2Sam 5:6 - ÎVUKU RÎA ÛVORO MWARO

⁶ Mûthamaki Daudi na andû ake nîmaacokire makîthiî kûtharîkîra Jerusalemu. Nao Ajebusi, arîa maatûûraga kuo meeciragia atî Daudi ndangîavotire kûvoota îtûûra rîu. Kwoguo nîmaamwîrire atîrî, “We ndûngîtonya gûkû, nîûndû wana itumumu na ithua nîigûkûgirîrîria gûtonya.”

2Sam 5:6 ပူးပေါင်းရင်းမြစ်များ

Kîam 14:18

Nake Melikizedeki, ûrîa warî mûthamaki wa Salemu na nwake warî mûthînjîri-Ngai wa Ngai ûrîa ûrî Îgûrû Mûno, nîwavirîre Aburamu mîgate na ndivei.

2Sam 22:30

We nîwe ûmvecaga vinya wa kûtharîkîra nthû ciakwa, na nwawe ûmvotithagia kûrûûga nthingo ciao cia kwîgitîra.

Nthi 21:22

Mûndû mûûgî nwa anyite îtûûra rînene rîgitîrîtwe nî andû marî vinya, na nwa omomore nthingo irî na vinya irîa andû acio mevokete imagitîre.

Jeremia 21:13

Taroria nie nîrarûa namue mue mûtûûraga Kîamndarî, “Mue mûtûûraga rûnyanjararî rwa îthiga, mue mûragia atî nû ûngînyûrûrûka gûtûtharîkîra, nîûrîkû ûngîtonya kûrîa tûtûûraga?

Jeremia 37:10

Nîûndû wana ethîrwa nwa mûvoote athigari onthe a mbaara a Akalidei arîa mûrarûa nao, matigare amwe ao marî agurarie, wa mûndû arî îgemarî rîake, athigari acio nîmagaûka mavîvie îtûûra rîîrî na mwaki.”

Ahib 7:1

Melikizedeki aarî mûthamaki wa Salemu, na aarî mûthînjîri-Ngai wa Ngai Ûrîa ûrî îgûrû mûno. Rîrîa Iburahimu aaumaga mbaararî arîkia kûvoota athamaki arîa ana, Melikizedeki nîwamûtûngire na akîmûrathima.

Josh 10:3

Kwoguo Adonizedeki mûthamaki wa Jerusalemu nîwatûmire anjaama kûrî Hohamu mûthamaki wa Heburoni, Piranu mûthamaki wa Jarimuthi, Jafia mûthamaki wa Lakishi na kûrî Debiri mûthamaki wa Egiloni. Adonizedeki nîwaugire mathiî merwe atîrî,

Josh 15:63

Nwatî andû a Juda matiavota kwîngata andû a Jebusi kuuma Jerusalemu kûrîa maatûûraga. Kwoguo andû a Jebusi matûûraga vamwe na andû a Juda kûu Jerusalemu nginya ûmûnthî.

Josh 18:28

Zela, Haelefu, Jebusi (kana Jerusalemu), Gibea na Kiriathu Jearimu wa vamwe na icagi irîa ciarî vakuvî namo. Mau monthe maarî matûûra manene îkûmi na mana. Ûcio nîguo vûrûri ûrîa mbarî cia mûvîrîga wa Benjamini ciagaîrwe ûtuîke wao.

Atir 1:21

Nwatî andû a mûvîrîga wa Benjamini matiengata Ajebusi arîa maatûûraga Jerusalemu, na kuuma vîndî îo Ajebusi matûûranagia na andû a Benjamini kûu Jerusalemu nginya ûmûnthî.

Atir 1:8

Andû a Juda nîmaatharîkîre îtûûra rîa Jerusalemu na makîrîtava. Nîmaaûragire andû a îtûûra rîu na magîcoka makîrîvîvia.