2Sam 6:21 - ÎVUKU RÎA ÛVORO MWARO

²¹ Nake Daudi nîwerire Mikali atîrî, “Nîminaga ngîtîîa Ngai-Mûnene, ûrîa wanthuurire nîguo nduîke mûtongoria wa andû ake a Isiraeli vandûrî va aguo na andû a mûciî wake. Na nwa ngûthiî na mbere kwina ngîtîîa Ngai-Mûnene.

2Sam 6:21 ပူးပေါင်းရင်းမြစ်များ

2Sam 5:2

Wana mbererî rîrîa Saûlo aarî mûthamaki wetû, nîwe watongoririe andû a Isiraeli makîthiî mbaararî na makînûka. Ngai-Mûnene nîwakwîrîre atî nîûgaatuîka mûrîthi wa andû ake na ûtuîke mûtongoria wao.”

2Sam 6:14

Nake Daudi nîwainîre Ngai-Mûnene na vinya wake wonthe ekîrîte Efodi.

2Sam 6:16

Rîrîa îthandûkû rîa kîrîkanîro Kîam Ngai-Mûnene rîatonyagua îtûûrarî rîa Daudi, Mikali mwarî wa Saûlo nîwarorererie ndiricarî na akîona mûthamaki Daudi akinîra Ngai-Mûnene akîrûgarûgaga. Nake nîwanyararire Daudi.

2Sam 6:22

Nîngûthiî na mbere kwîyagithia gîtîîo makîria ya ûguo mbîkariî rîu. We wavota gwîciiria atî nîrî mûndû ûtarî kîene, nwatî erîtu acio makandîîaga mûno!”

2Sam 6:5

Daudi na Aisiraeli onthe nîmaainire makîrûgaga na vinya wao wonthe nîguo makumie Ngai-Mûnene. Vîndî îo nîmaavûraga ngita, mîtûrirû, ndarama na ithaani irîa iringithanagua.

2Sam 7:8

“Kwoguo îra ndungata yakwa Daudi, atî nie Ngai-Mûnene mwene vinya wonthe nîramwîra atîrî, ‘Nie naakûrutire kîthakarî kûrîa warîthagia ng'ondu nîguo ûtuîke mûtongoria wa andû akwa a Isiraeli.

1Maû 15:29

Rîrîa îthandûkû rîa kîrîkanîro Kîam Ngai-Mûnene rîatonyaga îtûûrarî rînene rîa Daudi, Mikali mwarî wa Saûlo nîwaroretie arî ndiricarî ya nyomba. Rîrîa oonire mûthamaki Daudi akîinia arî na gîkeno nîwamûnyararire.

Ciîko 13:22

Na rîrîa Ngai aamûrutire wathanirî, Ngai nîwathuurire Daudi nîguo atuîke mûthamaki wao. Nake Ngai nîwarutire ûira wîgiî Daudi na akiuga atîrî: ‘Nie nîmonete atî Daudi mûrû wa Jesse nîke mûndû ûrîa ngoro yakwa îthuurîte. Ke nîke ûgwîka maûndû monthe marîa nie ngwenda eke.’

1Akor 10:31

Kwoguo ûndû wa wonthe mwîkaga ethîrwa nî kûrîa kana nî kûnyua, îkagani nîguo mûgoocithie Ngai.

1Sam 13:14

Nwatî rîu ûthamaki waku nîûkaathira Ngai-Mûnene nîakeethuurîra mûndû mûrûme ûrîa ke endaga na amûtue mûthamaki wa andû ake, nîûndû we nîwaregire kûmwathîkîra.”

1Sam 15:28

Nake Samueli akîîra Saûlo atîrî, “Ngai-Mûnene nîatembûra ûthamaki wa Isiraeli kuuma kûrî we ûmûnthî na nîa akaûvecana kûrî mûndû wîngî mwaro gûgûkîra.

1Sam 16:1

Nake Ngai-Mûnene nîwaûririe Samueli atîrî, “Nîûtûûra ûrîragîra Saûlo nginya rî? Nie nînîmûregete athiî na mbere arî mûthamaki wa Isiraeli. Îcûria mûcuva waku maguta ma mîtamaiyû îrîa îciaraga matunda na ûthiî Bethilehemu kwa mûndû wîtagwa Jesii, nîûndû nie nî nthuurîte ûmwe wa anake ake atuîke mûthamaki.”

1Sam 16:12

Kwoguo Jesii nîwamûtûmanîre na akîretwe. Nake aarî mwanake mûthaka, wîna vinya na aarî na metho maakengaga. Nake Ngai-Mûnene nîwerire Samueli atîrî, “Mûndû nî ûyû. Ûkîra na ûmwîtîrîrie maguta.”