15 Geria mûno wa ûrîa ûngîvota gûtuîka mwîvokeku rîrîa ûkûruta wîra wa Ngai. Tuîka mûruti wîra ûrîa ûtaconokaga nî ûndû wa wîra ûrîa arutaga na mûndû ûthomithagia waro ûvoro wa ma wa Ngai.
“Mue Aisiraeli aya, tathikîrîriani ciugo ino! Jesû wa Nazarethi aarî mûndû warî wa mwanya. Wathani wake wa ûngai nîwonanirue waro kûrî mue na njîra ya morirû na ciama irîa Ngai aaringire na njîra yake. Mue ene nîmwîcî ûguo nîûndû ûndû ûcio nîwekîkire gûkû gatagatîrî kenyu.
Mûtikanareke ciîga cienyu cia mwîrî ciîvie na ituîke indo cia gwîkaga naaî. Nwatî îîvecaneni kûrî Ngai ta andû mariûkîtue na mwîvecane kûrî ke nîguo mûtuîke ciîga cia gwîkaga maûndû ma ûthingu.
Nîtûreganîte na maûndû ma nthoni marîa mekagîrwa nthithorî. Nîtûreganîte na maûndû ma wara, kana kûgarûrania ciugo cia Ngai ituîke cia maveeni. Nwatî twaragia ûvoro wa ma tûrî mbere ya Ngai tûkîîrîgagîrîra atî andû onthe arîa marî na thamiri mbaro nîmagûtwîtîkîra.
Wa namue nîmwatuîkire andû a Ngai vîndî îrîa mwegwire ndûmîrîri ya ma, na nîyo ûvoro mwaro wa kûvonokua kwenyu. Nîmwetîkirie Kristû na Ngai akîmûvûra mûvûri wa kwonania atî mûrî ake na njîra ya kûmûva Roho Mûtheru ûrîa aamwîrîrîte.
Kwoguo ariû na aarî a îthe wetû, geragiani na kîîo mûno kwona atî na ma nîmwîtîtwe na mûkathuurwa nî Ngai. Ethîrwa nîmûgwîka ûguo, mûtigatiganîria wîtîkio wenyu.
Kwoguo arata akwa ende, wa mûgîetagîrîra Mûthenya ûcio, geragiani wa ûrîa mûngîvota nîguo mwîthagîrwe mûrî atheru na mûtarî na ûcuke mbere ya Ngai, na mûrî na thayû.