2Sam 2:23 - ÎVUKU RÎA ÛVORO MWARO

²³ Nwatî Asaheli ndeegua ûguo. Kwoguo Abineri nîwamundire Asaheli îvu na îtumû nginya rîkiumîrîra mûkurukuthu. Nake Asaheli nîwagwîre nthî na agîkua, na mûndû wa wonthe wakinyaga vau aamamîte arî mûkuû nîwarûngamaga vo.

2Sam 2:23 ပူးပေါင်းရင်းမြစ်များ

2Sam 2:24

Nwatî Joabu na Abishai nîmaavinyûririe Abineri. Na mbere ya riûa rîthûe nîmaakinyire kîrîmarî Kîam Ama, kîrîa kîrî mwena wa îrathîro wa Gia, njîrarî îrîa yerekerete werûrî wa Gibeoni.

2Sam 20:10

Nwatî Amasa ndoonaga rûviû rûu Joabu aanyitîte na njara yake ya ûmotho. Kwoguo Joabu nîwamundire Amasa îvu, na mara make magîtîka nthî. Amasa nîwakwire vîndî wa îo na Joabu ndaamûmunda rîngî. Joabu marî na mûrwang'ina Abishai nîmaacokire makîrûmîrîria Sheba na îvenya.

2Sam 3:27

Rîrîa Abineri aakinyire Heburoni, Joabu nîwamûvirire vandû keverirî vakuvî na kîvingo takwa kwarî na kaûndû eendaga kûmwîra. Nao marî wa vau Joabu nîwamundire Abineri îvu na Abineri akînakua. Joabu aaûragire Abineri nîûndû Abineri nîke waûragîte mûrwang'ina na Joabu ûrîa wetagwa Asaheli.

2Sam 3:30

Kwoguo Joabu na mûrwang'ina Abishai maaûragire Abineri nîguo merîvîrîrie kûûragwa kwa mûrwang'ina Asaheli ûrîa Abineri aaûragîre mbaararî îrîa yarî Gibeoni.

2Sam 4:6

Nake mûndûmûka ûrîa wekaragia mûrango nîwanyitirwe nî toro wa akîgûrûkagia ngano na akîmama. Kwoguo Rekabu na Baana nîmaacemire na magîtonya ndaarî.

2Sam 5:6

Mûthamaki Daudi na andû ake nîmaacokire makîthiî kûtharîkîra Jerusalemu. Nao Ajebusi, arîa maatûûraga kuo meeciragia atî Daudi ndangîavotire kûvoota îtûûra rîu. Kwoguo nîmaamwîrire atîrî, “We ndûngîtonya gûkû, nîûndû wana itumumu na ithua nîigûkûgirîrîria gûtonya.”