2Sam 8:2 - ÎVUKU RÎA ÛVORO MWARO

² Nîwacokire akîvoota Amoabu na akîmeera mamame nthî marîte mîvari. Na wa varî andû athatû acio moovetwe nîwaûragire andû aîrî ao kana andû athatû ao. Kwoguo Amoabu nîmaatuîkire ndungata cia Daudi na makîambîrîria kûmûrutîra gooti.

2Sam 8:2 ပူးပေါင်းရင်းမြစ်များ

2Sam 12:31

Nîwacokire agîtua andû a kuo aatûri a mbaû na mîcumano, aruti wîra na macembe ma cuuma, na mathanwa ma cuuma, na athondeki a matuvarî. Ûguo nîguo eekire andû onthe a matûûra mau mengî ma Aamoni. Nake Daudi na andû ake onthe nîmaacokire Jerusalemu.

2Sam 8:6

Nîwacokire agîtuma ciîkaro cia athigari ake vûrûrirî wa Damesiki, na andû a Sîria nîmaatuîkire ndungata ciake na nîmaarutaga gooti kûrî Daudi. Ngai-Mûnene nîwatûmire Daudi avootane kûrîa kuonthe aathiîcaga.

1Atha 4:21

Solomoni aarî mûnene wa mavûrûri monthe kuuma rûnjîrî rwa Farati nginya vûrûri wa Afilisiti gûcoka kûthiî mûvakarî wa Misiri. Andû a kuo nîmaarîvaga gooti kûrî Solomoni na nîmaamûtungatîre ûtûûrorî wake wonthe.

2Atha 1:1

Vuva wa gûkua kwa Ahabu, mûthamaki wa Isiraeli, andû a Moabu nîmaaregire kwathwa nî andû a Isiraeli.

2Atha 17:3

Shalimaneseri mûthamaki wa Asîria nîwarûire na Hoshea. Hoshea nîwenenganîre kûrî Shalimaneseri na nîwamûrîvaga gooti.

1Maû 18:2

Nîwacokire akîvoota Amoabu na magîtuîka ndungata ciake na marîvage gooti yao kûrî mûthamaki Daudi.

2Maû 26:8

Aamoni nîmaarîvire gooti kûrî Uzia na ngumo yake îgîtamba nginya mûvakarî wa Misiri nîûndû nîwagîte na vinya mûno.

Thaburi 108:9

Moabu nîyo karaî gakwa ga kwîthambîria, na iratû ciakwa nîcikagia Edomu. Nîngaaugîrîria nîûndû wa kûvoota vûrûri wa Filisiti.”

Thaburi 18:45

Ageni nîmaathirirwe nî ûmîrîru, na nîmaaumire kûrîa methithîte magîtetemaga.

Thaburi 60:10

We Ngai, nîkwa ûtûtiganîrîtie? Ndûngîthiîcania na athigari etû makîthiî kûrûa na nthû cietû?

Thaburi 60:8

Moabu nîyo karaî gakwa ga kwîthambîria; na nîngaaikîria Edomu iratû ciakwa. Nîngaaugîrîria nîûndû wa kûvoota vûrûri wa Filisiti.”

Thaburi 83:6

andû a Edomu na andû a Ishumaeli, andû a Moabu na andû a Hagari,

Isaia 36:16

Mûthamaki wa Asîria arauga mûtikathikîrîrie Hezekia; gîani na thayû nanie na mûke kûrî nie, na wa mûndû wa mûndû akaarîcaga matunda ma mûthavibu wake ke mwene, na ma mûkûyû wake ke mwene, na wa mûndû anyunyage manjî kuuma kîrikorî gîake ke mwene,

Ndari 24:17

Nînîrona ûrîa ûgaaûka vuvarî, nînîramwona nwatî ndarî vakuvî. Nîakaaumîra ta njata kûrî njiarwa cia Jakovu, gatagatîrî ka andû a Isiraeli nîgûkaauma Mûthamaki. Nîakaathiria atongoria a Moabu, na acûkangie njiarwa cionthe cia Sethi.

1Sam 10:27

Nwatî nîkwarî na andû amwe maarî a mana maaûririe atîrî, “Nî ûndû ûrîkû mwaro mûndû ûyû angîtwîkîra?” Nao makîmûnyûrûria na makîrega kûmûva kîveo wanarî kîmwe. Nwatî Saûlo agîkira kivi.

1Sam 14:47

Vîndî îrîa Saûlo aatuîkire Mûthamaki wa Isiraeli, nîwarûire na nthû ciake cionthe kuuma mîena yonthe: Nîwarûire na Amoabu, andû a Amoni, Aedomu, athamaki a Zoba na Afilisiti. Nao andû onthe arîa ke aathiîcaga kûrûa nao, nîwamavootaga.

1Sam 22:3

Daudi nîwaumire kûu na akîthiî Mizipa vûrûrirî wa Moabu na akîra mûthamaki wa Moabu atîrî, “Nîrakûthaitha wîtîkîrie vava na nyanya mekare gûkû gwaku nginya rîrîa ngaamenya ûrîa Ngai akwenda nanie.”

1Sam 22:4

Kwoguo Daudi nîwatigire aciari ake marî na mûthamaki wa Moabu na nîmeekarire na mûthamaki îvinda rîrîa rîonthe Daudi eethithîte ngurungarî.