2Sam 21:14 - ÎVUKU RÎA ÛVORO MWARO

¹⁴ Andû a Daudi nîmaathikire mavîndî ma Saûlo na Jonathani mbîrîrarî ya Kishu, îthe wa Saûlo îrîa yarî Zela vûrûrirî wa Benjamini, na magîka ûrîa wonthe mûthamaki amaathîte. Vuva wa ûguo, Ngai nîwacokirie mavoya marîa maavoete nîûndû wa vûrûri wao.

2Sam 21:14 ပူးပေါင်းရင်းမြစ်များ

2Sam 21:13

Daudi nîwocire mavîndî ma Saûlo na Jonathani vamwe na mavîndî ma andû mûgwanja arîa maacuurîtue mûtîrî.

2Sam 24:25

Daudi nîwacokire agîtumîra Ngai-Mûnene metha ya kîgongoona vau, na akîrutîra magongoona ma kûvîvua na ma thayû vo. Kwoguo Ngai-Mûnene nîwegwire mavoya make na agîtûma mûthiro ûcio ûthire kûu Isiraeli.

2Sam 3:32

Abineri nîwathikirwe kûu Heburoni, nake mûthamaki na andû onthe nîmaarîrire maugîrîrîtie marî vau mbîrîrarî.

2Sam 4:12

Daudi nîwarutire watho, na athigari ake nîmaaûragire Rekabu na Baana na magîtinia njara ciao vamwe na magûrû na makîmacuria vandû vakuvî na karia kûu Heburoni. Nwatî nîmoocire kîongo Kîam Ishiboshethu na magîkîthika mbîrîrarî ya Abineri kûu Heburoni.

Jona 1:15

Kwoguo nîmocire Jona na makîmwikia îriarî, na îria rîkîvoorera wa vîndî îo.

Zakaria 6:8

Mûraika nîwacokire akîmbîra augîrîrîtie atîrî, “Mbarathi irîa ithiîre na mwena wa rûgûrû nîciavoreria marakara ma Ngai-Mûnene vûrûrirî wa mwena wa rûgûrû.”

Ndari 25:13

Finehasi na njiarwa ciake cionthe nîmatûûra marî athînjîri-Ngai nîûndû nîwatuîkire mwîvokeku akîrega kûgooca ngai ciîngî tiga nie. Ke nîwatûmire andû a Isiraeli moverwa mevia mao.

Ndari 25:8

na akîrûmîrîria mûndûmûrûme ûcio kûu îgemarî. Nîwamûmundire na îtumû, rîgîtûrîkania na rîkîmunda îvu rîa mûndûmûka ûcio. Na njîra îo, mûthiro ûrîa wacûkangagia Isiraeli nîwathirire.

Josh 18:28

Zela, Haelefu, Jebusi (kana Jerusalemu), Gibea na Kiriathu Jearimu wa vamwe na icagi irîa ciarî vakuvî namo. Mau monthe maarî matûûra manene îkûmi na mana. Ûcio nîguo vûrûri ûrîa mbarî cia mûvîrîga wa Benjamini ciagaîrwe ûtuîke wao.

Josh 7:26

Nîmaacokire makîmwigîrîra mathiga mengî mûno na nîmatûûraga vo wana ûmûnthî. Kîu nîkîo gîatûmire vandû vau vetagwe Kîamnda Kîam Akori nginya ûmûnthî. Nake Ngai-Mûnene nîwathirirwe nî marakara.

1Sam 10:2

Ûmûnthî twatigana, nîûgûtûngana na arûme aîrî vakuvî na mbîrîra ya Rakeli kûu Zeliza vûrûrirî wa Benjamini. O nîmagûkwîra atî, mvunda irîa mwathiîre gûcaria rîu nîmoneku, na rîu îthe wenyu nîmûtigu kûmaka nîûndû wacio, nwatî rîu aratangîka nîûndû waku. Ke arekara akîûragia atîrî, ‘Nie nîmbîka atîa nîûndû wa mûriû wakwa.’