wana ûrîkû.

Ciîko 20:35

Nie nînîmwonetie maûndûrî monthe atî wata ûrîa naarutaga wîra nîrî na kîîo kîîngî wa namue nwa nginya mwîkage guo nîguo mûtethagie andû arîa matarî na vinya. Nie nînîmwîrîte mûririkanage ciugo irîa Mwathani Jesû ke mwene aaugire atîrî, ‘Nîkwîthagîrwa kûrî na gîkeno makîria mûndû akîvecana gûkîra akîvewa.’ ”

Ciîko 5:41

Atûmwa nîmaaumire kûu Kîammarî macanjamûkîte nîûndû Ngai nîwonete marî agîrîru a kûverithua na njîra îrî na nthoni nîûndû wa Jesû.

Ciîko 8:4

Nao etîkia onthe arîa maanyagarûkire nîmaathiîre kûndû kuonthe makîvunjagia ûvoro mwaro.

Ciîko 9:16

Na nie mwene nîngûmwonia ûrîa ke akathînua nîûndû wakwa.”

1Akor 9:18

Mûcara wakwa nî ûrîkû vi? Mûcara wakwa nî ûyû: atî vîndî îrîa nîravunjia Ûvoro Mwaro, mbîkage guo ndakûrîvia na ndagûtûmîra ivooto ciakwa wîrarî wakwa wa kûvunjia ûvoro mwaro.

2Akor 12:13

Nîûndû ûrîkû mûcûku mwekirwe makîria ya makanitha marîa mengî, tiga atî nie ndiamûnogia ngîenda ûtethio wa mbeca? Njoverani nîûndû wa kûmûvîtîria!

2Akor 4:5

Nîûndû tûtivunjagia ûvoro wetû tue ene, tûvunjagia Jesû Kristû nî Mwathani. Natue tûrî ndungata cienyu nîûndû wa Jesû.

Afil 2:9

Nîûndû wa ûguo Ngai nîwamûtûgîririe îgûrû mûno, na akîmûva rîîtwa rînene gûkîra marîa mengî monthe.

Akol 1:24

Rîu nîngenaga nîûndû wa ûrîa nthînagua nîûndû wenyu. Nîûndû nî na njîra ya kûthînîka kîîmwîrî mvotaga gûtethereria kûrîkia matigari ma mathîna marîa Kristû aathînirue namo nîûndû wa mwîrî wake, ûrîa arî guo kanitha.

3Joh 1:8

Kwoguo tue akristiano nîtwagîrîrwe nî gûtethia andû aya, nîguo twîthîrwe tûrî aruti wîra vamwe nao ûvororî ûrîa wa ma.

Kûguû 2:3

Mue nîmûmîrîrîtie mûkirîrîrîtie, na mûkanyamarua nîûndû wakwa, na mûtirî mwandiganîria.