2Sam 7:10 - ÎVUKU RÎA ÛVORO MWARO

¹⁰ Nî nthuurîrîte andû akwa a Isiraeli kûndû kwa gûtûûra na nîngaatûma matûûre kuo, nîguo na matigacoke kûvinyîrîrua rîngî ta ûrîa meekagwa mbererî nî andû arîa aganu.

2Sam 7:10 ပူးပေါင်းရင်းမြစ်များ

2Atha 21:8

Ethîrwa andû a Isiraeli makathîkagîra maathani makwa monthe na mavingagie mawatho monthe marîa ndungata yakwa, Musa aamaveere ndikaamarekereria maûrûre rîngî kuuma vûrûrirî ûrîa naveere methe mao.”

1Maû 17:9

Nîngaathuurîra andû akwa a Isiraeli kûndû na nîngaatûma matûûrage kuo kûrî kwao, marî na thayû na matakûvinyîrîrua nî mûndû rîngî ta ûrîa matûûraga mbererî.

2Maû 33:8

Ndikaareka andû a Isiraeli mengatwa kuuma vûrûrirî ûyû neerîre methe mao rîngî, ethîrwa nîmakaarûmîrîra na kinyi maûndû monthe megiî mawatho monthe na matuîro ma ciira marîa namaathire kûvîtûkîrîra kûrî Musa.”

Thaburi 44:2

ûrîa wengatire andû a ndûrîrî na vinya waku, na ûkiga andû aku mavûrûrirî ma andû acio; ûrîa waverithirie andû a mavûrûri mengî, na ûgîtûma andû aku mekindîrie.

Thaburi 44:4

We wî mûthamaki wakwa na Ngai wakwa; nîwe ûvotithagia njiarwa cia Jakovu kûvootana.

Thaburi 80:8

Waretire mûthavibu kuuma Misiri, ûkîvinyûria ndûrîrî irîa ciîngî, na ûkîûvanda vûrûrirî wao.

Thaburi 80:9

Nîwaûrîmîre nîguo ûkûre, nîwamerire na mîri yaguo nîyarikîre îgîtamba nthî yonthe.

Ntha 1:22

Mûthiiarî mûthamaki nîwavecanire watho kûrî andû ake onthe akiuga atîrî, “Kaana wa konthe ga kavîcî gagaciaragwa nî aka a Ahibirania mûgagaikagia rûnjîrî rwa Nailo, nwatî twana tuonthe twa twîrîtu mûkareka tûtûûre.”

Ntha 15:17

We nîûkaamarete na ûmavande kîrîmarî gîaku, vandû varîa we Ngai-Mûnene ûthuurîte vatuîke mûciî waku, hekarûrî îrîa we mwene ûtumîte.

Isaia 5:2

Nîwacimbire mûgûnda ûcio na akîûngania mathiga monthe; na akîvanda mîthavibu îrîa mîaro mûno. Nîwatumire nyomba ndaca na îgûrû gatagatî ka mûgûnda ûcio nîûndû wa kûûgitîra, na akîrûtha vandû va kûvivîra ndivei kûu mûgûndarî. Nîweterere mîthavibu iciare, nwatî mîthavibu îo yaciarire thavibu cia kîthaka.

Isaia 5:7

Nîûndû mûgûnda wa Ngai-Mûnene mwene vinya wonthe nî nyomba ya Isiraeli. Andû a Juda nîo mîthavibu mîaro îrîa aavandire; eevokaga nîmagwîka ûrîa kwagîrîrîte, nwatî vandû va ûguo, nîmaûraganîte; eevokaga nîmakwîthîrwa marî athingu, nwatî vandû va ûguo nîmaatûmire kûgîe na kîrîro.

Isaia 60:18

Gûtigaacoka kwîguîka thîna rîngî vûrûrirî waku, yûra kana kwanangîka gûtikegwîka rîngî mîvakarî yaku. Nîngaakûgitagîra na ngûmenyagîrîre ta rûthingo, nawe nîûkaangoocaga nîûndû nîngûvonoketie.

Isaia 60:21

Andû aku onthe makethîrwa marî athingu, na nîmakegwatîra vûrûri tene na tene. O magaatuîka ta mûtî ûrîa mvandîte nie mwene, nîguo ngumague nî andû onthe.

Jeremia 18:9

Na vîndî wa yonthe îrîa nîngîkera vûrûri kana ûthamaki atî nîngatûma wîvande na wîkindîrie,

Jeremia 24:6

Nîngamagitîra na nîmeke maûndû maro na nîngamacokia vûrûrirî ûyû. Nîngamatuma na ndikamomomora; nîngamavanda na ndikamang'aûrania.

Ezek 28:24

Ngai-Mûnene augîte atîrî, “Gûtigaacoka kwoneka ûndû rîngî wa kwîgwithia andû a Isiraeli ûrûrû ta ûrîa mwîgua kana cong'e imundaga mûndû umîte na mavûrûrirî marîa mariganîtie nao. Na nîmakaamenya atî nînie Ngai-Mûnene Ngai.”

Hosea 2:18

Nîngarûtha kîrîkanîro na nyamû cia kîthaka, iconi cia rîerarî, vamwe na tûgunyû tûrîa tûkurumaga, na nîngathengutia ûta, rûviû, na indo cia mbaara vûrûrirî, na ndûme ûtûûre ûrî mûgitîre.

Amosi 9:15

Nîngatûma andû akwa mekare vûrûrirî wao, na matikaarutwa kuo rîngî.” Ûguo nîguo Ngai-Mûnene augîte.

Kûguû 21:4

Ke nîakaamagiria methori monthe kuuma methorî mao. Gûtikethîrwa gîkuû, kîeva, kîrîro, kana ûrûrû rîngî. Maûndû marîa ma tene makethîrwa marî mathiru.”

Atir 4:3

Jabini aarî na ikaari magana kenda cia mbaara cia cuuma na nîwavinyîrîrie andû a Isiraeli îvinda rîa mîaka mîrongo îrî. Nao Aisiraeli nîmaakaîre Ngai-Mûnene amavonokie.

1Sam 13:17

Na athigari a Afilisiti nîmaaumire magemarî mao marî ikundi ithatû mathiîte kûrûa: Gîkundi Kîam mbere gîkîthiî kîrûmîrîrîte njîra îrîa îthiîte Ovara kûu vûrûrirî wa Shuali,