2Tim 4:17 - ÎVUKU RÎA ÛVORO MWARO

¹⁷ Nwatî Mwathani aarî vamwe nanie na nîwamûvere vinya wa kûvecana ûvoro mwaro kûrî andû onthe a ndûrîrî, kwoguo nînarutirwe magegorî ma simba.

2Tim 4:17 ပူးပေါင်းရင်းမြစ်များ

Thaburi 109:31

nîûndû nîagitagîra andû arîa athîni, na akamavonokia kuuma kûrî arîa mamatucagîra kûragwa.

Thaburi 22:21

Mvonokia kuuma tûnyuarî twa mînyambû, ndingîvota gwîtethia mbere ya mbogo ino.

Nthi 20:2

Mûthamaki arî mûrakaru nîta mûnyambû ûkîrarama, mûndû ûrîa ûmûrakaragia ecaragîria gîkuû ke mwene.

Nthi 28:15

Mûthamaki mwaganu akîatha athîni, nîta mûnyambû ûkîrarama kana ngatûnyi îkîtharîkîra kîndû.

Isaia 41:10

Tiga gwîtigîra, nîûndû nîrî vamwe nawe, ndûkegue guoya, nîûndû nînie Ngai waku! Nîngaakwongerera vinya na ngûtethie, nîngaagûtirîrîra na njara yakwa ya ûthingu.

Isaia 41:14

Ngai-Mûnene arauga atîrî, “We Jakovu, kagunyû gaka, tiga gwîtigîra, mue andû a Isiraeli, nîngaamûtethia, nie nînie mûvonokia wenyu Ûrîa Mûtheru wa Isiraeli.

Jeremia 2:30

Narutire wîra wa mana kûverithia ciana cienyu, itietîkîra kûrûngwa; ta ûrîa mûnyambû ûûragaga kîndû, nwa ta guo mwaûragire arathi enyu.

Danieli 6:22

Ngai wakwa nîatûmire mûraika avinge mînyambû tûnyua nîguo ndîkanjûkangie. Ekire ûguo nîûndû ndianamûvîtîria kana ngûvîtîria we mûthamaki wetû.”

Danieli 6:27

Nîke ûvonokagia andû na akamatethûra marî thînarî, aringaga ciama na akonania morirû, îgûrû wana gûkû nthî. Nîavonoketie Danieli kuuma ithuurî cia mînyambû.”

Mathaayo 10:19

Na rîrîa makaamûvira ciamarî cia athuuri mûtigatangîke mûkîûria maûndû marîa mûkaauga kana ûrîa mûkaaria. Rîrîa kavinda gagaakinya, mue nîmûkaamenyithua maûndû marîa mûkaauga.

Luka 1:1

Kûrî mûgathe Theofilo: Andû eengî nîmarîkîtie kwandîka ûvoro wîgiî maûndû marîa mekîkîte gatagatîrî getû.

Luka 21:15

Nîûndû nie nîngaamûva mîario na ûûgî ûrîa gûtarî nthû yenyu wana îmwe îngîvota kûregana naguo kana gûûkararia.

Ciîko 23:11

Ûtukû ûcio Mwathani nîwarûngamire vakuvî na Paûlo na akîmwîra atîrî, “Ûmîrîria! Nîûndû wata ûrîa we waruta ûira ûmbîgiî kûrî andû arîa marî gûkû Jerusalemu nwa ta guo ûkaaruta ûira ûmbîgiî kûrî andû arîa marî Roma.”

Ciîko 9:15

Nwatî Mwathani nîwerire Anania atîrî, “We thiî, nîûndû nie nînthuurîte Saûlo nîguo atuîke ndungata yakwa. Ke nîke ûgûtûma rîîtwa rîakwa rîmenywe nî Andû a Ndûrîrî, athamaki na andû a Isiraeli.

Aroma 15:31

Voyani atî ngitîrwe kûrî andû arîa matetîkîtie arîa marî Judea, na mûvoe nîguo ûtungata wakwa kûu Jerusalemu wîtîkîrîke kûrî andû a Ngai.

2Akor 12:9

Nwatî ke nîwanjokerie atîrî, “Wega wakwa nî ûkwîganîte. Nîûndû vinya wakwa nîwonekanaga kûrîa gûtarî vinya.” Kwoguo nîngenaga mûno ngîtîîa nîûndû wa ûvûthû wakwa, nîguo vinya wa Kristû ûvotage gûtûûra ndaarî yakwa.

Aefeso 3:8

Nîrî mûnini gûkîra andû onthe a Ngai, nwatî Ngai nîwamûvere kîveo kîu Kîam mwanya. Nakîo kîveo kîu nî gîa kûvunjia kûrî andû a Ndûrîrî ûvoro mwaro wîgiî ûtonga ûrîa ûtarî kîthimi wa Kristû.

1Tim 1:12

Nînjokagia ngatho kûrî Mwathani wetû Jesû Kristû ûrîa ûmvete vinya ya kûruta wîra wakwa. Ke nîwonete nîrî mwagîrîru na akanthuura nîmûtungatîre,

2Tim 2:1

Kwoguo, we Timotheo mwana wakwa gîa na vinya nîûndû wa wega wa Ngai ûrîa twîthagîrwa tûrî naguo tûrî ndaarî ya Jesû Kristû.

2Tim 2:9

Nîûndû wa kûvunjia ûvoro mwaro, nînyariragwa na ngekîrwa mvîngû ta mûgeri ngero. Nwatî ûvoro wa Ngai tî mwove na mvîngû.

2Tim 3:11

Wana nîûrûmîrîrîte kûnyarirwa gwakwa, na mathîna makwa. We nîwîcî ûrîa naanyaririrwe rîrîa naarî Antiokia, Ikonia, Lusitera, na ngîûmîrîria! Nwatî Mwathani nîwandethûrire kuuma mînyamaarorî îo yonthe.

2Tim 4:5

Nwatî nwanginya wîkarage wîîguîte vingo cionthe. Ûmagîrîria mathîna, rutaga wîra wa kûvunjia ûvoro mwaro na ûrutage wîra waku wonthe wa gûtungatîra Ngai.

Tito 1:3

Ngai mûvonokia wetû nîwatûmire ûvoro ûyû ûmenyeke kavinda karîa kagîrîrîte na nîguo nîîvokeretwe na ngavewa watho wa kûûvunjia.

Ahib 11:33

Na njîra ya wîtîkio nîmaarûire na mavûrûri monthe na makîmavoota. Nîmeekire ûrîa kwagîrîrîte na Ngai nîwamavere kîrîa aamerîrîte. Nîwavingire tûnyua twa mînyambû,

1Pet 5:8

Îkaragani mwîîguîte na mwîvarîrîtie! Nthû yenyu, na nîke Ngoma, araûrûra akîraramaga ta mûnyambû agîcaragia mûndû wa gûcûkangia.

2Pet 2:9

Kwoguo Mwathani nîwîcî kûvonokia andû arîa marî na ûngai kuuma mageriorî na kwiga arîa aganu makîverithagua nginya rîrîa mûthenya wa îtuîro ûgaakinya.

1Sam 17:37

Ngai-Mûnene ûrîa ûmvonokagia kuuma kûrî mînyambû na ngatûnyi, nwake ûkamvonokia kuuma kûrî Mûfilisiti ûyû.” Nake Saûlo nîwerire Daudi atîrî, “Nî waro, thiî na Ngai-Mûnene aroîkara nawe.”