2Sam 21:6 - ÎVUKU RÎA ÛVORO MWARO

⁶ Kwoguo tûnengere arîû mûgwanja ake nîguo tûmacurie mbere ya Ngai-Mûnene kûu Gibea, îtûûra rîa Saûlo. Saûlo nîke mûthamaki ûrîa wathuurîtwe nî Ngai-Mûnene.” Mûthamaki nîwamacokerie atîrî, “Nîngûmûnengera o.”

2Sam 21:6 ပူးပေါင်းရင်းမြစ်များ

Kîam 40:19

Mîthenya îthatû îkîthira, mûthamaki nîagaakûruta njeera na akûrengithie kîongo! Agaacoka agûcurie mûtîrî, nacio iconi nîikaarîa nyama cia mwîrî waku.”

Kîam 40:22

na agîcuria mûnene wa arugi mîgate, wata ûrîa Josefu aamataûrîrîte iroto ciao.

2Sam 17:23

Rîrîa Ahithofeli oonire atî mataaro make matinarûmîrîrwa, nîwatûîre mvunda yake na akînûka îtûûrarî rîake. Vuva wa kûvanga maûndû make, nîwacokire agîîita na njîra ya gwîcuuria. Kimba gîake nîgîacokire gîkîthikwa mbîrîrarî ya andû a mûciî wao.

2Sam 18:10

Ûmwe wa andû a Daudi nîwonire Abusalomu na akîthiî kûmenyithia Joabu ûvoro ûcio. Mûndû ûcio nîwerire Joabu atîrî, “Mûnene, nîmonire Abusalomu acurîte mûtîrî wa mûvuru!”

2Sam 19:28

Andû onthe a mûciî wa vava maagîrîrwe nî kûragwa nîwe mwathi wakwa. Nwatî we nîwonire mbagîrîrwe nî kûrîcanîra nawe. Kwoguo ndiagîrîrwe nî gûkwîra ûmvingîrie ûndû wanarî ûrîkû mwathi wakwa.”

1Maû 12:3

Mûtongoria wao etagwa Ahiezeri na aatethagîrîrua nî mûrwang'ina Joashi. Oîrî maarî avîcî a Shema kuuma Gibea. Jezieli na Peleti avîcî a Azimavethi, Beraka na Jehu kuuma Anathothi,

Ezira 6:11

Wana rîngî nî ngûruta watho atî ethîrwa kûrî mûndû wa wonthe ûkaagarûra watho ûyû, mûtî nî ûkaarutwa nyombarî yake, umue ûvîge na ûcoke ûvûrîrwe ûvîtûkîrîre mwîrîrî wake. Na nîûndû wa îvîtia rîu mûciî wake ûgaatuîka kîvumbu gîa gîko.

Esita 9:10

Nîmaûragire avîcî îkûmi a Hamani mûvîcî wa Hamedatha, nthû ya Ayahudi nwatî gûtirî kîndû wanarî kîmwe maatavire.

Mathaayo 27:5

Nake Judasi nîwaikanirie mbeca icio kûu hekarûrî, akiuma na akîthiî agîita.

Ciîko 13:21

Nao andû nîmaacokire makiuga mathuurîrwe mûthamaki. Kwoguo Ngai nîwamathuurîre Saûlo mûrû wa Kishi nîguo atuîke mûthamaki wao. Saûlo aaumîte mûvîrîgarî wa Benjamini, na amaathire kwa îvinda rîa mîaka mîrongo îna.

Gûco 21:22

“Ethîrwa mûndû ekîte wîvia ûngîtûma aûragwe, acoke aûragwe, na acuurue mûtîrî îgûrû,

Josh 10:26

Joshua nîwaûragire athamaki acio na nîwamacuririe mîtîrî îtano, wa mûthamaki mûtîrî wake. Nayo mîîrî yao nîyekarire mîtîrî îo nginya kîvwaî Kîam mûthenya ûcio.

Josh 8:29

Nîwacokire agîcuria mûthamaki wa Ai mûtî îgûrû na mûthamaki agîkara vo nginya kîvwaî. Na riûa rîkîthûa Joshua nîwathanire mwîrî wa mûthamaki ûcurûrue kuuma mûtî îgûrû. Naguo nîwaikirue kîvingorî gîa îtûûra. Nîmaacokire magîûkunîkîra na mathiga mengî mûno. Mathiga mau marî vo nginya ûmûnthî.

1Sam 10:1

Nake Samueli nîwocire kanyûngû karî na maguta na agîtîrîria Saûlo maguta mau kîongorî gîake, akîmûmumunya, na akiuga atîrî, “Ngai-Mûnene nîagwîtîrîrîtie maguta nîguo ûtuîke mûthamaki wa andû ake a Isiraeli. We nîûgatongoria andû ake na ûmagitîre kuuma kûrî nthû ciao cionthe. Naguo ûndû ûrîa ûgakwonia nama atî Ngai-Mûnene nîakûthuurîte nîguo ûtuîke mûthamaki wa andû ake nî atî:

1Sam 10:24

Nake Samueli nîwerire andû acio engî onthe atîrî, “Mûndû mûrûme ûyû mûrona ava nîke Ngai-Mûnene athuurîte! Gûtirî mûndû wîngî gatagatîrî getû wîkariî take.” Nao andû onthe makiugîrîria na makiuga atîrî, “Mûthamaki wetû ûrotûûratûûra!”

1Sam 10:26

Saûlo wanake nîwacokire gwake mûciî kûu Gibea. Nao arûme amwe maarî na vinya arîa maavutîtue ngoro ciao nî Ngai, nîmaathiîre vamwe nake.

1Sam 11:4

Na rîrîa anjaama acio maakinyire kûu Gibea, kûrîa Saûlo aatûûraga na makîva andû ûvoro ûcio, andû onthe nîkwa maambîrîrie kûrîra nîûndû wa kîeva.

1Sam 24:21

Nwatî îîvîte na rîîtwa rîa Ngai-Mûnene atî nîûkaavonokia njiarwa ciakwa nîguo rîîtwa rîakwa na rîa mûciî wetû rîtikariganîre viû.”

1Sam 24:22

Nake Daudi nîwerîre Saûlo atî nîageka ûguo. Saûlo nîwacokire mûciî, nake Daudi na andû ake magîcoka kûrîa meethithîte.