2Sam 19:43 - ÎVUKU RÎA ÛVORO MWARO

⁴³ Nao andû a Isiraeli nîmaacokerie andû a Juda atîrî, “Tue tûrî na vata maita îkûmi kûrî mûthamaki kûmûkîra wana ethîrwa nî ûmwe wenyu. Nîndûî kîratûmire mûtûnyarare? Mûtikanariganîrwe, atî nîtue twarî a mbere kwarîrîria ûvoro ûcio wîgiî gûcokia mûthamaki!” Nayo mîario ya andû a Juda yarî na ûrûrû mwîngî mûno gûkîra ya andû a Isiraeli

2Sam 19:43 ပူးပေါင်းရင်းမြစ်များ

2Sam 19:14

Ciugo icio cia Daudi nîciakenirie andû onthe a Juda. Nao nîmaamûtûmanîre acoke vamwe na ndungata ciake cionthe.

2Sam 19:9

Andû onthe a Isiraeli nîmaambîrîrie gûtetania kûu vûrûrirî wonthe makiugaga atîrî, “Mûthamaki Daudi nîwatûvonokirie kuuma kûrî nthû cietû, na agîtûvonokia kuuma kûrî Afilisiti na rîu nî mûru akauma vûrûrirî nîûndû wa Abusalomu.

2Sam 20:1

Kûu Giligali kwarî na mûndû warî kîmaramari wetagwa Sheba. Sheba aarî mûvîcî wa Bikiri wa kuuma mûvîrîga wa Benjamini. Sheba nîwavuvire karumbeta na akiuga atîrî, “Tue tûtikwenda Daudi! Tûtikûmûrûmîrîra! Andû a Isiraeli nîtwînûkeni wa mûndû gwake mûciî!”

2Sam 20:6

Kwoguo mûthamaki Daudi nîwerire Abishai atîrî, “Sheba mûvîcî wa Bikiri nîke ûgûtûthînia makîria ya Abusalomu. Oca ndungata ciakwa ûmûrûmîrîre na îvenya mbere ya akinya matûûra marîa mairigîre na atûthînie.”

2Sam 5:1

Andû a mîvîrîga yonthe ya Isiraeli nîmaathiîre kûrî Daudi kûu Heburoni na makîmwîra atîrî, “Tue nawe tûrî a nthakame îmwe nawe.

1Atha 12:16

Rîrîa andû onthe a Isiraeli moonire atî mûthamaki ndaramathikîrîria, nîmaaugîrîrie atîrî, “Gûtirî kîndû tûrenda kuuma kûrî Daudi? Tûtirî na îgai kuuma kûrî mûvîcî wa Jesse. Andû a Isiraeli, twînûkeni! Daudi gitîra nyomba yaku we mwene!” Kwoguo Aisiraeli nîmeenûkire magemarî mao.

Nthi 13:10

Andû arîa etîi matûmaga kûgîe na ngucanio. Nwatî arîa mathikagîrîria mataaro nîmagîcaga ûûgî.

Nthi 15:1

Gûcokia ûndû na ûvoreri nî kûthiragia marakara, nwatî kûgûkia mûndû kûretage marakara.

Nthi 17:14

Kîambîrîria Kîam ngucanio nîta gûtemera manjî mûkaro, kwoguo rigîrîria ngucanio mbere ya yumîra.

Nthi 18:19

Rîrîa watethia mûrwanyûkwe wîkaraga ta îtûûra rîrî na vinya, nwatî ngarari itigithanagia andû ta ivingo cia vandû varîa vagitîre.

Aroma 12:21

Ndûgetîkîre kûvootwa nî ûndû mûcûku, nwatî vootaga ûndû ûrîa mûcûku na njîra ya gwîka waro.

Agal 5:15

Nwatî ethîrwa mwîkaga ta nyamû cia kîthaka, mûgatûma andû maturwe na mathînanie. Îîmenyerereni nîûndû nwa mûthiranie viû.

Agal 5:20

kûgooca mîvuanano, kûrogana, kûmenana, kûrûa, wîru, marakara, kwîenda, kwamûkana,

Agal 5:26

Tue ene, tûtiagîrîrwe nî gwîtîîa, kûrakara wana kana kwîgucanîra wîru.

Afil 2:3

Îkagani maûndû mûtakwîyenda na mûtagwîtîîa. Nwatî na njîra ya wînyivia, vingo cionthe wa mûndû nîatucage ûrîa wîngî mwaro kûmûkîra.

Jakuvu 1:20

Nîûndû marakara matingîtûma mûndû akinyire ûthingu wa Ngai.

Atir 8:1

Andû a Efiraimu nîmaanegenire mûno makîûragia Gideoni atîrî, “Waregire gûtwîta nîkî vîndî îrîa wathiîre kûrûa na Amidiani? Watwîkire ûguo nîkî?”

Atir 9:23

Ngai nîwacokire agîtûma roho mûcûku aûke gatagatîrî ka Abimeleki na andû a Shekemu, na andû a Shekemu nîmaareganire na Abimeleki.