2Tim 2:13 - ÎVUKU RÎA ÛVORO MWARO

¹³ Ethîrwa tûtirî evokeku, ke atûûraga arî mwîvokeku, nîûndû ndangîveenia.”

2Tim 2:13 ပူးပေါင်းရင်းမြစ်များ

Isaia 25:1

We Ngai-Mûnene, nîwe Ngai wakwa; nîngaakwambararia na ngumie rîîtwa rîaku, nîûndû we nîwîkîte maûndû ma magegania; mîvango îrîa wavangire kuuma tene, ûmîvingîtie na wîvokeku na ûûma.

Ndari 23:19

Ngai ndekariî ta mûndû atî nwa aveenanie, kana ta mûndû wa nthî atî nwa ericûkwe. Ûndû wa wonthe eranagîra nîavingagia. Ke aaragia na ûrîa auga ûgatuîkîka.

Mathaayo 24:35

Îgûrû na nthî nîikaathira, nwatî ciugo ciakwa itikaathira.

Aroma 3:3

Narîo ethîrwa amwe gatagatîrî kao matiarî evokeku, ûguo nwa ûtûme Ngai atuîke tî mwîvokeku?

Aroma 9:6

Nie ndirauga atî Ngai nîwaregire kûvingia kîîranîro gîake. Nîûndû tî andû onthe a Isiraeli maathuurirwe nî Ngai.

1Akor 1:9

Ngai nî mwîvokeku. Ke nîke wamwîtire nîguo mûgîe na ngwatanîro na Mûrû wake Jesû Kristû Mwathani wetû.

Gûco 7:9

Menyani nama atî Ngai-Mûnene, Ngai wenyu nîke Ngai, na nî mwîvokeku. Ke nîavingagia kîrîkanîro gîake na arî wendo ûtathiraga, kûrî njiarwa ngiri cia andû arîa mamwendete na mavingagia maathani make.

1Ath 5:24

Nake ûrîa ûmwîtaga nî agwîka ûguo nîûndû nîmwîvokeku.

2Ath 3:3

Nwatî Mwathani nîmwîvokeku na nîakûmûva vinya na amûgitîre kuuma kûrî Ûrîa Mûcûku.

Tito 1:2

Ûvoro wa gwîtîkia na kûgîa na ûmenyo wa ûvoro wama nî ûvecanaga kîîrîgîrîro Kîam Mwoyo wa tene na tene kîrîa Ngai ûrîa ûtaveenanagia aatwîrîre kuuma Kîammbîrîria.

Ahib 6:18

Kûrî na maûndû maîrî marîa matangîgarûrîka namo nî atî: Ngai ndangîîricûkwa rîrîa akwîranîra ûndû, na ndangîveenania rîrîa akwîvîta. Maûndû mama nîmatûmagîrîria tue arîa tûthiîcaga kûrî Ngai nîguo atûgitîre, na nîmatûvecaga vinya wa gûtûûra tûrî na kîîrîgîrîro kîrîa kigîtwe mbere yetû.