2Tim 4:16 - ÎVUKU RÎA ÛVORO MWARO

¹⁶ Rîrîa naavirirwe cirarî vîndî ya mbere ngeyarîrîrie, gûtirî mûndû warî mbarî yakwa, onthe nîmaandiganîrie.

2Tim 4:16 ပူးပေါင်းရင်းမြစ်များ

Maariko 14:50

Nao arutwa ake onthe nîmaaûrire na makîmûtiganîria.

Luka 12:11

“Vîndî îrîa andû mamûvira mûgacirithue mavoerorî, athamaki wana kana mbere ya anene, mûtikamake mûgîîciria ûrîa mûngîyarîrîria wana kana mûngiuga.

Johana 16:32

Kavinda nîgagûkinya, na rîu nîgakinyu, kavinda karîa muonthe mûkaanyagarûkana wa mûndû enûke gwake mûciî na mûndige nîrî nienga. Nwatî ndirî nienga nîûndû Vava arî vamwe nanie.

Ciîko 22:1

“Mue ariû a îthe wetû na aa vava, rîu tanthikîrîriani ngîîtetera nîrî ava mbere yenyu!”

Ciîko 25:16

Nwatî nînameerire atî tue Aroma tûtiîthagîrwa tûrî na mûtugo wa kûnenganîra mûndû ûrîa ûthitangîtwe tûtambîte kûmwîtîkîria onane na arîa maramûthitanga. Nîtwambaga kûva mûndû ta ûcio kanya nîguo etetere kuumana na maûndû marîa athitangîtwe namo.

Ciîko 7:60

Nake nîwaturirie maru na akîanîrîra na mûgambo mûnene akiuga atîrî, “Mwathani, ndûkamaverithie nîûndû wa wîvia ûyû wao!” Na rîrîa Stefano aarîkirie kuga ûguo, nîwakwire.

1Akor 13:5

Wendani ndûrî rûng'athio na ndûcaragia tu wa ûrîa ûngîîguna. Wendani ndûrî marakara na ndûtaraga maûndû macûku marîa maanekwa.

1Akor 9:3

Vîndî îrîa andû maranjirithia nîîtetagîra ngiugaga atîrî:

2Akor 7:11

Nîûndû ûcio taroriani ûrîa Ngai eekire nîûndû wa kîeva kîenyu. Kîeva kîu nîgîatûmire mûgîe na kîîo, gîgîtûma mwende kwonania atî mûtiarî na mavîtia, gîgîtûma mûrakare na mwîtigîre. Nîgîatûmire mwende kûmona, kwîrutîra na kwenda kwona gûgîkwa ûrîa kwagîrîrîte. Nîmwonanîtie atî mûtirî na mavîtia maûndûrî monthe.

Afil 1:17

Acio eengî nîragwetete mbere mativunjagia ûvoro wîgiî Kristû na ngoro ntheru, nwatî mavunjagia marî na merirîria ma wîyendi. Meciragia atî meka ûguo nîmagûtûma nthînue mûno nîrî gûkû njeera.

Afil 1:7

Nîmbagîrîrwe nî kwîgua ûguo mbîgucaga nîûndû wenyu, nîûndû mwîthagîrwa mûrî ngororî yakwa vingo cionthe. Muonthe nîmûrutithanîtie wîra mwaro nanie ûrîa Ngai amvete. Mwekire ûguo vîndî îrîa naarî mwove njeera, wana rîrîa naarî na wîathi wa kûgitîra ûvoro mwaro na ngîtûma mwîtîkie mûtarî na nganja.

2Tim 1:15

Nîwîcî atî andû onthe vûrûrirî wa Asia nîmandiganîrîtie, amwe ao nî Fugelo na Herimogene.

2Tim 4:10

Nîûndû Dema nîmûndiganîriu na akathiî Thesalonike nîûndû wa kwenda maûndû ma gûkû nthî. Kiresike nîwathiîre Galatia, nake Tito akîthiî Dalamatia.

2Tim 4:15

Îîmenyagîrîreni kuuma kûrî ke nîûndû nîwareganire na ndûmîrîri yetû na vinya mûno.

1Pet 3:15

Nwatî ngororî cienyu vecagani Kristû gîtîîo kîrîa kîmwagîrîrîte ta Mwathani. Vîndî cionthe îthagîrwani mwîvarîrîtie gûcokeria mûndû wa wonthe ûrîa ûngîmûria mûmûtaarîrie ûvoro wîgiî mwîrîgîrîro ûrîa mûrî naguo.