2Tim 2:14 - ÎVUKU RÎA ÛVORO MWARO

¹⁴ Ririkania andû aku maûndû mama na ûmakaanie mbere ya Mwathani ûvoro wîgiî ngarari na gûteta îgûrû rîgiî ciugo irîa itarî na vata. Ciugo ta icio nîkwa ithûkagia andû arîa maithikagîrîria.

2Tim 2:14 ပူးပေါင်းရင်းမြစ်များ

Jeremia 16:19

We Ngai-Mûnene nîwe ûngitagîra na ûmvecaga vinya; nîwe ûndethagia vîndî ya mathîna. Mavûrûri kuuma mîena yonthe ya nthî nîmagaûka kûrî we makwîre atîrî, “Gûtirî kîndû methe metû maagaire tiga ngai cia maveeni, na indo îtarî vata kana umithio.

Jeremia 2:11

Kûrî vûrûri wanakûranania ngai ciao na ciîngî, wana ethîrwa ngai icio tî cia ma? Nwatî andû akwa nîmandiganîrîtie nie Ngai ûrîa ûrî riiri, makegîra na ngai itangîmatethia.

Jeremia 2:8

Athînjîri-Ngai matiaûria atîrî, ‘Ngai-Mûnene arî kû?’ Arîa maarî na ûûgî wa Watho matiamenya, athani nîmareganire nanie. Arathi maarathire na rîîtwa rîa Baali na makîgooca mîvuanano îrîa îtarî vata.”

Jeremia 23:32

Tanthikîrîria! Nie Ngai-Mûnene nîrauga atî, nîndeganîte na arathi arîa marotaga iroto cia maveeni. Na njîra ya iroto ciao na mîario ya maveeni, nîmatûmîte andû akwa mauma njîrarî ya ma. Nie ndianamatûma, kana nîmera mathiî, kwoguo matirî na ûtethio kûrî andû akwa.”

Jeremia 23:36

Nwatî, ‘Ndûmîrîri ndito ya Ngai-Mûnene mûtikamîgwete rîngî,’ ciugo irîa mûndû aragia nîcio mûrigo wake ke mwene. Nîûndû andû nîmagarûranagia ciugo cia Ngai ûrîa ûtûûraga mwoyo, Ngai-Mûnene mwene vinya wonthe, Ngai wao.

Jeremia 7:8

“Taroriani, mûtûûraga mwîtîkîtie ciugo cia maveeni.

Habakuku 2:18

Mûvuanano ûrî umithio ûrîkû? Kinthî kîu tî kîndû mûndû arûthîte, nî kîndû gîa gûtambia maveeni tu. Mûturi etîkîtie kîndû kîu erûthîrîte ke mwene, mûvuanano ûtangîvota kwaria.

Mathaayo 16:26

Kûrî umithio ûrîkû wa mûndû kûgîa na ûtonga wa nthî yonthe nwatî acoke aûrwe nî mwoyo wake? Gûtirî kîndû wana kîmwe mûndû angîkûûranania mwoyo wake nakîo.

Ciîko 13:10

na akiuga atîrî, “We mûrû wa Ngoma! We wî nthû ya maûndû monthe megiî ûthingu. Wîcûrîtwe nî mîthemba yonthe ya mawara ma waganu. Vîndî cionthe we ndûtigaga kûng'otaria njîra irîa nûngarû cia Mwathani!

Ciîko 15:24

Tue nîtwîguîte atî andû amwe arîa maaumire gîkundirî gîetû nîmaûkîte kûrî mue na makamwîra maûndû ma kûmûthînia na kûmûrakaria mûno. Nwatî tue tîtue twamataarîte meke ûguo.

Aroma 14:1

Amûkagîrani mûndû ûrîa ûtarî vinya wîtîkiorî, nwatî mûtigakararanie nake ûvororî wa maûndû marîa ke etîkîtie nwatî mue mûtimetîkîtie.

Agal 1:7

Nî ma atî gûtirî “Ûvoro Mwaro wîngî.” Nîrauga ûguo nîûndû kûrî andû maramûthînia na makageria kûgarûra ûvoro mwaro wa Kristû.

Aefeso 4:17

Na rîîtwa rîa Mwathani nîramûkaania mûtikathiî na mbere gwîkara ta andû a Ndûrîrî. Meciria mao nî ma mana.

1Ath 4:1

Na mûthiiarî, ariû na aarî a îthe wetû, nîmwathomire kuumana natue ûrîa mwagîrîrwe nî gûtûûra nîguo mûkenie Ngai na nwa guo mûratûûra. Rîu tûramûria na tûkamûthaitha na rîîtwa rîa Mwathani Jesû mûtûûre waro makîria.

2Ath 3:6

Ariû na aarî a îthe wetû, tûramwatha na rîîtwa rîa Mwathani wetû Jesû Kristû atî mûtikathiîcanagie na ariû na aarî a îthe wetû arîa igûta na matarûmagîrîra maûndû marîa twamûthomithirie.

1Tim 1:4

Wana nîmerwe matige kûgana ng'ano itarî na vata na kûvecana mûtaratara mûraca wa methe ma tene. Maûndû mama nîmo maretage ngarari na matitungataga mûvango wa Ngai ûrîa ûmenyekaga na njîra ya wîtîkio.

1Tim 1:6

Andû amwe nîmatiganîte na maûndû mama na magetonyia mîariorî îtarî na vata.

1Tim 4:8

Kûmenyeria mwîrî gwîka maûndû nîguo ûgîe na vinya nî ûndû mwaro, nwatî kwîmenyeria gwîka maûndû marîa mangîtûma ûgîe na vinya wa kîîroho kûrî vata na njîra cionthe, nîûndû nîkûretagîra mûndû kîîrîgîrîro mwoyorî ûyû tûrî naguo rîu na mwoyorî ûrîa ûgaaûka.

1Tim 5:21

Nîrî mbere ya Ngai na ya Jesû Kristû na mbere ya araika atheru, nîrakwatha ûvingagie maûndû mau nakwîra ûtagûcagûrania kana kîmenyano.

1Tim 6:13

Nîrakwatha nî mbere ya Ngai ûrîa ûvecaga indo cionthe mwoyo, na mbere ya Jesû Kristû ûrîa waumbûrire wîtîkio wake mbere ya Pontio Pilato,

2Tim 1:6

Nîûndû wa gîtûmi gîkî nîrakûririkania ûrurumûkie kîveo kîrîa Ngai aakûveere vîndî îrîa naakwigîrîre njara.

2Tim 2:16

Îîthemage mîario îtarî ya ûngai nîûndû nîtûmaga andû maracavanîrîrie na Ngai.

2Tim 2:23

Reganaga na ngarari cia ûrimû na gûtura ûmenyo, nîûndû we nîwîcî atî iretage înegene.

2Tim 4:1

Nîrakûthaitha nîrî mbere ya Ngai na ya Jesû Kristû ûrîa ûgaatuîra andû arîa marî mwoyo na arîa akuû, na nîûndû nî araûka kwathana arî mûthamaki atî:

Tito 3:1

Ririkania akristiano kwînyivia mbere ya anene na athani. Magîrîrwe nî kûmathîkagîra na kwîthagîrwa mevarîrîtie gwîka ciîko mbaro.

Ahib 13:9

Mûtigetîkîre kûvîtithua nî mîthomithanîrie mîgeni îrîa îrî kuo ya mîthemba mîîngî. Nî waro ngoro igîcage na vinya kuuma kûrî wega wa Ngai, nwatî tî kuumana na kwathîkîra mawatho megiî irio. Nîûndû arîa mathîkagîra mawatho mama matîtethekaga nîmo.

2Pet 1:13

Nîreciria nî ûndû mwaro mbîkare ngîmûririkanagia maûndû mama îvinda rîonthe rîrîa ngûtûûra mwoyo.

1Sam 12:21

Tigani gûtungatîra Ngai cia maveeni. Ngai icio itîngîmûguna kana imûvonokie, nîûndû tî cia ma.