2Sam 5:23 - ÎVUKU RÎA ÛVORO MWARO

²³ Rîrîa Daudi aaririe na Ngai-Mûnene rîngî, Ngai-Mûnene nîwamwîrire atîrî, “Ndûkamatharîkîre kuuma mwena ûyû, nwatî thiûrûrûka ûmatharîkîre kuuma mwena ûrîa wîngî wa mîtî ya mîkûngûgû.

2Sam 5:23 ပူးပေါင်းရင်းမြစ်များ

2Sam 2:1

Vuva wa maûndû mau, Daudi nîwaûririe Ngai-Mûnene atîrî, “Nîûkwenda nthiî ngatave îtûûra rîmwe rîa Juda?” Nake Ngai-Mûnene nîwamûcokerie atîrî, “Îî thiî.” Daudi nîwaûririe atîrî, “Nî nthiî îtûûrarî rîrîkû?” Nake Ngai-Mûnene nîwerire Daudi atîrî, “Thiî Heburoni.”

2Sam 5:19

Nake Daudi nîwaûririe Ngai-Mûnene atîrî, “Nîûkwenda ntharîkîre Afilisiti? Nîûkûmvotithia kûmavoota?” Nake Ngai-Mûnene nîwacokirie atîrî, “Îî, thiî ûmatharîkîre! Nîngûkûvotithia kûmavoota.”

1Maû 14:14

Wa rîngî Daudi nîwaûririe ûtaaro kûrî Ngai, nake Ngai nîwamwîrire atîrî, “Ndûkatharîkîre Afilisiti kuuma ava. Thiûrûrûka ûkamatharîkîre na mwena ûrîa wîngî mîtîrî ya mîkûngûgû.

Josh 8:2

Mûgeeka îtûûra rîa Ai vamwe na mûthamaki warîo wata ûrîa mwekire îtûûra rîa Jeriko na mûthamaki warîo. Nwatî vîndî îno nwa mwîigîre indo irîa mûgaatava kuo na nyamû cia kûrîthia. Îîvarîrie kûtharîkîra îtûûra rîu wa rîmwe kuuma na mwena wa vuva.”

Josh 8:7

Namue nîmûkaauma kûrîa mûkethîrwa mwîthithîte, mûtharîkîre îtûûra na mûrînyite. Ngai-Mûnene, Ngai wenyu nîakaarîvecana kûrî mue.

1Sam 22:15

Ûmûnthî tîguo mûthenya wa mbere kûvoya Ngai vandûrî vake. Mûthamaki, ndûgaîcirie ûndû mûcûku wîgiî ndungata yaku kana andû a nyomba vava, nîûndû ndiîcî wanarî ûndû ûmwe wa maûndû mau!”

1Sam 23:2

Kwoguo Daudi nîwaûririe Ngai-Mûnene atîrî, “Nthiî ngatharîkîre Afilisiti?” Nake Ngai-Mûnene nîwerire Daudi atîrî, “Îî thiî ûmatharîkîre na ûvonokie îtûûra rîa Keila.”