2Tim 2:21 - ÎVUKU RÎA ÛVORO MWARO

²¹ Andû arîa metheragia kuuma kûrî maûndû monthe ma waganu, magaatûmagîrwa rîrîa kûrî na maûndû manene, nîûndû nîmeamûrîte magatuîka andû a vata kûrî mûmathi. Andû aya nîmevarîrîtie kûruta wîra wa wonthe mwaro.

2Tim 2:21 ပူးပေါင်းရင်းမြစ်များ

Thaburi 119:9

Nî atîa mûndû mwîthî angîvota kwiga ûtûûro wake ûrî mûtheru? Nî na njîra ya kûrûmîrîra maathani maku.

Isaia 1:25

Nîngaamûverithia; nîngaamûtheria ta ûrîa cuuma îtheragua na mwaki, na nîmûtherie gîko kîenyu kîonthe.

Isaia 52:11

Thiîni, thiîni, mume kûu Babuloni, mûtikavutie kîndû wa kîonthe kîrî mûgiro! Îîtherieni mue mûkuuaga indo cia Ngai-Mûnene.

Jeremia 15:19

Kwoguo Ngai-Mûnene arauga atîrî, “Ûngînjokerera nîngûgûcokia ûrîa wekariî mbere, nawe nî ûkandungatîra rîngî. Ûngîaria maûndû marîa magîrîrîte na tî marîa matarî vata, we ûkaragia vandûrî vakwa. Andû nîmagagûcokerera, nwatî we ndûkaathiî kûrî o.

Malaki 3:3

Ke agaûka gûtûtuîra ta mûndû ûrîa ûthambagia na akatheria sîlûva. Nîakaatheria njiarwa cia Lawi, ta mûndû ûrîa ûtheragia thaavu kana sîlûva, nginya rîrîa makarutîra Ngai-Mûnene îgongoona rîrîa rîngîtîkîrîka.

Ciîko 9:15

Nwatî Mwathani nîwerire Anania atîrî, “We thiî, nîûndû nie nînthuurîte Saûlo nîguo atuîke ndungata yakwa. Ke nîke ûgûtûma rîîtwa rîakwa rîmenywe nî Andû a Ndûrîrî, athamaki na andû a Isiraeli.

1Akor 5:7

Kwoguo îrireni mevia menyu marîa mekariî ta ndawa îno ngûrû ya kwimbia nîguo mûtuîke andû acerû viû wata mûtu ûrîa ûkandîtwe ûtarî mwîkîre ndawa ya kwimbia. Na nîmbicî atî ûguo nîguo mwîkariî, nîûndû Kristû nîwarutirwe arî Gatûrûme ga kîgongoona îrugarî rîetû rîa pasaka.

2Akor 7:1

Arata etû ciîranîro ino cionthe nî tue tûthondekeretwe. Kwoguo tigani twîtherie kuuma kûrî ûndû wa wonthe ûrîa ûtûmaga mwîrî na roho ciîkare itarî ntheru. Tigani twîthagîrwe tûrî atheru viû na njîra ya gûtûûra twîtigîrîte Ngai.

2Akor 9:8

Nake Ngai arî na ûvoti wa kûmûva nyîngî makîria ya irîa mûvatarîte nîguo vîndî cionthe mwîthagîrwe mûrî na indo cionthe irîa mue ene mûvatarîte na ciîngî nyîngî nîûndû wa wîra mwaro.

Aefeso 2:10

Ngai aatûmbire ûguo twîkariî na njîra ya Kristû nîguo twîkage ciîko mbaro irîa aavangîte twîkage.

1Tim 6:11

Nwatî we mûndû wa Ngai, ûrîra maûndû mau monthe. Îîrutanîrie kûgîa na ûthingu, ûngai, wîtîkio, wendo, ûkirîrîria na ûvoreri.

2Tim 2:16

Îîthemage mîario îtarî ya ûngai nîûndû nîtûmaga andû maracavanîrîrie na Ngai.

2Tim 2:20

Nyombarî îrîa nene nîkwîthagîrwa kûrî na indo cia thaavu, na cia sîlûva, wana ciîngî cia mîtî na cia yûmba. Indo imwe cia icio îtûmagîrwa rîrîa kûrî na ûndû mûnene, nacio irîa ciîngî rîrîa gûtarî na ûndû mûnene.

2Tim 3:17

nîguo mûndû wonthe ûtungatagîra Ngai ethagîrwa arî mwagîrîru na arî mwîvarîriu gwîka ûndû wa wonthe mwaro.

2Tim 4:11

Luka nîke tu tûrî nake. Oca Maariko mûke nake nîûndû nîmwagîrîru wa kûndungatagîra.

Tito 3:1

Ririkania akristiano kwînyivia mbere ya anene na athani. Magîrîrwe nî kûmathîkagîra na kwîthagîrwa mevarîrîtie gwîka ciîko mbaro.

Tito 3:14

Andû etû nîmagîrîrwe nî kwîruta gûtûmîra mavinda mao na gwîka ciîko mbaro nîguo matethagîrîria mavata ma andû arîa engî. Matiagîrîrwe nî gûtûûra mûtûûrîre ûtarî na maciaro.

Tito 3:8

Ûvoro ûyû nî wa ma. Nie nîrenda mue mûkinyîrîrie maûndû mama nîguo andû arîa metîkîtie Ngai mameciragie, nao mavecanage o ene nîûndû wa ciîko irîa ciagîrîrîte. Maûndû mama nîma vata na ma kûguna andû onthe.

1Pet 1:22

Rîu nîûndû nîmûtheretie mîoyo yenyu na njîra ya kwathîkîra ûma, nîmûvotete kwenda na ma aarî na ariû a îthe wetû. Kwoguo mûndû nî endage mûndû ûrîa wîngî na ngoro yake yonthe.

1Pet 1:7

Mworoto wa magerio mama monthe nî kwonania atî wîtîkio wenyu nî wa ma. Wana nginya thaavu îgeragua na mwaki nîguo yonekane kana nî mbaro. Kwoguo wîtîkio wenyu ûrîa wî vata gûkîra thaavu, nwanginya ûgerue nîguo wonekane kana nî wa ma. Namue nîmûgaacoka kûgîa na ûkumio, riiri na gîtîîo vîndî îrîa Jesû Kristû akaaguûrua.

1Joh 3:3

Mûndû wa wonthe wîrîgîrîrîte Kristû nîethagîrwe arî mûtheru wata ûrîa Kristû arî mûtheru.