2Sam 22:44 - ÎVUKU RÎA ÛVORO MWARO

⁴⁴ Nîwe wamvonokirie kuuma kûrî andû arîa maangararagia, ûkîndua mûnene wa ndûrîrî. Andû arîa ndaaicî nîmaatuîkire ndungata ciakwa.

2Sam 22:44 ပူးပေါင်းရင်းမြစ်များ

2Sam 19:14

Ciugo icio cia Daudi nîciakenirie andû onthe a Juda. Nao nîmaamûtûmanîre acoke vamwe na ndungata ciake cionthe.

2Sam 19:9

Andû onthe a Isiraeli nîmaambîrîrie gûtetania kûu vûrûrirî wonthe makiugaga atîrî, “Mûthamaki Daudi nîwatûvonokirie kuuma kûrî nthû cietû, na agîtûvonokia kuuma kûrî Afilisiti na rîu nî mûru akauma vûrûrirî nîûndû wa Abusalomu.

2Sam 20:22

Mûndûmûka ûcio nîwacokire akîthiî kûrî andû onthe arî na mûvango ûcio na akîaria nao na njîra îrî na ûûgî. Nao nîmaatinirie kîongo Kîam Sheba na magîgikîria Joabu mwena ûcio wîngî wa rûthingo. Joabu nîwacokire akîvuva karumbeta nîguo andû ake maume îtûûrarî rîu na menûke wa mûndû gwake mûciî. Nake Joabu nîwacokire Jerusalemu kûrî mûthamaki.

2Sam 3:1

Mbaara nîyathiîre na mbere kavinda karaca gatagatîrî ka andû arîa maarî mwena wa Saûlo na arîa maarî mwena wa Daudi. Daudi na andû ake nîmaakîrîrîrie kûgîa vinya, nwatî Saûlo na andû ake magîkîrîrîria kûthira vinya.

2Sam 5:1

Andû a mîvîrîga yonthe ya Isiraeli nîmaathiîre kûrî Daudi kûu Heburoni na makîmwîra atîrî, “Tue nawe tûrî a nthakame îmwe nawe.

Thaburi 110:6

Nîagaatuîra ndûrîrî ciira, na ecûrie kûrîa kûrûagîrwa mbaara na ciimba, na nîakaavoota athamaki a nthî yonthe.

Thaburi 18:43

Nîwamvonokirie kuuma kûrî andû arîa maareganaga nanie, na ûkîndua mûtongoria wa mavûrûri, andû ndaaicî nîmaatuîkire ndungata ciakwa.

Thaburi 2:8

Mbîtia mavûrûri monthe ma nthî na nî ngûkûva, nthî yonthe nîîtuîka yaku.

Isaia 55:4

Nama, nînamûtuire mûira kûrî andû a ndûrîrî, mûtongoria na mûnene wa andû.

Isaia 55:5

Nama nîmûgeta ndûrîrî irîa mûtaicî, na andû a ndûrîrî irîa itagwîcî nîmagaaûka kûrî we mavinyûrîte! Nie Ngai-Mûnene Ngai wenyu Ûrîa Mûtheru wa Isiraeli, nînie ndûmîte maûndû mau monthe mekîke, nînie ndûmîte ûvewe riiri.”

Isaia 60:12

Nwatî ndûrîrî kana ûthamaki ûrîa ûtagaagûtungatîra, nîkwa ikaathirua viû.

Isaia 65:1

Ngai-Mûnene arauga atîrî, “Nethagîrwa nîîvarîrîtie gûcokia mavoya ma andû akwa, nwatî matiamvoya. Nethagîrwa nîîvarîrîtie kwonwa nî arîa mataanjaragia, nwatî wana matiageria kûnjaria. Nie nerire rûrîrî rûrîa rûtamvoyaga atî: ‘Nîrî ava! Nîrî ava.’

Danieli 7:14

Nake nîwaverwe wathani, riiri, wana ûthamaki, nîguo andû a iruka cionthe, mavûrûri monthe, na nthiomi cionthe mamûtungatagîre. Wathani ndûkaathira rî kana rî, na ndûgaacûkangua.

Hosea 2:23

Nîngatûma andû akwa vûrûrirî ûcio mevande na mathatûkwe. Nîngeguîra ntha, ‘Ûrîa ûtegucagîrwa ntha,’ nao arîa metirwe ‘Tî akwa,’ nîngamera, ‘Mue mûrî andû akwa.’ Nao nîmakaauga, ‘We nîwe Ngai wetû.’ ”

Aroma 15:12

Wana rîngî mûrathi Isaia augîte atîrî, “Nyombarî ya Jesii nîgûkaauma mûndû, agaaûka kwatha andû a Ndûrîrî, nao nîmakaaiga mwîvoko wao kûrî ke.”

Aroma 9:25

Wata ûrîa kwandîkîtwe nî mûrathi Hosea: Ngai aaugire atîrî, “Andû arîa mataarî akwa, nîo ngeeta, ‘Andû akwa.’ Na vûrûri ûrîa ndendeete nîguo ngeeta, ‘Mûrata wakwa.’

Gûco 28:13

Ngai-Mûnene nîakaamûtua a mbere nwatî tî a mûthiia. Maûndû menyu makethagîrwa makîthiî na mbere na matigaacoka na vuva, ethîrwa nî mûkwathîkîra maathani ma Ngai-Mûnene Ngai wenyu marîa ngûmwatha ûmûnthî na mûmavingagie na kinyi.

Kûguû 11:15

Nake Mûraika wa mûgwanja nîwavuvire karumbeta gake. Nakuo îgûrû nîkwagîre na mîgambo mînene yaugaga atîrî, “Ûthamaki wa nthî nîûtuîkîte wa Mwathani wetû na wa Mesaya wake. Nake nîakaathana tene na tene!”