2Sam 6:5 - ÎVUKU RÎA ÛVORO MWARO

⁵ Daudi na Aisiraeli onthe nîmaainire makîrûgaga na vinya wao wonthe nîguo makumie Ngai-Mûnene. Vîndî îo nîmaavûraga ngita, mîtûrirû, ndarama na ithaani irîa iringithanagua.

2Sam 6:5 ပူးပေါင်းရင်းမြစ်များ

2Atha 3:15

Nwatî rîu ndetereni mûvûri wa ngita.” Rîrîa mûvûri wa ngita aainire, vinya wa Ngai-Mûnene nîwatonyire kûrî Elisha,

1Maû 13:8

Daudi na andû onthe nîmeinagia na vinya wao wonthe magîkumagia Ngai. Nîmaainaga makîvûraga indo cia kwina ta ngita, ndarama, ithaani irîa iringithanagua na tûrumbeta.

1Maû 15:28

Kwoguo andû onthe a Isiraeli nîmaavirire îthandûkû rîa kîrîkanîro Kîam Ngai-Mûnene Jerusalemu. Maathiîre makiugagîrîria nîûndû wa gîkeno na nîmaavuvaga tûrumbeta, coro, makîringithanagia ithaani, makinaga nyîmbo na ngita.

2Maû 20:28

Makinya Jerusalemu, nîmaathiîre hekarûrî makinaga na ngita, mîtûrirû na tûrumbeta.

Thaburi 47:5

Ngai nîaunûkîtie athiîte gîtîrî gîake Kîam ûthamaki, arakûngûîrwa na gîkeno na tûrumbeta tûkîvuvagwa.

Danieli 3:10

We mûthamaki nîwathanîte atî rîrîa andû onthe makeegua mûgambo wa coro, Mîtûrirû, ngita, wandîndî na inanda, na nyîmbo mwanya mwanya, nîmakenamîrîra magooce mûvuanano ûcio wa thaavu.

Danieli 3:15

Rîu-î, rîrîa mûkegua rîngî mîgambo ya coro, mîtûrirû, ngita, wandîndî, na inanda cia mîthemba yonthe, mûkenamîrîria mothiû menyu mûgooce mûvuanano ûcio naarûthithirie wa thaavu. Ethîrwa mûtikaaûgooca, nîmûgaaikua wa rîmwe mwakirî mûnene mûno. Nî ngai îrîkû îngîmûvonokia kuuma kûrî nie?”

Danieli 3:5

Rîrîa mûkegua coro yavuvwa, mûcoke mwîgue mîtûrirû, ngita, wandîndî, na inanda cia mîthemba yonthe, mûkegwîthia nthî mûgooce mûvuanano wa thaavu ûrîa ûrûthithîtue nî mûthamaki Nebukadinezarû.

Danieli 3:7

Kwoguo rîrîa andû onthe meegwire mîgambo ya coro, mîtûrirû, ngita, wandîndî na inanda, nîmeenamîrîre na makîgooca mûvuanano ûcio wa thaavu ûrîa warûthithîtue nî Mûthamaki Nebukadinezarû.

Amosi 5:23

Nthengutîriani înegene rîa nyîmbo cienyu; ndirenda kûthikîrîria mîgambo ya ngita cienyu.

Amosi 6:5

Mwendaga kwina nyîmbo mûkîvûraga ngita, mûgîtungaga nyîmbo njerû ta irîa mûthamaki Daudi aatungire.

1Sam 10:5

Vuva wa ûguo, we ûthiî na mbere nginya kîrîmarî Kîam Ngai kîrîa kîrî Gibea. Kûu nîkuo Afilisiti matumîte magema mao. Wakinya vau kîvingorî gîa îtûûra ûgatûngana na gîkundi Kîam arathi manyûrûrûkîte makîvûraga inanda, ndarama, mîtûrirû, na ngita. Nao makethîrwa maumîte metharî ya Kîgongoona kûu Kîrîmarî makinaga maugîrîrîtie.

1Sam 16:16

Kwoguo Mwathi wetû tûve rûtha tue ndungata ciaku nîguo tûthiî tûgacarie mûndû wicî kûthaka ngita, nîguo roho mûcûku aûka kûrî we atûmîtwe nî Ngai, mûndû ûcio nwa akûthakagîre ngita yake na ûkegua waro rîngî.”