2Sam 19:23 - ÎVUKU RÎA ÛVORO MWARO

²³ Nîwacokire akîra Shimei atîrî, “Nevîta na ma, atî we tî ûragwa.”

2Sam 19:23 ပူးပေါင်းရင်းမြစ်များ

2Sam 16:10

Nwatî mûthamaki nîwerire Abishai na mûrwang'ina Joabu atîrî, “Ûcio tî wîra wenyu. Ethîrwa aranuma nîûndû nî Ngai-Mûnene ûmwîrîte eke guo, nîûrîkû ûrî na kîvooto gîa kûmûria areka ûguo nîkî?”

2Sam 19:24

Mefiboshethu mwana wa mûvîcî wa Saûlo nîwathiîre gûtûnga mûthamaki. Nake ndeethambîtie magûrû, kana akenja nderu, wana kana athambia nguo ciake. Ke eekarire ûguo kuuma rîrîa mûthamaki aaumire Jerusalemu nginya rîrîa aacokire arîkia kûvootana.

1Atha 2:37

Ûngîkaauma îtûûrarî rîu na ûringe karûnjî ga Kidironi, ûkaamenya nama atî nwanginya ûgaakua na nîwe ûkethîrwa wîyûragithîtie.”

1Atha 2:46

Mûthamaki nîwacokire akîatha Benaia mûvîcî wa Jehoiada athiî akaûrage Shimei. Nake Benaia nîwathiîre na akîûraga Shimei. Naguo ûthamaki nîwevandire vîndî îrîa mûthamaki Solomoni aathanaga.

Ahib 6:16

Andû matûmagîra rîîtwa rîa mûndû ûrîa mûnene kûmakîra rîrîa makwîvîta, naguo mwîvîto ûcio nîûthiragia ngarari cionthe.

1Sam 11:13

Nwatî Saûlo nîwamerire atîrî, “Ûmûnthî gûtirî mûndû ûkûûragwa, nîûndû ûmûnthî nîguo mûthenya ûrîa Ngai-Mûnene avonokia andû a Isiraeli.”

1Sam 28:10

Nake Saûlo nîwevîtire na akîîra mûndûmûka ûcio atîrî, “Nie nînîîvîta na Ngai-Mûnene ûrîa ûtûûraga mwoyo atî, we ndûkaaverithua nîûndû wa gwîka ûguo.”

1Sam 30:15

Daudi nîwamûririe atîrî, “Nîûkûmvira kûrî gîkundi kîu?” Nake Mûmisiri nîwacokirie atîrî, “nîngûmûvira ethîrwa nîkûmbîrîra na rîîtwa rîa Ngai atî ndûkûmbûraga kana ûnenganîra kûrî mwathi wakwa.”