2Sam 18:5 - ÎVUKU RÎA ÛVORO MWARO

⁵ Nîwacokire akîra Joabu, Abishai na Itai atîrî, “Nîûndû wakwa nie mwene, mûtigeke mwanake ûcio wîtagwa Abusalomu ûndû mûcûku wanarî ûmwe.” Nao athigari acio engî onthe nîmeguire Daudi akîra anene acio ûvoro wîgiî Abusalomu

2Sam 18:5 ပူးပေါင်းရင်းမြစ်များ

2Sam 16:11

Daudi nîwerire Abishai na ndungata ciake cionthe atîrî, “Ethîrwa mûvîcîwa ke mwene nîarenda kûmbûraga, kinthî Mûbenjamini ûyû ndangîmbîka maûndû macûku makîria? Ngai-Mûnene nîke ûmwîrîte arumane, kwoguo tiganani nake arumane.

2Sam 17:14

Abusalomu na Aisiraeli onthe nîmaaugire atîrî, “Mataaro ma Hushai nî maro gûkîra ma Ahithofeli.” Ngai-Mûnene nîwatuîte atî, wana ethîrwa mataaro ma Ahithofeli nî maro tîmarûmîrîrwa nîguo Ngai-Mûnene atûme Abusalomu anyitwe nî maûndû macûku.

2Sam 18:12

Nwatî mûndû ûcio nîwacokerie Joabu atîrî, “Wana ûkamva sîlûva ngiri îmwe, ndingîtîkîra kûvutia mûvîcî wa mûthamaki ngîmwîka naaî. Tuonthe nîtwîguire mûthamaki akîmwîra mûrî na Abishai na Itai atîrî, ‘Nîûndû wakwa nie mwene, mûtigeke mwanake ûcio wîtagwa Abusalomu ûndû mûcûku wanarî ûmwe.’

2Sam 19:1

Joabu nîwerirwe atî mûthamaki Daudi nîwarîragîra na agacakaîra Abusalomu.

Thaburi 103:13

Taûrîa ciana ciîgucagîrwa ntha nî îthe, nwaguo Ngai-Mûnene egucagîra arîa mamwîtigîrîte ntha.

Luka 23:34

Nake Jesû nîwaugire atîrî, “Ngai Vava, movere nîûndû matiîcî ûrîa mareka.” Nao nîmaaûthîre nguo cia Jesû nîguo mamenye ûrîa makûigaana.