2Sam 22:31 - ÎVUKU RÎA ÛVORO MWARO

³¹ Ciîko cia Ngai ûyû nî nginyanîru, nacio ciîranîro ciake nî cia kwîvokeka! Nîke ngo ya arîa onthe macaragia ûtethio wake.

2Sam 22:31 ပူးပေါင်းရင်းမြစ်များ

2Sam 22:3

Ngai wakwa nîke ûgitîri wakwa, nîthithaga kûrî ke. Nîke ngo yakwa îrîa îngitagîra, na akambîkaria na thayû. Nîke mûvonokia wakwa; angitagîra na akamvonokia kuuma kûrî maûndû marîa macûku.

Nehemia 9:8

Nîwonire atî ke nîwakwîvokete, na ûkîthondeka kîrîkanîro nake. Nîwamwîrire atî nî ûkaamûva vûrûri wa Kanaani, vûrûri wa Aperizi, na wa Ajebusi, wana vûrûri wa Agirigashi. Wonthe ûgîtuîka vûrûri ûrîa njiarwa ciaku igaatûûra. Nîûndû we ûrî mwîvokeku, nîwavingirie kîîranîro kîu.

Ayubu 34:10

“Kwoguo ta nthikîrîriani mue arîa mûrî na mbuguîro, Ngai ndangîka ûndû macûku. Ngai mwene vinya wonthe ndangîka naaî.

Thaburi 119:140

Kîîranîro gîaku nî Kîam ma viû! Nanie ndungata yaku nînîkîendete.

Thaburi 12:6

Ciîranîro cia Ngai-Mûnene nî cia kwîvokeka, nî ntheru ta sîlûva îtheretue na mwaki, îtheretue na mwaki maita mûgwanja.

Thaburi 145:17

Ngai-Mûnene nî mûthingu maûndûrî monthe, na arî ntha maûndûrî monthe marîa ekaga.

Thaburi 18:30

Ngai ûyû njîra ciake nî nginyanîru, Ciîranîro cia Ngai-Mûnene nî cia ma! Ke nî ngo kûrî arîa onthe macaragia ûgitîri kûrî ke.

Thaburi 2:7

Mûthamaki arauga atîrî, “Nie ngaanîrîra ûrîa Ngai-Mûnene augîte. Ngai-Mûnene aambîrire atî, ‘Ûmûnthî nîwatuîka mûvîcîwa, nanie nînatuîka aguo.

Thaburi 35:2

Oca ngo yaku na indo cia mbaara, na ûke ûndethie.

Thaburi 84:9

We Ngai, rathima mûthamaki wetû, îguîra ntha mûthamaki ûrîa ûthuurîte.

Thaburi 91:4

Ngai nîagaagûkunîkîra na mathagu make; na ûkethagîrwa ûrî mûgitîre ûrî varî ke; wîvokeku wake ûgaakûgitagîra na ûgakûrûîrîra.

Nthi 30:5

Maûndû monthe marîa Ngai aragia nî ma ma; ke nî ngo kûrî andû arîa mathiîcaga kûrî ke nîguo amagitîre.

Mûvunjia 3:14

Nîmbicî atî maûndû monthe marîa Ngai ekaga matûûraga tene na tene. Gûtirî kîndû kîngîongererwa kana kîrutarutwe kuuma kûrî maûndû mau. Ngai atûmîte maûndû mau mekare ûguo nîguo andû mamûtîîaga.

Danieli 4:34

Mîaka mûgwanja yathira, nie mûthamaki Nebukadinezarû nînaroririe îgûrû kûrî Ngai na ngîcokerwa nî ûgima wa meciria na ngîambîrîria kûgooca Ngai ûrîa wî îgûrû mûno; nînaamûkumirie na ngîmûva gîtîîo na riiri, ûcio ûtûûraga tene na tene nîûndû: Nîatûûra athanaga tene na tene naguo wathani wake ûgaakinyagîra njiarwa na njiarwa.

Danieli 4:37

Na rîu, nie Mûthamaki Nebukadinezarû, nînîragooca, ngakumia na ngava Mûthamaki wa îgûrû riiri, nîûndû mawîra make monthe nî ma kîvooto, njîra ciake nî cia ma, na nîanyivagia arîa etîi.

Mathaayo 5:48

Kwoguo, nwa nginya mwîthagîrwe mûrî akinyanîru wata ûrîa Îthe wenyu wa Îgûrû ethagîrwa arî mûkinyanîru!

Gûco 32:4

“Ke nî ta îthiga, wîra wake nî mûkinyanîru, maûndû make monthe nî ma kîvooto. Ngai nî mwîvokeku na wa ûma; ekaga maûndû marîa magîrîrîte na ma kîvooto.

Kûguû 15:3

nao nîmaainire rwîmbo rûrîa Musa, ndungata ya Ngai aainire, na rûrîa Gatûrûme aainire, akiuga atîrî: “We Mwathani Ngai mwene vinya wonthe, ciîko ciaku nî nene na nî cia magegania! Mûthamaki wa mavûrûri monthe, maûndû monthe marîa wîkaga nî ma kîvooto na nî ma ma!