3Joh 1:5 - ÎVUKU RÎA ÛVORO MWARO

⁵ Mûrata wakwa, we wîthagîrwa ûrî mwîvokeku wîrarî waku ûrîa ûrutagîra akristiano arîa engî wana ethîrwa marî andû ûtecî.

3Joh 1:5 ပူးပေါင်းရင်းမြစ်များ

Mathaayo 24:45

“Ndungata îrîa îîvokekete na mbûgî nî îrîkû? Nî îrîa îragwa nî Mwathi wayo îmenyagîrîre ndungata irîa ciîngî na îivecage irio mathaa marîa magîrîru.

Mathaayo 25:16

Ndungata îrîa yaverwe mbeca cia sîlûva ngiri ithano, nîyathiîre wa rîmwe, na îgîcionjorithia, na îkîona ngiri ciîngî ithano.

Luka 12:42

Nake Jesû nîwamûcokerie atîrî, “Ndungata îrîa îvokekete na mbûgî, nî îrîkû? Nî îrîa îvecagwa nî mwathi wayo wîra wa kûrûngamîrîra ndungata irîa ciîngî na wa kûigaîra irio mathaa marîa magîrîrîte.

Ciîko 1:15

Mîthenya mînini yavîtûka nîkwagîre na mûcemanio wa etîkia, na onthe maarî ta îgana na mîrongo îîrî. Nake Petero nîwarûngamire akîmeera atîrî,

Aroma 12:13

Tethagiani andû a Ngai arîa mavatarîte ûtethio, na mwamûkagîre ageni mîciîrî yenyu.

Agal 6:10

Kwoguo, rîrîa rîonthe twagîa na kanya nîtwagîrîrwe nî gwîka andû onthe maûndû maro, na mûno makîria kûrî arîa metîkîtie wata tue.

Akol 3:17

Maûndû monthe marîa mûgekaga kana mûkaugaga, mekageni mûgîcokagîria Ngai Îthe wetû ngatho rîîtwa rîa Mwathani Jesû.

Ahib 13:2

Ririkanagani kûgwata andû ûgeni kwenyu mîciî. Andû amwe nîmaagwatire araika ûgeni matakûmenya.

3Joh 1:10

Kwoguo rîrîa ngaaûka nîngaaumbûra maûndû monthe marîa ekaga. Nîngaaumbûra ûrîa aragia maûndû meengî macûku matwîgiî. Na twa mau monga, ke mwene ndagwataga ariû na aarî a îthe wetû arîa engî ûgeni na nîagiragia arîa makwenda kûmagwata ûgeni mamagwate na akamengata kanitharî!

3Joh 1:3

Nînîrakenire mûno rîrîa akristiano marakinyire na makîmbîra ûrîa we ûrî mwîvokeku ûvororî wa ma, wata ûrîa ûtûûraga ûvororî ûcio wa ma.