2Sam 6:7 - ÎVUKU RÎA ÛVORO MWARO

⁷ Nake Ngai-Mûnene nîwarakarirue nî Uza na akîmûraga nîûndû wa gûturîra îthandûkû rîa kîrîkanîro gîtîîo. Uza aakwîrîre vau vakuvî na îthandûkû rîa kîrîkanîro Kîam Ngai.

2Sam 6:7 ပူးပေါင်းရင်းမြစ်များ

2Sam 6:8

Daudi nîwarakarire nîûndû Ngai-Mûnene nîwaverithirie Uza na marakara. Kwoguo vandû vau vetagwa Perezi-uza nginya ûmûnthî.

1Maû 13:10

Wa rîmwe Ngai-Mûnene nîwarakarire nî Uza nîûndû nîwanyitire îthandûkû rîa kîrîkanîro. Kwoguo Ngai-Mûnene nîwamûragire na agîkua arî vau mbere yake.

1Maû 15:13

Ngai-Mûnene, Ngai wetû nîwatûverithirie nîûndû tûtiarîkuua vîndî ya mbere na tûtiarîmenyarera ta ûrîa aathanîte.”

1Maû 15:2

Nake nîwaugire atîrî, “Gûtirî andû engî metîkîrîtue gûkuua îthandûkû rîa kîrîkanîro tiga Alawi onga, nîûndû nîo Ngai-Mûnene aathuurire marîkuage na mamûtungatagîre tene na tene.”

Ndari 1:51

Vîndî îrîa îgema rîgûkuuwa, Alawi nîo makaarîambûranagia, na vîndî îrîa rîkûrûngamua, nwao makaarîambaga. Mûgeni wa wonthe ûkarîkuvagîrîria nîakaaûragwa.

Ndari 4:15

Vîndî îrîa andû acio makethîrwa makiumagara, andû a mûvîrîga wa Kohathu nîmagaaûka makuue indo irîa ntheru cia kîgongoona, ciarîkia gûkunîkîrwa nî andû a mûvîrîga wa Aroni. Andû a mûvîrîga wa Kohathu matigakuua indo irîa ntheru nîguo matigakue. “Mawîra mau nîmo makaarutagwa nî andû a mûvîrîga wa Kohathu îgemarî rîa Ngai-Mûnene.

1Sam 25:38

Na mîthenya ta îkûmi yathira, Ngai-Mûnene nîwaûragire Nabali.

1Sam 6:19

Nake Ngai-Mûnene akîûraga andû mîrongo mûgwanja a kûu Bethi-shemeshu nîûndû nîmaaroririe ndaarî ya îthandûkû rîa Kîrîkanîro rîa Ngai-Mûnene. Nao andû acio engî makîgua kîeva nîûndû wa ûrîa Ngai-Mûnene aaûragîte andû eengî gatagatîrî kao.