2Sam 22:49 - ÎVUKU RÎA ÛVORO MWARO

⁴⁹ Nîke Ngai ûrîa ûmvonokagia kuuma kûrî nthû ciakwa. Ngai-Mûnene, we nîûtûmaga mvoote nthû ciakwa, na ûkangitîra kuuma kûrî andû arîa aganu.

2Sam 22:49 ပူးပေါင်းရင်းမြစ်များ

2Sam 18:31

Vîndî wa îo, Mûethiopia ûrîa warî ngombo nîwakinyire na akîra mûthamaki atîrî, “Mwathi wakwa Mûthamaki, nîrî na ûvoro mwaro nakûretere! Naguo nî atî, ûmûnthî Ngai-Mûnene nîatûmîte ûvoote nthû ciaku cionthe.”

2Sam 5:12

Kwoguo Daudi nîwamenyire atî Ngai-Mûnene nîamûthuurîte na akamûtua mûthamaki wa Isiraeli na nîwatûmaga ûthamaki wake ûthiî na mbere nîûndû wa andû ake a Isiraeli.

Thaburi 140:1

Mvonokia we Ngai-Mûnene, kuuma kûrî andû arîa mekaga maûndû macûku; ngitîra kuuma kûrî andû arîa aganu.

Thaburi 140:4

We Ngai-Mûnene, menyerera kuuma kûrî njara cia andû arîa aganu, ngitîra kuuma kûrî andû arîa aganu arîa mavangîte kûngwîthia.

Thaburi 18:48

na ûkîmvonokia kuuma kûrî nthû ciakwa. We Ngai-Mûnene, nîwamvotithirie kûvoota nthû ciakwa na ûkîmvonokia kuuma kûrî aganu.

Thaburi 44:5

Na vinya waku nîûtûvotithagia kûvoota nthû cietû, rîîtwarî rîaku nîtûvootaga arîa matûtharîkagîra.

Thaburi 52:1

We njamba îno ya mûndû, wîtîîaga nîûndû wa wîvia waku nîkî? Ntha cia Ngai nî cia tene na tene.

Ndari 24:7

Ndoo ciao ikethagîrwa irî na manjî ma kwîgana, mîgûnda yao îkethagîrwa îrî na mbura ya kwîgana. Mûthamaki wao akethîrwa arî mûnene gûkîra Agagi, ûthamaki wake ûkethagîrwa ûrî mûnene na mwariî.

1Sam 2:8

Nîarutaga mûthîni rûkûngûrî, na agaûkîrîria arîa athîni makauma mathînarî. Ngai-Mûnene nîatûmaga andû acio matuîke arata a anene, na agatûma mekarîre itî cia ûnene. Ngai-Mûnene nîke mwene itugî irîa itiirîrîrîte nthî îno, nîke wigîrîrîte nthî îgûrû rîacio.