Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




2Sam 16:1 - ÎVUKU RÎA ÛVORO MWARO

1 Rîrîa Daudi aavîtûkire kîrîma kîu vandû vanini, nîwatûngirwe nî Ziba ndungata ya Mefiboshethu. Ziba aarî na mvunda igîrî ikuîte mîgate magana maîrî, ikundi îgana rîmwe cia thavibu, ikundi îgana rîmwe cia matunda ma gûtuuwa wa rîo na mbooro îcûrîte ndivei.

အခန်းကိုကြည့်ပါ။ ကော်ပီ




2Sam 16:1
17 ပူးပေါင်းရင်းမြစ်များ  

Daudi nîwaunûkirie kîrîma Kîam mîtamaiyû îrîa îciaraga matunda arî magûrû matheri akîrîraga; eekunîkîrîte kîongo ta mûndû agîcakaya. Nao andû onthe arîa maarî nake nîmeekunîkîre ciongo na makîmûrûmîrîra makîrîraga.


Rîrîa Daudi aakinyire îgûrû rîa kîrîma kîu varîa Ngai aagoocagîrwa, nîwatûngirwe nî mûrata wake mwîvokeku na warî njorua ya gwikia mîguî wetagwa Hushai. Hushai eekîrîte nguo îno ndembûkangu na ageîtîrîria mûthetu kîongo.


Shimei aathiîre na andû ngiri îmwe kuuma mûvîrîgarî wa Benjamini. Nake Ziba, ndungata ya mûciî wa Saûlo nîwathiîre na anake ake îkûmi na atano na ndungata mîrongo îrî. Nao nîmaakinyire rûnjîrî rwa Jorodani mbere ya mûthamaki.


Barizilai aarî mûthuuri mûkûrû mûno, nîûndû aarî na ûkûrû wa mîaka mîrongo înana. Aarî mûtongu mûno na nîke wavecaga mûthamaki irio vîndî îrîa aarî Mahanaimu.


Andû arîa maariganîtie nao, kuuma Isakaru, Zebuluni na Nafutali nîmaaûkire makuuîte irio na mvunda ciao, ngamîîra, nyûmbû na ndegwa. Irio icio ciarî: mûtu, tûmîgate twa ngûyû, thavibu, ndivei na maguta. Nîmaacokire makîvira ndegwa na ng'ondu, nîûndû kûu Isiraeli kuonthe kwarî na gîkeno.


Kûvecana kîveo nî gûtûmaga mîrango îvingûke, na gûgakinyia mûndû kûrî andû arîa marî îgweta.


Nie nîndûûra Mizipa na nûngame vandûrî venyu kûrî Akalidei arîa magaûka gûkû; nwatî mue ûnganiani ndivei, matunda, maguta na mûtûûre matûûrarî marîa mûtavîte.”


Kwoguo onthe nîmaumire mavûrûrirî monthe kûrîa maanyaganîtie, na makîthiî vûrûrirî wa Juda, kwa Gedalia kûu Mizipa. Nao nîmaaûnganirie ndivei na matunda meengî mûno.


Ngai-Mûnene nîwamonirie kîoneki kîngî: Nînonire gîkavu gîcûrîte matunda ma vîndî ya riûa.


Kaî nîrî na thîna-î! Nie mbîkariî ta mûndû ûrîa ûthiîcaga, akethîrîria mîgûnda yarîkia gûkethwa. Thavibu cionthe nî ngethe, na gûtirî maciaro ma mbere ma ngûû irîa nîriragîria.


Nawe wathiîcathiîca na mbere kuuma vau, nîûkwona mûtî mûtheru wa Taboru. Vau nîvo ûgaatûngana na arûme athatû maunûkîtie mathiîte Betheli kûrutîra Ngai Kîgongoona. Ûmwe wao akethîrwa athiîte atongoreretie twori tûthatû, nake wîngî akethîrwa akuuîte mîgate îthatû, nake mûndû mûrûme wa kathatû akethîrwa akuuîte mbooro îcûrîte ndivei taka.


Nake Jesii nîwocire koori ka mbûri, mvunda îkuuîte mîgate na mûvuko wa rûûo wîcûrîtue ndivei na akîîra Daudi athiî nacio kûrî Saûlo.


Abigaeli nîwevarîrie na îvenya na agîoca mîgate magana maîrî, mbooro igîrî ciîcûrîte ndivei, ng'ondu ithano irî mvîvie, kilo îkûmi na mûgwanja cia ngano irî mvîvie, tûkundi îgana rîmwe twa thavibu irî nyûmithie na geki magana maîrî cia ngûyû irî nyûmithie na agîcigîrîra îgûrû rîa mvunda.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ