2Sam 7:27 - ÎVUKU RÎA ÛVORO MWARO

²⁷ Ngai-Mûnene mwene vinya wonthe, Ngai wa Isiraeli! Ndingîtigîra ngîkûvoya îvoya rîîrî, nîûndû nîûnguûrîrîtie maûndû mama monthe nie ndungata yaku, na nîûmbîrîte atî nîûgaatûma njiarwa ciakwa ituîke athamaki.

2Sam 7:27 ပူးပေါင်းရင်းမြစ်များ

2Sam 7:11

Kuuma rîrîa nathuurîre andû akwa a Isiraeli atongoria na magîtonya vûrûrirî ûyû, matûîre matharîkagîrwa nî nthû, nwatî ûndû ûyû ndûgeekîka rîngî. Nîrakwîrîra atî, nîngaakûgitagîra kuuma kûrî nthû ciaku cionthe na ngûve njiarwa.

2Sam 7:13

Ûcio nîke ûkaandumîra hekarû na nîngaatûma ûthamaki wake ûtûûre tene na tene.

1Atha 11:38

Ethîrwa ûkathîkagîra maûndû monthe marîa ngwathîte, ûgîkaga maûndû marîa maro, na wathîkagîre irîra cia mawatho makwa, ûkîvingagia maathani makwa wata ûrîa ndungata yakwa Daudi eekire, ngethagîrwa vîndî cionthe nîrî vamwe nawe. Nîngaagûtua mûthamaki wa Isiraeli na ndûme njiarwa ciaku itûûre ciathanaga vuva waku, wata ûrîa nekire Daudi.

Thaburi 10:17

We Ngai-Mûnene thikîrîria mavoya ma andû arîa avooreri, maûmîrîrie na ûmathikîrîrie,

Thaburi 40:6

We ndwendaga magongoona na matega, ndwîtagia matega ma kûvîvua kana ma kûtheria mevia, nwatî ûmvete matû ngwîgucage,

Ntha 1:21

Nîûndû aka acio nîmeetigîrîte Ngai, Ngai nîwamarathimire na akîmava mîciî yao o ene.

Ruthu 4:4

Kwoguo neciria ngûmenyithie ûvoro ûcio nîguo ethîrwa nîûkwenda ûûgûre mbere ya athuuri aya mekarîte ava. Na ethîrwa ndûkûwenda, ûtwîre nîûndû we nîwe wagîrîrwe nî kûvewa kamweke ga kûûgûra mbere yakwa.” Nake mûndû ûcio nîwaugire atîrî, “Nîngûûgûra.”

1Sam 2:35

Na nie nîngethuurîra mûthînjîri-Ngai ûrîa ûkethagîrwa arî mwîvokeku kûrî nie. Ke nîke ûgeekaga maûndû monthe marîa ngaamwîraga kuuma ngororî yakwa wana meciriarî makwa. Nie nîngaatûma agîe na njiarwa, na vingo cionthe nîigaatungatagîra mûthamaki ûrîa nie nthuurîte.

1Sam 9:15

Naguo mûthenya ûmwe mbere ya Saûlo aûke, Ngai-Mûnene nîwarîrîtie Samueli na akamwîra atîrî,