2Sam 17:25 - ÎVUKU RÎA ÛVORO MWARO

²⁵ Abusalomu nîwatuîte Amasa mûnene wa athigari vandûrî va Joabu Amasa aarî mûvîcî wa mûndû wetagwa Ithira ûrîa warî Mûishumaeli. Ng'ina wa Amasa aarî Abigaeli, mwarî wa Nahashu. Nahashu aarî mwarwang'ina na Zeruia. Nake Zeruia nîke warî ng'ina wa Joabu.

2Sam 17:25 ပူးပေါင်းရင်းမြစ်များ

2Sam 17:26

Abusalomu na andû ake nîmeekarire vûrûrirî wa Gileadi.

2Sam 19:13

Daudi nîwacokire akîmeera meere Amasa atîrî, “We ûrî wa nyomba yakwa kuuma ûmûnthî nînagûtua mûnene wa athigari akwa a mbaara vandûrî va Joabu. Ngai arombûraga ethîrwa tî mvingia ûguo.”

2Sam 19:14

Ciugo icio cia Daudi nîciakenirie andû onthe a Juda. Nao nîmaamûtûmanîre acoke vamwe na ndungata ciake cionthe.

2Sam 20:4

Mûthamaki nîwacokire akîîra Amasa atîrî, “Nakûva mîthenya îthatû ûcokanîrîrie andû onthe a Juda vamwe, na we mwene wîthîrwe ûrî vo.”

1Atha 2:28

Rîrîa Joabu eegwire ûguo, nîwaûrire na akîthiî îgemarî rîa Ngai-Mûnene na akînyita mîthiia ya metha ya kîgongoona, nîûndû Joabu aanyitîte mbaru Adonija nwatî, tî Abusalomu.

1Atha 2:32

Ngai-Mûnene nîakaaverithia Joabu nîûndû wa andû acio aaûragire vava Daudi atakûmenya. Joabu aaûragire arûme aîrî matarî na mavîtia na maarî aro kûmûkîra. Nao maarî: Abineri mûvîcî wa Neri na mûtongoria wa athigari a Isiraeli, na Amasa mûvîcî wa Jetheri mûtongoria wa athigari a Juda.

1Atha 2:5

“Taririkana ûrîa Joabu mûvîcî wa Zeruia aambîkire. Ke nîwaûragire anene aîrî a athigari a Isiraeli, Abineri mûvîcî wa Neri na Amasa mûvîcî wa Jetheri. Aamaûragire vîndî îrîa kwarî na thayû nîguo erîvîrîrie nîûndû wa ûrîa maaûraganîte vîndî îrîa kwarî na mbaara. Ke aaûragire andû mataarî na mavîtia na ûndû ûcio eekire ûkînjokerera, na nîguo ûtûmîte ngîe na mathîna.

1Maû 12:19

Athigari amwe a mûvîrîga wa Manase nîmaaumire gîkundirî Kîamo na makîthiî kûrî Daudi. Meekire ûguo vîndî îrîa Daudi maathiîre na athigari a Afilisiti nîguo makarûe na Saûlo. Daudi na athigari ake matiatethia Afilisiti nîûndû rîrîa maranîrie, athigari a Afilisiti nîmeetigîre nîûndû meeciragia Daudi nwa amakunyanîre kûrî mwathi wake Saûlo. Kwoguo Daudi nîwerirwe acoke Zikilagi.

1Maû 2:13

Jesii aarî na anake mûgwanja. Marûmanîrîrîte na ûkûrû wao maarî: Eliabu, Abinadabu, Shimea,