2Sam 23:4 - ÎVUKU RÎA ÛVORO MWARO

⁴ ethagîrwa ekariî ta riûa rîkîara kîraûko tene rîrîa gûtarî na matu, riûa rîrîa rîtûmaga nyaki îmere mbura yaura.”

2Sam 23:4 ပူးပေါင်းရင်းမြစ်များ

Thaburi 110:3

Mûthenya ûrîa ûkaathiî kûrûa na nthû ciaku, andû aku nîmakevecana na njîra ya kwîyendera. Ta ûrîa îme riumaga kîraûko tene, nîguo anake aku magaaûka kûrî we irîmarî irîa nyamûre.

Thaburi 72:6

Mûthamaki arotuîka ta mbura mîgûndarî, ta rûthuthuû rûkiurîra nthî nyûmû.

Thaburi 89:36

Njiarwa ciake igaatûûra tene na tene, na ûthamaki wake ûtûûre ta riûa.

Nthi 4:18

Nwatî njîra ya andû arîa athingu îkariî ta riûa rîkîratha, rîrîa rîaraga na rîkathiî na mbere kwongerera ûtheri nginya mûthenya gatagatî.

Isaia 18:4

Nîûndû Ngai-Mûnene ambîrîte atîrî, “Nîngaaroria gûkû nthî ngirîte nîrî îgûrû kûrîa ndûûraga, nîngaaroria ngirîte nîrî kûrîa ndûûraga, ngirîte ta ûrugarî vîndî îrîa riûa rîarîte, ta ûrîa îtu rîa îme rîgûcaga vîndî ya maketha.

Isaia 4:2

Mûthenya ûcio, rûvûa rûrîa Ngai-Mûnene agaatûma rûmere rûkethîrwa rûrî rûthaka na rûrî na riiri. Namo maciaro ma nthî nîmakaaguna na makenagie andû a Isiraeli arîa matigarîte.

Isaia 60:1

We Zayuni rûngama na ûkenge nîûndû ûtheri nîûkwarîrîte, na riiri wa Ngai-Mûnene nîûkûmûrîkîrîte!

Isaia 60:3

Ndûrîrî nîigaaûka ûtherirî waku, nao athamaki maûke ûkengurî waku.

Hosea 6:3

Tigani twîrutanîrie kûmenya Ngai-Mûnene kumagara gwake nî gwa kwîvokwa. Wata ûrîa gûka gwa kîraûko kûrî gwa kwîvokeka, ke agaûka kûrî tue ta karûnyunyuû, aûke ta mbura ya kîvovoto.

Hosea 6:5

Nîkîo nîmathithûkîrîte na njîra ya arathi, nînîmacûkangîtie na ciugo ciakwa, îtuîro rîakwa nî ta riûa rîkîratha.

Mika 5:7

Nao andû a Isiraeli arîa magaatigara marî mwoyo makethîrwa mekariî ta îme kuuma kûrî Ngai-Mûnene marî gatagatî ka andû arîa engî kana ta mbura ya rûthuthuû rûrîa rûgwîcagîra nyaki, na ndiurithagua nî mûndû nwatî nî Ngai.

Malaki 4:2

Nwatî nîûndû wenyu mue arîa mûngoocaga, ûvoti wakwa wa kûmûvonia nîûkaamwarîra ta riûa rîrî na vinya wa kûvonia mîrûri yarîo. Mûkauma mûkîrûgarûgaga ta njaû ciauma rwagarî rwa cio.

Johana 1:7

Ke aaûkire kûva andû ûira wa ûtheri nîguo andû onthe megue ndûmîrîri îo na mamîtîkie.

Gûco 32:2

Kîrîra gîakwa nî kiura ta mbura, ciugo ciakwa igwe nthî ta îme. Ciugo ciakwa ciure ta mbura ya rûnyunyuû îgûrû rîa nyaki nini, ta mbura ya rûnyunyuû îgûrû rîa mîmera mînini.

Atir 5:31

Ngai-Mûnene, nthû ciaku irokua wa ûguo, nwa arata aku maroîthîrwa mekariî ta riûa rîkîratha! Naguo vûrûri ûcio nîwagîre thayû îvinda rîa mîaka mîrongo îna.