2Sam 22:43 - ÎVUKU RÎA ÛVORO MWARO

⁴³ Naamarivire nginya magîtuîka ta rûkûngû, na ngîmakinyanga ta ndaka îrîa îthagîrwa îrî njîrarî.

2Sam 22:43 ပူးပေါင်းရင်းမြစ်များ

2Sam 7:9

Mbîthîrîtwe nîrî nawe kûrîa kuonthe wanathiî, na ngakûvootanîra kûrî nthû ciaku cionthe. Nîngûtûma ûgîe na îgweta wata atongoria a gûkû nthî arîa marî îgweta mûno.

2Atha 13:7

Jehoahazi ndaarî na athigari a mbaara maatigarîte tiga arûme mîrongo îtano (50) arîa mathiîcaga matwîte mbarathi, ikaari îkûmi (10) cia mbaara, na arûme ngiri îkûmi (10,000) arîa maathiîcaga na magûrû, nîûndû mûthamaki wa Sîria nîwacûkangîtie acio engî na akamakinyangîra nthî ta mûthetu.

Thaburi 18:42

Naarûire nacio igîkara ta rûkûngû rûrîa rûgûrûkagua nî rûkûngi, naamakinyangire ta ndaka îrî njîrarî.

Thaburi 35:5

Marotuîka ta macaki magûrûkîtue nî rûkûngi, mavinyûrîtue nî mûraika wa Ngai-Mûnene!

Isaia 10:6

Natûmire Asîria akaverithie vûrûri ûtaicî Ngai, namwathire akaverithie andû arîa mandakarîtie; akamacune indo na amatave, na amakinyange ta ndaka njîrarî.

Isaia 26:15

Nwatî we Ngai-Mûnene nîûtûmîte rûrîrî rwetû rûkûre, nîwaramîtie mîvaka yonthe ya vûrûri wetû, kwoguo we nîûtîîtwe.

Isaia 41:2

“Nû watûmire mûndû kuuma mwena wa îrathîro, na agîtûma athiî akîvootanaga kûndû kuonthe? Nînie ndûmaga avoote mavûrûri, na ngatûma athage athamaki, ndûmaga mavaraganue na rûviû rwake takwa marî rûkûngû, nîmanyaganagia na mîguî yakwa ta ûrîa macaki manyaganagua nî rûkûngi.

Isaia 41:25

“Nîndûmîte mûndû aume mwena wa rûgûrû nake nîmûku, nîmûthuurîte kuuma mwena wa îrathîro, nake nîagaakaîra rîîtwa rîakwa. Ke nîagaakinyanga athamaki ta yûmba, ta ûrîa mûmbi wa nyûngû akinyangaga yûmba.

Danieli 2:35

Nayo cuuma, yûmba, gîcango, sîlûva na thaavu nîciaunîkangire tûcunjî, na igîtuîka ta mavûngo ma ngano îtîrirî vîndî ya riûa. Nîciagûrûkîrue nî rûkûngi cionthe, na gûtirî wa naarî gacunjî gaatigarire. Nwatî îthiga rîrîa rîaringire mûvuano ûcio, nîrîatuîkire kîrîma kînene na gîgîcûra nthî yonthe.

Mika 7:10

Nthû ciakwa nîikona ûguo, na ciîcûrwe nî gîconoko, nîûndû cianthekagîrîra îkîmbûragia atîrî, “Arî kû Ngai-Mûnene, Ngai waku?” Nîngoona nthû ciakwa ikîgwa nthî, na nîigaakinyangwa ta ndaka îrî njîrarî.

Zakaria 10:5

Andû a Juda magekara ta athigari njamba marî mbaararî, irîa irangagîrîria nthû ciao ta ndaka njîrarî. Makaarûaga nîûndû Ngai-Mûnene akethagîrwa arî vamwe nao, na nîmagaaconorithia athigari arîa mathiîcaga matwîte mbarathi.

Zakaria 2:6

Ngai-Mûnene arera andû ake atîrî, “Ûkani! Umani kûu vûrûrirî wa mwena wa rûgûrû, kûrîa namûnyaganîtie mîena yonthe.

Malaki 4:1

Ngai-Mûnene mwene vinya wonthe arauga atîrî, “Taroria, mûthenya wa îtuîro nîûrakinya, ûgîakanaga ta mwaki mûnene mûno. Andû arîa aganu na etîi nîmakavîvua na mwaki ta nyaki mûthenya ûcio. Makavîvua mathire viû ta ûrîa mûtî ûvîcaga mvûa wana mîri.

Luka 21:24

Andû amwe nîmakaaûragwa na mviû na engî nîmagaatavwa na mavirwe mavûrûrirî monthe. Nao andû a ndûrîrî nîmakaaverithia andû a Jerusalemu nginya rîrîa kavinda ka andû a ndûrîrî ga kwathana gakaathira.

Gûco 32:26

Nînîngîamathiririe onthe viû, mariganîre gûkû nthî.