2Sam 8:15 - ÎVUKU RÎA ÛVORO MWARO

¹⁵ Daudi nîwathanire Isiraeli kuonthe na agatwithanagia maciira kûrî andû ake onthe na kîvooto.

2Sam 8:15 ပူးပေါင်းရင်းမြစ်များ

2Sam 15:3

Abusalomu nîangîamwîraga atîrî, “Nîma, ûguo ûrauga nî ûndû mwaro na ûrî na kîvooto, nwatî gûtirî mûndû ûthuurîtwe nî mûthamaki ûngîthikîrîria ciira waku vandûrî vake.”

2Sam 20:23

Joabu nîke warî mûnene wa athigari onthe a mbaara a Isiraeli; nake Benaia mûvîcî wa Jehoiada nîke warî mûnene wa athigari arîa maarangagîra Daudi;

2Sam 3:12

Abineri nîwatûmire anjaama kûrî Daudi kûu Heburoni makamwîre atîrî, “Nû ûkwathana vûrûri ûyû? Tûthondeke kîrîkanîro nawe, na nîngûgûtethereria kûnyita vûrûri wonthe wa Isiraeli ûtuîke waku.”

2Sam 5:5

Daudi aathanire Juda arî Heburoni îvinda rîa mîaka mûgwanja na nuthu. Nîwacokire akîathana Isiraeli kuonthe na Juda arî Jerusalemu îvinda rîa mîaka mîrongo îthatû na îthatû.

2Sam 8:14

Ke nîwatumire ciîkaro cia athigari ake a mbaara vûrûrirî wonthe wa Edomu, nao andû a kuo magîtuîka ndungata cia Daudi. Nake Ngai-Mûnene nîwatûmire Daudi avootane kûrîa kuonthe aathiîcaga.

2Sam 8:16

Joabu, ûrîa ng'ina eetagwa Zeruia nîke warî mûnene wa athigari. Nake Jehoshafati mûvîcî wa Ahiludi nîke wamenyagîrîra mandîko.

1Atha 10:9

Ngai-Mûnene, Ngai waku arogoocwa! Ke nîwonanîtie ûrîa akenetue nîwe na njîra ya gûgûtua mûthamaki wa Isiraeli. Agûtuîte mûthamaki wa Isiraeli nîguo ûtucagîre andû ciira na kîvooto na ûûma, nîûndû Ngai-Mûnene eendire Isiraeli tene na tene.”

1Atha 4:1

Solomoni aarî mûthamaki wa Isiraeli kuonthe.

1Maû 18:14

Kwoguo Daudi aarî mûthamaki wa vûrûri wonthe wa Isiraeli na nîwathaga andû onthe waro na kîvooto.

Thaburi 119:121

Nîmbîkîte maûndû magîrîru na ma kîvooto; ndûkandiganîrie kûrî arîa mamvinyagîrîria.

Thaburi 72:2

nîguo athage andû aku na kîvooto, na athage arîa avinyîrîrie na ûthingu.

Thaburi 75:2

Ngai arauga atîrî, “Nîmvangîte vîndî ya îtuîro, vîndî îo nîngaatucanîra na kîvooto.

Thaburi 89:14

Ûthingu na kîvooto nîcio mûcingi wa ûthamaki waku; wendo ûtathiraga na wîvokeku nîcio igûtongoragîria.

Isaia 9:7

Wathani wake nîûkaathiî na mbere ûkînenevaga; vîndî cionthe ûkethagîrwa ûrî na thayû, na nîagaatuîka mûthamaki vuva wa Daudi. Nîakaaûrûngamia na aûmenyerere, akaathanaga na kîvooto na ûthingu, kuuma rîu nginya tene na tene. Ngai-Mûnene mwene vinya wonthe nîke ûkaavingia maûndû mama.

Amosi 5:15

Thûrani maûndû macûku na mwende maûndû maro, na mûrûmagîrîre kîvooto magootirî. Nwa kwîthîrwa Ngai-Mûnene, Mwene vinya wonthe nwa akinyîrie njiarwa cia Josefu irîa itigarîte wega wake.

Amosi 5:24

Vandû va ûguo, tiga kîvooto kînyûrûrûkage ta karûnjî, na ûthingu ûnyûrûkage ta rûnjî rûtavûcaga.

Ahib 11:33

Na njîra ya wîtîkio nîmaarûire na mavûrûri monthe na makîmavoota. Nîmeekire ûrîa kwagîrîrîte na Ngai nîwamavere kîrîa aamerîrîte. Nîwavingire tûnyua twa mînyambû,

1Sam 14:47

Vîndî îrîa Saûlo aatuîkire Mûthamaki wa Isiraeli, nîwarûire na nthû ciake cionthe kuuma mîena yonthe: Nîwarûire na Amoabu, andû a Amoni, Aedomu, athamaki a Zoba na Afilisiti. Nao andû onthe arîa ke aathiîcaga kûrûa nao, nîwamavootaga.