2Sam 7:8 - ÎVUKU RÎA ÛVORO MWARO

⁸ “Kwoguo îra ndungata yakwa Daudi, atî nie Ngai-Mûnene mwene vinya wonthe nîramwîra atîrî, ‘Nie naakûrutire kîthakarî kûrîa warîthagia ng'ondu nîguo ûtuîke mûtongoria wa andû akwa a Isiraeli.

2Sam 7:8 ပူးပေါင်းရင်းမြစ်များ

2Sam 12:7

Nake mûrathi Nathani nîwerire Daudi atîrî, “We nîwe mûndû ûcio, na Ngai-Mûnene, Ngai wa Isiraeli arauga atîrî, ‘Naagûtuire mûthamaki wa Isiraeli na ngîkûvonokia kuuma kûrî Saûlo.

2Sam 14:13

Mûndûmûka ûcio nîwerire Daudi atîrî, “Nîndûî gîtûmîte wîke andû a Ngai naaî ûguo? We ndwîtîkîrîtie mûvîcîguo ke mwene acoke mûciî kuuma kûrîa aaûrîre, kwoguo nîwetuîrîra ciira we mwene na ciugo ciaku wa rîu.

2Sam 23:1

Daudi mûvîcî wa Jesse, aarî mûndû watûgîrîtue mûno nî Ngai, na nîke Ngai wa Jakovu aathuurire nîguo atuîke mûthamaki. Daudi nîke watungîre Aisiraeli nyîmbo mbaro mûno cia thaburi. Ino nîcio ciugo cia mûthiia cia Daudi:

2Sam 24:17

Daudi oona mûraika ûrîa waûragaga andû, nîwerire Ngai-Mûnene atîrî, “Nînie njîvîtie. Nînie mbîkîte naaî. Gûtirî ûndû andû aya mekîte. Nînie mbagîrîrwe nî kûverithua vamwe na andû a mûciî wakwa.”

2Sam 5:2

Wana mbererî rîrîa Saûlo aarî mûthamaki wetû, nîwe watongoririe andû a Isiraeli makîthiî mbaararî na makînûka. Ngai-Mûnene nîwakwîrîre atî nîûgaatuîka mûrîthi wa andû ake na ûtuîke mûtongoria wao.”

2Sam 6:21

Nake Daudi nîwerire Mikali atîrî, “Nîminaga ngîtîîa Ngai-Mûnene, ûrîa wanthuurire nîguo nduîke mûtongoria wa andû ake a Isiraeli vandûrî va aguo na andû a mûciî wake. Na nwa ngûthiî na mbere kwina ngîtîîa Ngai-Mûnene.

1Atha 3:6

Solomoni nîwaugire atîrî, “Nîwonagia vava Daudi, ndungata yaku wendo ûtathiraga, nîûndû aagûtungataga arî na wîvokeku, ûthingu na ûtheru wa ngoro. Na nîûthiîte na mbere kûmûonia wendo ûtathiraga na Nîwamûvere mûvîcî ûrîa wîkarîrîte gîtî Kîam ûthamaki vuva wake nginya ûmûnthî.

1Atha 8:16

‘Kuuma rîrîa naarutire andû akwa Aisiraeli vûrûrirî wa Misiri, ndianathuura îtûûra wanarî rîmwe mîvîrîgarî yonthe ya Isiraeli varîa nîngîatumîrwe hekarû nîguo ngoocagîrwe vo. Nwatî nînathuurire Daudi nîguo atongorie andû akwa Aisiraeli.’ ”

1Maû 17:7

“Kwoguo îra ndungata yakwa Daudi atî, Nie Ngai-Mûnene mwene vinya wonthe nakûrutire kûrîa warîthagia ng'ondu mîgûndarî na ngîgûtua wa kwatha andû akwa a Isiraeli.

1Maû 21:17

Daudi nîwavoire Ngai akiugaga atîrî, “Nînie naathanire andû magatarwe, nînie nevirie. Andû aya matiîkîte ûndû mûcûku maarûmîrîre ûrîa naugire. Ngai-Mûnene, Ngai wakwa nakûthaitha ûmverithie arî nie vamwe na mûciî wa vava, nwatî ndûkaverithie andû aya.”

Amosi 7:15

Ngai-Mûnene nîwandutire wîrarî wakwa wa kûrîthia akîmbîra mbûke ndathîre andû ake a Isiraeli.

Ciîko 7:46

Daudi nîwonirwe arî mwagîrîru nî Ngai. Ke nîwaûririe Ngai amwîtîkîrie atume gîîkaro Kîam Ngai wa Jakovu.

1Sam 10:1

Nake Samueli nîwocire kanyûngû karî na maguta na agîtîrîria Saûlo maguta mau kîongorî gîake, akîmûmumunya, na akiuga atîrî, “Ngai-Mûnene nîagwîtîrîrîtie maguta nîguo ûtuîke mûthamaki wa andû ake a Isiraeli. We nîûgatongoria andû ake na ûmagitîre kuuma kûrî nthû ciao cionthe. Naguo ûndû ûrîa ûgakwonia nama atî Ngai-Mûnene nîakûthuurîte nîguo ûtuîke mûthamaki wa andû ake nî atî:

1Sam 2:8

Nîarutaga mûthîni rûkûngûrî, na agaûkîrîria arîa athîni makauma mathînarî. Ngai-Mûnene nîatûmaga andû acio matuîke arata a anene, na agatûma mekarîre itî cia ûnene. Ngai-Mûnene nîke mwene itugî irîa itiirîrîrîte nthî îno, nîke wigîrîrîte nthî îgûrû rîacio.

1Sam 9:16

“Rûciû îthaarî wata rîrî, nie nîngaatûma mûndûmûrûme kuuma mûvîrîgarî wa Benjamini aûke kûrî we; we nîûkaamwîtîrîria maguta nîguo atuîke mûthamaki wa andû akwa a Isiraeli, na nîke ûkaavonokia andû akwa kuuma kûrî Afilisiti. Nie nîmonete ûrîa andû akwa marî na ruuo na nîmbîguîte makîmvoya ûtethio.”