2Sam 19:9 - ÎVUKU RÎA ÛVORO MWARO

⁹ Andû onthe a Isiraeli nîmaambîrîrie gûtetania kûu vûrûrirî wonthe makiugaga atîrî, “Mûthamaki Daudi nîwatûvonokirie kuuma kûrî nthû cietû, na agîtûvonokia kuuma kûrî Afilisiti na rîu nî mûru akauma vûrûrirî nîûndû wa Abusalomu.

2Sam 19:9 ပူးပေါင်းရင်းမြစ်များ

2Sam 15:14

Daudi nîwacokire akîra ndungata ciake cionthe irîa ciarî nake kûu Jerusalemu atîrî, “Nwanginya tûre na îvenya ethîrwa nîtûkwenda kwîvonokia kuuma kûrî Abusalomu! Îîvarangîrieni nîguo ndagatwîthîrîrie gûkû atûvoote na aûrage andû onthe arîa marî îtûûrarî!”

2Sam 18:17

Nîmoocire kimba Kîam Abusalomu, magîgikia îrimarî îraca mûno rîarî kûu mûtitûrî, magîcoka makîûmbîrîra mathiga meengî mûno vo. Nao Aisiraeli onthe nîmaaûrire makîthiî kwao mîciî.

2Sam 19:10

Twetîrîîrie Abusalomu maguta atuîke mûthamaki wetû, nwatî nîûragîrîtwe mbaararî. Kwoguo nîndûî kîragiria mûndû ûmwe agerie gûcokithia mûthamaki Daudi?”

2Sam 19:40

Mûthamaki nîwaringire rûnjî rwa Jorodani aumagarîtue nî andû onthe a Juda na nuthu ya andû a Isiraeli. Nîwathiîre Giligali marî na Kimuhamu.

2Sam 22:44

Nîwe wamvonokirie kuuma kûrî andû arîa maangararagia, ûkîndua mûnene wa ndûrîrî. Andû arîa ndaaicî nîmaatuîkire ndungata ciakwa.

2Sam 5:20

Kwoguo Daudi nîwathiîre Baali-perazimu na akîvoota Afilisiti. Nîwacokire akiuga atîrî, “Ngai-Mûnene nîetûrûrîte nthû ciakwa wata ûrîa manjî metîkaga rîrîa mecûrîte.” Kwoguo vandû vau vetagwa Baali-perazimu.

Thaburi 18:43

Nîwamvonokirie kuuma kûrî andû arîa maareganaga nanie, na ûkîndua mûtongoria wa mavûrûri, andû ndaaicî nîmaatuîkire ndungata ciakwa.

Ntha 32:24

Nînaamerire atî mûndû ûngîthîrwa arî na mindo cia thaavu arute anengere. Kwoguo arîa maarî nacio nîmaangerire cio nanie ngîcikia mwakirî na gûkiuma njaû îno ya ndegwa!”

1Sam 17:50

Kwoguo Daudi nîwavûthîre gîkûtha na kathiga na akîvoota Goliathu atakûvûthîra rûviû rwa njûra.

1Sam 18:25

nake Saûlo agîciatha ithiî ikeere Daudi atîrî, “Mûthamaki ndarenda rûracio rwa mûviki, tiga ikonde cia ûruu cia arûme îgana rîmwe a Afilisiti, nîguo erîvîrîrie kûrî nthû ciake.” (Ûguo nîguo Saûlo aavangîte nîguo Daudi aûragwe nî Afilisiti.)

1Sam 19:5

Nîweîkîrire ûgwatirî mûnene rîrîa aaûragire Goliathu na Ngai-Mûnene agîtûma Aisiraeli mavootane. Rîrîa wonire ûndû ûcio, we nîwakenire. Rîu we ûrenda gwîka ûndû ûyû mûcûku nîkî wa gwîtûrûra nthakame ya mûndû ûtarî na wîvia na njîra ya kûûraga Daudi vatarî na gîtûmi?”