19 Nake Daudi nîwaûririe Ngai-Mûnene atîrî, “Nîûkwenda ntharîkîre Afilisiti? Nîûkûmvotithia kûmavoota?” Nake Ngai-Mûnene nîwacokirie atîrî, “Îî, thiî ûmatharîkîre! Nîngûkûvotithia kûmavoota.”
Vuva wa maûndû mau, Daudi nîwaûririe Ngai-Mûnene atîrî, “Nîûkwenda nthiî ngatave îtûûra rîmwe rîa Juda?” Nake Ngai-Mûnene nîwamûcokerie atîrî, “Îî thiî.” Daudi nîwaûririe atîrî, “Nî nthiî îtûûrarî rîrîkû?” Nake Ngai-Mûnene nîwerire Daudi atîrî, “Thiî Heburoni.”
Rîrîa Daudi aaririe na Ngai-Mûnene rîngî, Ngai-Mûnene nîwamwîrire atîrî, “Ndûkamatharîkîre kuuma mwena ûyû, nwatî thiûrûrûka ûmatharîkîre kuuma mwena ûrîa wîngî wa mîtî ya mîkûngûgû.
Ahabu, mûthamaki wa Isiraeli nîwaûnganirie arathi ta magana mana (400) vamwe na akîmaûria atîrî, “Nthiî ngatharîkîre îtûûra rîa Ramothi-gileadi, kana mbîkare?” Nao nîmaamûcokerie atîrî, “Thiî ûkarîtharîkîre, Ngai-Mûnene nîagûkûvotithia kûvootana.”
Ririkanaga Ngai-Mûnene maûndûrî maku monthe, nake nîakaarûngaria njîra ciaku.
Kwoguo ûrîa mwagîrîrwe nî kuga nî atîrî, “Ethîrwa Mwathani nîakwenda, nîtûgûtûûra na twîke ûû kana ûû.”
Nake Finehasi, mûvîcî wa Eliazaru nîke warîmenyagîrîra. Eleazaru aarî mûvîcî wa Aroni. Andû a Isiraeli nîmaaûririe Ngai-Mûnene atîrî, “Nî waro tûthiîte kûrûa na andû etû a Benjamini rîngî, kana twîkare?” Nake Ngai-Mûnene nîwamacokerie atîrî, “Thiîni mûkarûe nao. Rûyû nîngaamûvotithia kûmavoota.”
Ûmûnthî tîguo mûthenya wa mbere kûvoya Ngai vandûrî vake. Mûthamaki, ndûgaîcirie ûndû mûcûku wîgiî ndungata yaku kana andû a nyomba vava, nîûndû ndiîcî wanarî ûndû ûmwe wa maûndû mau!”
Kwoguo Daudi nîwaûririe Ngai-Mûnene atîrî, “Nthiî ngatharîkîre Afilisiti?” Nake Ngai-Mûnene nîwerire Daudi atîrî, “Îî thiî ûmatharîkîre na ûvonokie îtûûra rîa Keila.”
Nake Daudi nîwavoire Ngai-Mûnene rîngî na Ngai-Mûnene akîmwîra atîrî, “Ûkîra, ûthiî Keila ûkatharîkîre Afilisiti, nîûndû nîngûkûvotithia kûmavoota.”
Kwoguo nîwaûririe ûtaaro kuuma kûrî Ngai-Mûnene, nwatî ndaamûcokeria wanarî vanini na njîra ya iroto kana na njîra ya Urimu na Thumimu kana na njîra ya arathi.