2Tim 3:16 - ÎVUKU RÎA ÛVORO MWARO

¹⁶ Namo mandîko marîa monthe matheru, Ngai nîke waveere arîa maamandîkire ciugo irîa makwandîka nîguo ituîke cia kûthomithania ûvoro wa ma, kûmenyithia andû mavîtia mao nîguo meke maûndû marîa maro na matûûre na mûtûûrîre mwaro,

2Tim 3:16 ပူးပေါင်းရင်းမြစ်များ

2Sam 23:2

Roho wa Ngai-Mûnene nî araria na njîra yakwa; ndûmîrîri yake îrî kanyuarî gakwa.

Nehemia 9:20

Nîwamathomithirie maûndû na njîra ya Roho waku mwaro, na nîwamavaithirie na irio cia maana, na ûkîmava manjî ma kûnyua.

Thaburi 119:11

Nîmbigîte kiugo gîaku ngororî yakwa, nîguo ndigakwîvîrie.

Thaburi 119:130

Ciugo ciaku itaûrîtwe nîiretaga ûtheri; nîivecaga ûmenyo andû arîa mataicî ûndû.

Thaburi 119:9

Nî atîa mûndû mwîthî angîvota kwiga ûtûûro wake ûrî mûtheru? Nî na njîra ya kûrûmîrîra maathani maku.

Nthi 15:10

Andû arîa matiganagîria njîra îrîa ya ma nîmakaaverithua mûno; mûndû ûrîa ûtendaga kûrutwa mavîtia nîagaakua.

Nthi 15:31

Mûndû ûrîa ûthikagîrîria rîrîa akûrutwa mavîtia nîekaranagia na andû arîa aûgî.

Nthi 6:23

Nîûndû maathani mekariî ta taa, na kîrîra gîkariî ta ûtheri, gûkaanua na mîtugo mîaro nîcio itûmaga mûndû agîe na ûtûûro mwaro.

Mika 2:7

Maûndû mau nîmagîrîrwe nî kûgwetwa kûrî andû a Isiraeli? Nîkwa Ngai-Mûnene aremetwe nî gûkirîrîria? Nwa eke maûndû ta mama? Kinthî ndaragîrîria andû arîa mekaga maûndû marîa magîrîre?

Zefania 3:2

Ndathikagîrîria mûgambo wa wonthe, ndetîkagîra kûrûngwa. Ke ndetîkagia Ngai-Mûnene, na ndakuvîvagîria Ngai wake.

Mathaayo 13:52

Kwoguo Jesû nîwamerire atîrî, “Mwarimû wa wonthe wa Watho ûrîa ûtuîkîte mûrûmîrîri wa Ûthamaki wa Îgûrû, ekariî ta mwene mûciî ûrîa ûrutaga indo irîa njerû na irîa ngûrû kuuma mûthithûrî wake.”

Mathaayo 21:42

Nake Jesû nîwamaûririe atîrî, “Anga mûtirî mwathoma ûrîa Mandîko Matheru maugaga atî, ‘Îthiga rîrîa rîaregirwe nî atumi a nyomba, nîrîo rîtuîkîte rîa vata mûno, gûkîra marîa mengî monthe. Nî Mwathani wekire ûguo; naguo tûrawona wî ûndû wa magegania!’

Mathaayo 22:43

“Nîndûî gîatûmire Daudi, avotithîtue nî Roho Mûtheru amwîta ‘Mwathani?’ Daudi augire atîrî,

Mathaayo 26:54

Nwatî nwa nginya gwîkîke ûguo, nîguo Mandîko Matheru mavingue, wata ûrîa maugîte?”

Mathaayo 26:56

Nwatî maûndû mama mekîka nîguo maûndû marîa maarîtue nî arathi mandîkorî marîa matheru mavinge.” Nao arutwa ake onthe nîmaaûrire makîmûtiganîria.

Maariko 12:24

Nake Jesû nîwamacokerie atîrî, “Na kaî mûrî aritu-î! Na gîtûmi nî atî mûtiîcî mandîko kana vinya wa Ngai.

Maariko 12:36

Daudi nîwavotithirue nî Roho Mûtheru kuga atî: ‘Ngai-Mûnene nîwerire Mwathani wakwa atîrî: Îkara nthî mwena wakwa wa njara ya ûrîo, nginya rîrîa ngaatûma ûthige nthû ciaku na magûrû maku.’

Johana 10:35

Tue nîtuicî atî mandîko matheru maugaga ûma vîndî cionthe. Nake Ngai nîwetire andû acio maavunjîrue ndûmîrîri îo yake ngai cia mîvuanano.

Johana 3:20

Mûndû wa wonthe wîkaga ciîko cia waganu nîathûrîte ûtheri na ndarî vingo angîumîra ûtherirî, nîûndû ndangîenda ciîko ciake cia waganu cionekane.

Ciîko 1:16

“Ariû na aarî a îthe wetû mue mwîtîkîtie Ngai, Mandîko marîa matheru nwanginya maarî mavingue marîa Roho Mûtheru aaririe na kanyua ka Daudi rîrîa aarathire ûvoro wîgiî Judasi. Judasi nîke watongoretie arîa maanyitire Jesû.

Ciîko 18:25

Ke nîwathomithîtue ûvoro wîgiî Njîra ya Mwathani. Vîndî cionthe ke eethagîrwa ecûrîtwe nî wendi wa kwaria na kûthomithania na njîra îrîa mbaro ûma wîgiî Jesû. Nwatî Apolo aaicî tu ûvatithio wa Johana.

Ciîko 20:20

Mue nîmwîcî nînaamûvunjîrie na ndiamûthithaga ûndû wana ûrîkû ûrîa ûngîamûgunire. Mue nîmwîcî nînavunjirie na ngîthomithania mbere ya andû na ngîvunjia mîciîrî yenyu.

Ciîko 20:27

nîûndû nie ndianamûthitha ûndû wana ûmwe wa marîa Ngai avangîte gwîka.

Ciîko 28:25

Kwoguo nîmaakararanirie na makîambîrîria kuuma kûu rîrîa Paûlo aarîkirie kûmeera ûndû ûyû ûmwe: “Roho Mûtheru nîwavere methe menyu ma tene ûvoro wa ma na njîra ya mûrathi Isaia,

Aroma 15:4

Maûndû monthe marîa marî mandîkorî marîa matheru maandîkirwe matûthomithie, nîguo tûvote kûgîa na kîîrîgîrîro na njîra ya gûkirîrîria na kûmîrîria.

Aroma 2:20

We nî ûtaaraga andû arîa matarî aûgî na nî ûthomithagia arîa irimû. Wîciragia atî wathorî kûrî na ûmenyo wonthe na ûma.

Aroma 3:2

Kûrî vata mûno! Ûndû wa mbere, Ayahudi nîo mevokeretwe ndûmîrîri nî Ngai.

Aroma 4:23

Nacio ciugo ino atî “Nîwatuirwe mûthingu” itiandîkirwe nîûndû wake wenga.

1Akor 12:7

Wa mûndû nîavecagwa Roho nîûndû wa wagîrîru wa andû onthe.

Agal 3:8

Mandîko matheru nîmoonanirie na vau kavere atî Ngai nîagaatua andû a Ndûrîrî athingu nîûndû wa gwîtîkia. Kwoguo Iburahimu nîwamenyithirue na njîra ya ûvoro mwaro atî: “Andû a Ndûrîrî cionthe nîmakaarathimwa nîûndû waku.”

Gûco 29:29

“Maûndû ma nthitho nî ma Ngai-Mûnene Ngai wetû, nwatî maûndû marîa aguûranîrîtie nî metû vamwe na njiarwa cietû, nîguo tûtûûre tûvingagia mawatho make monthe tene na tene.”

Gûco 4:36

Nîwatûmire mwîgue mûgambo wake arî kûu îgûrû nîguo amûthomithie, nakuo gûkû nthî nîwatûmire mwone mwaki wake mûnene na mûkîgua mûgambo wake ûrî mwakirî ûcio.

2Tim 2:25

Nîwagîrîrwe nîkwîthîrwa ûrî mûvoreri rîrîa ûgûtaara andû arîa magûkararagia, nîûndû Ngai avota kûmava kamweke ga kwîrira na makamenya ûvoro wa ma.

2Tim 4:2

ûvunjagie ûvoro wa Ngai vingo cionthe vîndî îrîa mbagîrîru na îrîa îtarî mbagîrîru. Îguithagia andû, makanagie, maûmagîrîrie na ûmathomithagie vîndî cionthe ûkirîrîrîtie.

Ahib 11:1

Wîtîkio nî kûgîa na ûma wa maûndû marîa twîrîgîrîrîte, na kûmenya atî maûndû marîa tûtavotaga kwona nî ma ma.

Ahib 3:7

Kwoguo wata ûrîa Roho Mûtheru augîte atîrî, “Ûmûnthî mûngîgua mûgambo wa Ngai,

Ahib 4:12

Kiugo Kîam Ngai kîrî mwoyo nîkîrutaga wîra na nî kîûgî gûkîra rûviû rûrîa rûnoore mîena îîrî. Nîgîtemaga nginya varîa ngoro na mwoyo inyitanîrîte, na gîgatema gatagatîrî ka marûngo wana gatagatî ka mavîndî. Na nîkîvotaga gûtuîria na kûmenya meciria na merirîria ma ngoro cietû.