2Sam 3:8 - ÎVUKU RÎA ÛVORO MWARO

⁸ Abineri nîwarakarire mûmo nîûndû wa ûguo aaûrirue nî Ishiboshethu na akîûria Ishiboshethu atîrî, “Ûreciria nwa njukanîrîre Saûlo? Kuuma wa Kîammbîrîrie ndûîre nîrî mwîvokeku kûrî andû wa aguo Saûlo, aa mûrwang'ina, na arata ake na ngakûvonokia kuuma kûrî Daudi; na atî ûmûnthî we nîwanthitanga atî nînjîvîtie na mûndûmûka!

2Sam 3:8 ပူးပေါင်းရင်းမြစ်များ

2Sam 16:9

Abishai ûrîa ng'ina eetagwa Zeruia nîwerire mûthamaki atîrî, “Mwathi wakwa, ûretîkîra mûndû ûyû wîkariî ta ngui îno nguû akûrume nîkî? Tiga nthiî nîmûtinie kîongo!”

2Sam 2:8

Abineri mûvîcî wa Neri, ûrîa warî mûnene wa mbûtû ya mbaara ya Saûlo nîwatorokete na Ishiboshethu mûvîcî wa Saûlo akathiî nake mûringo wa Jorodani na magîkinya Mahanaimu.

2Sam 3:18

Rîu mûrî na kamweke ka gwîka guo. Ririkanani atî Ngai-Mûnene aaugire atîrî, ‘Nîngaavûthîra ndungata yakwa Daudi kûvonokia andû akwa a Isiraeli kuuma kûrî Afilisiti, na kuuma kûrî nthû irîa ciîngî ciao.’ ”

2Sam 3:9

Ngai-Mûnene arombûraga ethîrwa tîmvingîria Daudi ûrîa Ngai-Mûnene aamwîrîîre na mwîvîtwa, atî nîakaaruta ûthamaki kuuma kûrî Saûlo na njiarwa ciake na atue Daudi mûthamaki wa Isiraeli na Juda, kuuma Dani îtûûra rîrîa rîrî mwena wa rûgûrû nginya Beerisheba îtûûra rîrîa rîrî mwena wa îveti.”

2Sam 5:2

Wana mbererî rîrîa Saûlo aarî mûthamaki wetû, nîwe watongoririe andû a Isiraeli makîthiî mbaararî na makînûka. Ngai-Mûnene nîwakwîrîre atî nîûgaatuîka mûrîthi wa andû ake na ûtuîke mûtongoria wao.”

2Sam 9:8

Mefiboshethu nîwenamîrîre mbere yake rîngî na akiuga atîrî, “Mwathi wakwa, nie mbîkariî ta ngui îno nguû! Nîndûî gîgûtûma ûtuîke mwaro ûguo kûrî nie?”

2Atha 8:13

Hazaeli nîwaûririe Elisha atîrî, “Nie mwathi makwa nîrî û, atî nwa mbîke ûndû ûcio mûnene ûguo?” Nake Elisha nîwacokirie atîrî, “Ngai-Mûnene nîanguûrîrîtie atî nîûgaatuîka mûthamaki wa Sîria.”

Thaburi 76:10

Andû arîa arakaru nîmagûkumagia makîria; arîa mataakuîra mbaararî nîmagaakûngûîra irugo ciaku.

Isaia 37:23

Nîûrîkû ûthekererete na ûkaruma? Nîûrîkû ûcio ugîrîrîtie na ûgakûûrîra metho? Nînie Ûrîa Mûtheru wa Isiraeli!

Gûco 23:18

Mûtikanavire nyombarî ya Ngai kîrîa kîonekete kuumana na wîra wa ûmaraa, ûrî wa aka kana ûrî wa arûme, kîrî gîa kûrîva kîrîa wîranîrîte na mwîvîtwa. Ngai-Mûnene Ngai wenyu nîathûrîte ciîko icio wa cioîrî.

1Sam 15:28

Nake Samueli akîîra Saûlo atîrî, “Ngai-Mûnene nîatembûra ûthamaki wa Isiraeli kuuma kûrî we ûmûnthî na nîa akaûvecana kûrî mûndû wîngî mwaro gûgûkîra.

1Sam 17:43

Nake Goliathu nîwaûririe Daudi atîrî, “Nie nîkwa nî ngui atî nîûgûka kûrî nie na mûragi?” Nîwarumire Daudi akîgwetaga ngai ciake.