2Sam 20:2 - ÎVUKU RÎA ÛVORO MWARO

² Kwoguo andû onthe a Isiraeli nîmaatiganîrie Daudi na makîrûmîrîra Sheba. Nwatî andû a Juda nîmaathiîre na mbere kwathîkîra Daudi na makîmûrûmîrîra kuuma Jorodani nginya Jerusalemu.

2Sam 20:2 ပူးပေါင်းရင်းမြစ်များ

2Sam 19:15

Rîrîa mûthamaki aarî njîrarî acokete, nîwatûngirwe nî andû a Juda vau rûnjîrî rwa Jorodani, arîa maaûkîte Giligali nîguo mamûringie rûnjî rûu.

2Sam 20:1

Kûu Giligali kwarî na mûndû warî kîmaramari wetagwa Sheba. Sheba aarî mûvîcî wa Bikiri wa kuuma mûvîrîga wa Benjamini. Sheba nîwavuvire karumbeta na akiuga atîrî, “Tue tûtikwenda Daudi! Tûtikûmûrûmîrîra! Andû a Isiraeli nîtwînûkeni wa mûndû gwake mûciî!”

2Sam 20:21

Ûcio tîguo mûvango wetû. Nwatî mûndû ûmwe wa kuuma vûrûrirî ûrîa ûrî irîma wa Efiraimu wîtagwa Sheba mûvîcî wa Bikiri, nîke wambîrîrie kûregana na mûthamaki Daudi. Nenganîrani mûndû ûcio na nîngûthenguta îtûûrarî rîîrî rîenyu?” Mûndûmûka ûcio nîwerire Joabu atîrî, “Nîtûgûgwikîria kîongo gîake mwena ûcio wîngî wa rûthingo.”

2Sam 20:3

Rîrîa Daudi aakinyire gwake mûciî Jerusalemu, nîwocire aka îkûmi arîa aaigîte na aatigîte mamenyagîrîra mûciî na akiuga maigwe vandû nyomba mekarage marangîrîtwe. Nîwamavecaga kîrîa kîonthe maavataraga, nwatî ndaacoka kûmenyana nao kîîmwîrî. Maatûûrire mavingîrîtwe mekariî ta aka a ndigwa nginya rîrîa maakuire.

1Atha 12:20

Rîrîa andû a Isiraeli meegwire atî Jeroboamu aarî mûcoku kuuma Misiri, nîmaamûtûmanîre na makîmwîta varîa maaûnganîte na makîmûtua mûthamaki wa Isiraeli kuonthe. Gûtirî andû engî maarûmîrîre andû a nyomba ya Daudi tiga andû a mûvîrîga wa Juda.

2Maû 10:17

na magîtiga Rehoboamu arî mûthamaki wa andû a Isiraeli arîa maatûûraga matûûrarî ma Juda.

Thaburi 62:9

Andû onthe mekariî ta mîvevû tu; andû arîa marî îgweta na arîa matarî îgweta matirî vata. Ûngîmathima ûrito na kîthimi, matirî ûrito; onthe marî vamwe nîavûthû gûkîra mîvevû.

Nthi 17:14

Kîambîrîria Kîam ngucanio nîta gûtemera manjî mûkaro, kwoguo rigîrîria ngucanio mbere ya yumîra.

Ciîko 11:23

Baranaba aarî mûndû mwaro, wecûrîtwe nî Roho Mûtheru na wîtîkio. Na rîrîa ke aakinyire Antiokia na akîona ûrîa Ngai aarathimîte andû, nîwacanjamûkire mûno na akîmathaitha onthe mekarage mevokete Mwathani vîndî cionthe na ngoro ciao cionthe. Nao andû eengî mûno nîmaatuîkire arûmîrîri a Mwathani.