2Sam 14:7 - ÎVUKU RÎA ÛVORO MWARO

⁷ Rîu mwathi wakwa, andû onthe a mûciî wetû nîarakaru nîûndû wakwa na marenda atî nîmanengere mûvîcîwa nîguo mamûûrage nîûndû wa kûûraga mûrwang'ina. Mangîka ûguo, nie nîngîtigwa ndarî na kavîcî. Mangîthiria kîîrîgîrîro gîakwa kîrîa gîtigarîte na magatiga mûthuuriwa atarî na kavîcî kangîgaatûma rîîtwa rîake rîririkanagwe.”

2Sam 14:7 ပူးပေါင်းရင်းမြစ်များ

Kîam 27:45

na ariganîrwe nî ûrîa we wamwîkire. Nîngaacoka ngûtûmanîre ume kûu. Ndingîvota kûrwa nî mue muoîrî mûthenya ûmwe.”

Kîam 4:14

Nîwamîngata nyume gûkû nthî wana nyume kûrî we. Nie ndikaagîa na wîkaro. Nîndûûra nthiûrûrûkaga na mbûrûraga gûkû nthî. Mûndû wa wonthe ûkaamona nîakaambûraga.”

2Sam 12:17

Nacio ndungata cia gwake mûciî nîciathiîre kûrî ke na ikîgeria kûmûkîria, nwatî nîwaregire kûrîcanîra irio nacio.

2Sam 14:6

Mwathi wakwa nie naarî na anake aîrî. Mûthenya ûmwe, nîmaanegenanîrie kîthakarî kûndû gûtaarî na mûndû wa kûmeguithania. Mwanake ûmwe nîwaringire ûcio wîngî na akîmûraga.

2Sam 14:8

Mûthamaki nîwacokire akîîra mûndûmûka ûcio atîrî, “Thiî gwaku mûciî, nîngûrûmbûyia ûvoro ûcio.”

Ndari 35:19

Nake mûndû ûmwe wa arîa metanîtue na mûndû ûcio ûragîtwe nîakaamûrîvîrîria na njîra ya kûraga mûndû ûcio ûraganîte.

Mathaayo 21:38

Nwatî rîrîa arîmi acio moonire mûvîcî nîmeeranire atîrî, ‘Ûyû nîke ûgaatigîrwa mûgûnda ûyû wî îgai rîake, ûkani tûmûrage nîguo îgai rîu rîake rîtuîke rîetû.’

Gûco 25:6

Kavîcî ka mbere karîa mûndûmûka ûcio magaaciara nake, gageetanua na mûthuuriwe ûcio wakwire nîguo rîîtwa rîake rîtikariganîre kûrî andû a Isiraeli.