2Sam 19:13 - ÎVUKU RÎA ÛVORO MWARO

¹³ Daudi nîwacokire akîmeera meere Amasa atîrî, “We ûrî wa nyomba yakwa kuuma ûmûnthî nînagûtua mûnene wa athigari akwa a mbaara vandûrî va Joabu. Ngai arombûraga ethîrwa tî mvingia ûguo.”

2Sam 19:13 ပူးပေါင်းရင်းမြစ်များ

Kîam 29:14

Kwoguo Labani nîwerire Jakovu atîrî, “Nama nie nawe twî kîndû kîmwe.” Jakovu nîwekarire kûu mweri ûmwe.

2Sam 17:25

Abusalomu nîwatuîte Amasa mûnene wa athigari vandûrî va Joabu Amasa aarî mûvîcî wa mûndû wetagwa Ithira ûrîa warî Mûishumaeli. Ng'ina wa Amasa aarî Abigaeli, mwarî wa Nahashu. Nahashu aarî mwarwang'ina na Zeruia. Nake Zeruia nîke warî ng'ina wa Joabu.

2Sam 18:11

Nake Joabu nîwaûririe mûndû ûcio atîrî, “Ethîrwa nîûmwonire ûregire kûmûûraga vîndî wa îo nîkî? Ûngîkîre ûguo nîngîakûva sîlûva îkûmi na mûcivi wa ûcamba.”

2Sam 20:4

Mûthamaki nîwacokire akîîra Amasa atîrî, “Nakûva mîthenya îthatû ûcokanîrîrie andû onthe a Juda vamwe, na we mwene wîthîrwe ûrî vo.”

2Sam 3:27

Rîrîa Abineri aakinyire Heburoni, Joabu nîwamûvirire vandû keverirî vakuvî na kîvingo takwa kwarî na kaûndû eendaga kûmwîra. Nao marî wa vau Joabu nîwamundire Abineri îvu na Abineri akînakua. Joabu aaûragire Abineri nîûndû Abineri nîke waûragîte mûrwang'ina na Joabu ûrîa wetagwa Asaheli.

2Sam 5:1

Andû a mîvîrîga yonthe ya Isiraeli nîmaathiîre kûrî Daudi kûu Heburoni na makîmwîra atîrî, “Tue nawe tûrî a nthakame îmwe nawe.

2Sam 8:16

Joabu, ûrîa ng'ina eetagwa Zeruia nîke warî mûnene wa athigari. Nake Jehoshafati mûvîcî wa Ahiludi nîke wamenyagîrîra mandîko.

1Atha 19:2

Nake Jezebeli nîwatûmire mûnjaama kûrî Elija akamwîre atîrî, “ngai irombûraga ethîrwa rûyû îthaa ta rîîrî ndikaagwîka wata ûrîa wekire arathi.”

1Maû 12:18

Roho wa Ngai nîwacokire ûgîtonya kûrî Amasai mûnene wa athigari arîa njamba mîrongo îthatû na akiuga atîrî, “Daudi tue tûrî aku, tûrî nawe mûvîcî wa Jesse! Thayû ûrogîa kûrî we, thayû ûrogîa kûrî arîa magûtethagia! Nîûndû Ngai waku nîagûtethagia.” Daudi nîwacokire akîmagwata ûgeni na akîmatua anene a athigari ake a mbaara.

Ruthu 1:17

Kûrîa ûgaakuîra nîkuo ngaakuîra na nwakuo ngaathikwa. Ngai-Mûnene aromverithie kûngîkaagîa ûndû ûngîtûma tûtigane nawe tiga gîkuû.”