2Sam 19:19 - ÎVUKU RÎA ÛVORO MWARO

¹⁹ na akiuga atîrî, “Mûthamaki wakwa, nakûthaitha ndûkaririkane maûndû macûku marîa nekire mûthenya ûrîa waumaga Jerusalemu. Ndûkaige maûndû mau ngororî yaku, kana wîcirie ûvoro wamo.

2Sam 19:19 ပူးပေါင်းရင်းမြစ်များ

2Sam 13:20

Nwatî rîrîa mûrwang'ina Abusalomu aamwonire nîwamûûririe atîrî, “Nîkwa Amunoni akûnyita na vinya? Nakûthaitha mwarwaiya, ndûkareke ûndû ûcio ûkûthînia mûno. Amunoni nî mûrwanyûkwe. Kwoguo ndûkeere mûndû wanarî ûmwe ûvoro ûcio.” Nake Tamarû nîwatûûrire mûciî kwa mûrwang'ina Abusalomu arî na kîeva na nthoni nyîngî.

2Sam 13:33

Kwoguo we mwathi wakwa ndûgecirie atî ciana cionthe ciaku nî nguû. Amunoni wenga tu nîke mûkuo.”

2Sam 19:18

Nao nîmaaringire rûnjî rwa Jorodani nîguo maumagarie andû a nyomba ya mûthamaki na meke ûrîa wonthe mûthamaki eendaga. Rîrîa mûthamaki eevaragîria kûringa Jorodani, Shimei nîwegwîthirie mbere yake

Thaburi 32:2

Kûrathimwa nî mûndû ûrîa Ngai-Mûnene onaga atarî na mavîtia, mûndû ûrîa ûtaveenanagia.

Thaburi 79:8

Ndûgatûverithie nîûndû wa mevia ma methe metû. Twîguîre ntha rîu, nîûndû tûrî athiru mwîvoko viû.

Mûvunjia 10:4

Mûnene waku angîrakara nî we, ndûgatige wîra, kwînyivia nîgûtûmaga mavîtia meengî makiranîrwe.

Isaia 43:25

Nie nînie nakwoveere mevia maku nîûndû wa kwenda gwakwa, na ndikaaririkana mevia maku.

Jeremia 31:34

Gûtirî mûndû ûgaacoka kûthomithia ûrîa wîngî akîmwîraga atî, ‘Menya Ngai-Mûnene,’ nîûndû andû onthe, anini na anene, nîmakaamenya. Nîngamarekera mavîtia mao na ndikaririkana mevia mao rîngî. Ûguo nîguo Ngai-Mûnene arauga.”

Ndari 12:11

nîwerire Musa atîrî, “Mwathi wakwa, nakûthaitha ndûgatûverithie nîûndû wa wîvia ûyû twîkîte na ûrimû.

Mathaayo 27:4

“Nie nînjîvîtie nîûndû wa gûcukanîrîra mûndû ûtevîtie nîguo aûragwe.” Nao nîmaamûcokerie atîrî, “Tue tûtiramaka nî ûguo, ûcio nî thîna waku.”

2Akor 5:19

Ndûmîrîri yetû nî atî na njîra ya Kristû, Ngai nîwegwithanagia andû onthe. Ngai ndaatara mevia mao, na nîatûvete ndûmîrîri ya kwîgwithania andû nake.

1Sam 22:15

Ûmûnthî tîguo mûthenya wa mbere kûvoya Ngai vandûrî vake. Mûthamaki, ndûgaîcirie ûndû mûcûku wîgiî ndungata yaku kana andû a nyomba vava, nîûndû ndiîcî wanarî ûndû ûmwe wa maûndû mau!”

1Sam 25:25

Nîrakûthaitha ndûkarûmbûyanie na Nabali. Mûndû ûcio nî wa mana! Ke ekariî wa rîîtwa rîake na nî kîrimû! Mwathi wakwa nie ndirarî kuo rîrîa ndungata ciaku iraakinyire.

1Sam 26:21

Nake Saûlo nîwacokirie atîrî, “Nie nîmvîtîtie. Coka Daudi mwana wakwa! Ndigaacoka gûgwîka ûûru rîngî, nîûndû nîwamvonokia ûmûnthî. Nie nîrekariî ta kîrimû, na nîmbîkîte ûndû mûcûku mûno.”