2Sam 7:9 - ÎVUKU RÎA ÛVORO MWARO

⁹ Mbîthîrîtwe nîrî nawe kûrîa kuonthe wanathiî, na ngakûvootanîra kûrî nthû ciaku cionthe. Nîngûtûma ûgîe na îgweta wata atongoria a gûkû nthî arîa marî îgweta mûno.

2Sam 7:9 ပူးပေါင်းရင်းမြစ်များ

Kîam 12:2

Nanie nîngaakûva njiarwa nyîngî nacio nîigaatuîka rûrîrî rûnene. Nie nîngaakûrathima na ndûme rîîtwa rîaku rîgîe îgweta. Nawe ûtuîke kîrathimo.

2Sam 22:1

Rîrîa Ngai-Mûnene aavonokirie Daudi kuuma kûrî Saûlo na nthû irîa ciîngî ciake cionthe Daudi nîwainîre Ngai-Mûnene rwîmbo rûrû:

2Sam 22:30

We nîwe ûmvecaga vinya wa kûtharîkîra nthû ciakwa, na nwawe ûmvotithagia kûrûûga nthingo ciao cia kwîgitîra.

2Sam 22:43

Naamarivire nginya magîtuîka ta rûkûngû, na ngîmakinyanga ta ndaka îrîa îthagîrwa îrî njîrarî.

2Sam 23:1

Daudi mûvîcî wa Jesse, aarî mûndû watûgîrîtue mûno nî Ngai, na nîke Ngai wa Jakovu aathuurire nîguo atuîke mûthamaki. Daudi nîke watungîre Aisiraeli nyîmbo mbaro mûno cia thaburi. Ino nîcio ciugo cia mûthiia cia Daudi:

2Sam 5:10

Daudi nîwathiîre na mbere kûgîa na vinya nîûndû Ngai-Mûnene, Ngai mwene vinya wonthe aarî vamwe nake.

2Sam 8:13

Daudi nîwathiîre na mbere kûgîa îgweta rîrîa aacokire mûciî arîkia kûûragîra Aedomu ngiri îkûmi na inya Kîandarî gîa Cumbî.

2Sam 8:14

Ke nîwatumire ciîkaro cia athigari ake a mbaara vûrûrirî wonthe wa Edomu, nao andû a kuo magîtuîka ndungata cia Daudi. Nake Ngai-Mûnene nîwatûmire Daudi avootane kûrîa kuonthe aathiîcaga.

2Sam 8:6

Nîwacokire agîtuma ciîkaro cia athigari ake vûrûrirî wa Damesiki, na andû a Sîria nîmaatuîkire ndungata ciake na nîmaarutaga gooti kûrî Daudi. Ngai-Mûnene nîwatûmire Daudi avootane kûrîa kuonthe aathiîcaga.

1Maû 17:8

Nîrethagîrwa nawe kûrîa kuonthe ûrathiîcaga na nîravootaga nthû ciaku cionthe wa ûrîa ûrathiîcaga na mbere, na nîngaagûtua mûndû ûrî na îgweta wata atongoria arîa anene a nthî.

Thaburi 21:6

Nîûmûrathimaga vîndî cionthe, nîecûrîtwe nî gîkeno nîûndû wîthagîrwa vamwe nake.

Thaburi 89:23

Nîngaacûkangia nthû ciake, na mbûrage arîa mamûmenete.

Luka 1:52

Nî agwîthîtie athamaki makauma itîîrî ciao cia ûthamaki, na akanenevia arîa menyivagia.

Josh 6:27

Kwoguo Ngai-Mûnene nîwethagîrwa arî vamwe na Joshua na ngumo ya Joshua nîyatambire kûndû kuonthe vûrûrirî.

1Sam 18:14

na nîwavootanaga maûndûrî marîa monthe eekaga, nîûndû Ngai-Mûnene aarî vamwe nake.

1Sam 18:30

Na rîrîa rîonthe athigari a Afilisiti mangîaûkire kûrûa, Daudi nîke wavootanaga gûkîra athigari onthe a Saûlo. Kwoguo Daudi nîwamenyekanire mûno.

1Sam 2:8

Nîarutaga mûthîni rûkûngûrî, na agaûkîrîria arîa athîni makauma mathînarî. Ngai-Mûnene nîatûmaga andû acio matuîke arata a anene, na agatûma mekarîre itî cia ûnene. Ngai-Mûnene nîke mwene itugî irîa itiirîrîrîte nthî îno, nîke wigîrîrîte nthî îgûrû rîacio.

1Sam 31:6

Ûguo nîguo Saûlo, anake ake athatû, mwanake ûrîa wamûkuuagîra indo cia mbaara na athigari onthe a Saûlo maakwire mûthenya wa ûcio.

1Sam 5:10

Kwoguo nîmaakuire îthandûkû rîa kîrîkanîro rîa Ngai na makîrîvira îtûûrarî rîngî rîa kûu Filisiti rîetagwa Ekironi. Nwatî rîrîa rîakinyire kuo, andû a Ekironi nîmaanegenire mûno makiugaga atîrî, “Taroriani! Nîmarete îthandûkû rîa Kîrîkanîro rîa Ngai wa Isiraeli gûkû nîguo tûûragwe tuonthe vamwe na andû etû!”