2Sam 22:29 - ÎVUKU RÎA ÛVORO MWARO

²⁹ We Ngai-Mûnene nîwe ûtheri wakwa, nîwe wîngataga nduma kuuma kûrî nie.

2Sam 22:29 ပူးပေါင်းရင်းမြစ်များ

2Sam 21:17

Nwatî Abishai mûvîcî wa Zeruia nîwathiîre gûtethia Daudi. Nîwatharîkîre Mûfilisiti ûcio na akîmûraga. Nao andû a Daudi nîmaacokire makîmwîrîra na mwîvîtwa atîrî, “Tûtikaathiî mbaararî nawe rîngî, nîûndû we nîwe kîîrîgîrîro gîetû, na tûtingîenda kûrwa nîwe.”

1Atha 11:36

nwatî nîngaatigîra mûvîcî ûcio wa Solomoni mûvîrîga ûmwe nîguo vîndî cionthe ngethagîrwa nîrî na mûndû wa njiarwa cia ndungata yakwa Daudi akîathana arî Jerusalemu, îtûûra rînene rîrîa nthuurîte nîguo ngoocagîrwe kuo.

Ayubu 29:3

Vîndî îrîa taa yake yakanaga îgûrû rîa kîongo gîakwa, ngîthiîra ndumarî ûtheri wake nîwamûrîkagîra.

Thaburi 112:4

Andû arîa aro, atugi, marî ntha na athingu, nîmaragîrwa nî ûtheri ndumarî.

Thaburi 18:28

We Ngai-Mûnene, nîûmbakanagîria taa, na ûkanthengutîria nduma.

Thaburi 27:1

Ngai-Mûnene nîke ûtheri wakwa na ûvonokio wakwa, gûtirî mûndû nîngîtigîra. Ngai-Mûnene nîke ûngitagîra kuuma kûrî mogwati monthe, gûtirî mûndû ngeetigîra.

Thaburi 4:6

Andû eengî mavoyaga makiugaga atîrî, “Ngai-Mûnene, tûtethie nîguo maûndû metû mavue, na ûtwîguîre ntha!”

Thaburi 84:11

Ngai-Mûnene, Ngai nî riûa na nî ngo yetû, nîatûrathimaga na agatûva gîtîîo. Ndaimaga andû arîa mekaga ûrîa kwagîrîte indo mbaro.

Thaburi 97:11

Ûtheri ûtheragîra mûndû ûrîa mûthingu, na nîûretage gîkeno kûrî arîa atheru ngoro.

Isaia 50:10

Nû gatagatîrî kenyu wîtigîrîte Ngai-Mûnene na wathîkagîra mûgambo wa ndungata yake, wana ethîrwa athiîcagîrîra ndumarî atarî na ûtheri, nîevokete Ngai-Mûnene na nîevokaga Ngai wake.

Mika 7:9

Nîmvîtîrîtie Ngai-Mûnene, kwoguo nwanginya nyûmîrîrie marakara make, nginya rîrîa akanjirîrîra na onanie kîvooto gîakwa. Nîakaanduta nja kûrîa kûrî na ûtheri, nanie nîngoona akîmvonokia.

Malaki 4:2

Nwatî nîûndû wenyu mue arîa mûngoocaga, ûvoti wakwa wa kûmûvonia nîûkaamwarîra ta riûa rîrî na vinya wa kûvonia mîrûri yarîo. Mûkauma mûkîrûgarûgaga ta njaû ciauma rwagarî rwa cio.

Johana 12:46

Nie mbûkîte ta ûtheri gûkû nthî nîguo andû onthe arîa mambîtîkagia matigekare ndumarî.

Johana 8:12

Jesû nîwarîrie Afarisai rîngî akîmeera atîrî, “Nie nînie ûtheri wa nthî. Mûndû wa wonthe ûnûmagîrîra nîakûgîa na ûtheri wa mwoyo na ndakaathiîcagîrîra ndumarî.”

Kûguû 21:23

Îtûûra rîu înene rîtiarî na vata wa riûa kana mweri wa kûrîmûrîkîra, nîûndû riiri wa Ngai na wa Gatûrûme nîguo warîmûrîkagîra na taa warî Gatûrûme.