2Sam 6:13 - ÎVUKU RÎA ÛVORO MWARO

¹³ Na rîrîa andû acio maakuîte îthandûkû rîa Kîrîkanîro maakinyûkirie makinyo matandatû, Daudi nîwamarûngamirie na akîrutîra Ngai-Mûnene îgongoona rîa ndegwa na njaû ino noru.

2Sam 6:13 ပူးပေါင်းရင်းမြစ်များ

1Atha 8:5

Mûthamaki Solomoni na andû onthe a Isiraeli arîa maaûnganîte varî ke nîmaathiîre mbere ya îthandûkû rîa kîrîkanîro na makîruta îgongoona rîa ng'ondu na ndegwa nyîngî ûndû itangîatarîkire.

1Maû 15:15

Alawi nîmaakuuire îthandûkû rîa kîrîkanîro Kîam Ngai. Maavûthîre mîtî kûrîkuua na ituro wata ûrîa Ngai-Mûnene aathanîte na njîra ya Musa.

1Maû 15:2

Nake nîwaugire atîrî, “Gûtirî andû engî metîkîrîtue gûkuua îthandûkû rîa kîrîkanîro tiga Alawi onga, nîûndû nîo Ngai-Mûnene aathuurire marîkuage na mamûtungatagîre tene na tene.”

2Maû 5:6

Mûthamaki Solomoni na andû onthe a Isiraeli nîmaagomanire mbere ya îthandûkû rîa kîrîkanîro na makîruta îgongoona rîa ng'ondu na ng'ombe nyîngî itangîatarîkire.

Ndari 4:15

Vîndî îrîa andû acio makethîrwa makiumagara, andû a mûvîrîga wa Kohathu nîmagaaûka makuue indo irîa ntheru cia kîgongoona, ciarîkia gûkunîkîrwa nî andû a mûvîrîga wa Aroni. Andû a mûvîrîga wa Kohathu matigakuua indo irîa ntheru nîguo matigakue. “Mawîra mau nîmo makaarutagwa nî andû a mûvîrîga wa Kohathu îgemarî rîa Ngai-Mûnene.

Ndari 7:9

Nwatî Musa ndaanengera andû a Kohathu gîkaari kana ndegwa wanarî îmwe nîûndû wîra wao warî wa gûkuua indo irîa nyamûre, na maaikuuaga na ituro.

Mathaayo 22:4

Nake nîwacokire agîtûma ndungata ciîngî na agîciîra atîrî, ‘Îrani andû arîa metîtwe kîrugorî atî: Îruga rîakwa nîrîvarîrie. Ndegwa na njaû irîa noru nî nthînje na irio nî mvîu; ûkani îrugarî rîa ûviki!’

Josh 3:3

makîmeeraga atîrî, “Vîndî îrîa mûkoona athînjîri-Ngai Alawi makuuîte îthandûkû rîa kîrîkanîro Kîam Ngai-Mûnene Ngai wenyu, mûgaaûkîra muume kûu mwambîte magema mûrîrûmîrîre.