2Sam 19:11 - ÎVUKU RÎA ÛVORO MWARO

¹¹ Ûvoro wonthe ûrîa Aisiraeli maaragia nîwakinyîre mûthamaki Daudi. Kwoguo nîwatûmire Zadoku na Abiatha athînjîri-Ngai mathiî makaûrie atongoria a Juda atîrî, “Nîndûî kîratûma mûtuîke a mûthiia gûtethereria gûcokia mûthamaki gwake mûciî?

2Sam 19:11 ပူးပေါင်းရင်းမြစ်များ

2Sam 15:29

Kwoguo Zadoku na Abiatha nîmaakuuire îthandûkû rîa Kîrîkanîro Kîam Ngai-Mûnene makîrîcokia Jerusalemu na magîkara kuo.

2Sam 18:14

Joabu nîwaugire atîrî, “Ndigûtinda ngîta mathaa nawe rîngî.” Nîwacokire agîoca matumû mathatû, akîmaikia na makîmunda Abusalomu kîthûrirî acurîte vau mûtîrî wa mûvuru wa arî mwoyo.

2Sam 18:15

Nao athigari îkûmi a Joabu nîmaarigicîrie Abusalomu, makîmûriva na makîmûraga.

2Sam 19:10

Twetîrîîrie Abusalomu maguta atuîke mûthamaki wetû, nwatî nîûragîrîtwe mbaararî. Kwoguo nîndûî kîragiria mûndû ûmwe agerie gûcokithia mûthamaki Daudi?”

2Sam 19:41

Andû onthe a Isiraeli nîmaacokire makîthiî kûrî mûthamaki na makîmûûria atîrî, “Mwathi wetû, nîndûî gîtûmîte aamûrwamaitû aya a Juda mecirie atî nîo maagîrîrwe nî gûkumagaria mûrî andû a mûciî waku na andû aku mamûringie Jorodani?”

1Atha 2:35

Mûthamaki nîwatuire Benaia, mûvîcî wa Jehoiada mûnene wa athigari a mbaara vandûrî va Joabu, agîcoka agîtua Zadoku mûthînjîri-Ngai vandûrî va Abiatharu.

Mathaayo 5:16

Na njîra wata îno tigani ûtheri wenyu ûmûrîkagîre andû onthe, nîguo moone ciîko cienyu mbaro, na makumie Îthe wenyu ûrîa wî Îgûrû.

2Akor 5:20

Kwoguo, tue tûrî arîrîria a Kristû ta arî Ngai ûrathaithana na njîra yetû. Nîtûramûthaitha vandûrî va Kristû, mwîgwithanue na Ngai.

2Ath 3:9

Twarî na ûvoti wa kûmûria mûtûtethie. Nwatî tûtiamûria mûtûtethie nîûndû twarutaga wîra nîguo tûtuîke kîonereria Kîam ûrîa mwagîrîrwe nî gwîka.